حمله تاجيل الدراسه في الجامعه

[Success key]

لازم تتأجل الدراسة لأن الى الآن الوضع ماهو مستقر بالله كيف الأمانة والدفاع يكملوا شغل و الناس بزاحم رجعة الدوامات

[الواعد الذهبي]

أنا معاكم بالحملة ،، وسجلوني أول واحد .. حتى لو جيت متأخر
حسبي الله على من استهزأ بالحملة ووصفنا بااللاوطنيين
وهو أبعد ما يكون عن الوطنية ، وقد فاحت رائحته النتنة
أسأل الله أن يريه ما يجعله يطالب بتوظيف الشباب بدون الجامعة

[nice cool]

انا مو من سكان جدة وماما خايفة عليا انا قرة عينها وكيف ابى اجي جدة اصلا مو عاد الجامعة والطرق خربانه والفنادق مافيها مكان فين يعني اجلس في الشارع اقله اسبوع الإجازة الى ان تستقر الأوضاع وجزاكم الله خير ولو انفجر جسر بحيرة المسك وفاض علينا ضاعع العمر ياولدي وضاع حلمي في الطب......واللع يرحمني وامي المسكينة كيف بتعيش من غيري الله يرحم بحالنا متفائلة خير يارب ياكريم ياعظيم ا<ازة وانا كمان تعبانه والله عندي القلب وعندي تحويل من مستشقى لمستشفى وشغلات وتحاليل وصرت تعبانه في الإجازة وانتو عارفين انو حج ومافي الا طوارئ ويقولو بعد الحج وخير يعني يوم السبت وانا والله العظيم محتاجة الإجازة مابى اغيب وانحلرم من الجامعة لقدر الله فصل ..

[UNEED1]

الله يسعد مساكم
نحن معاكم قلبا وقالبا" صحيح انا من الجنوب بس كلنا ابناء وطن واحد
وما حصل في الايام الماضيه آلمنا ولا نريد ان نراه يتكرر في اي مكان
من وطننا الغالي باهله وحكامه وكل مافيه



تحياتي للجميع

[انا نيوتن]

السلام عليكم ورحمة الله وبركاته

اكيد مع التأجيل وبدون اسباب &الموضوع مايحتاج شرح &
والمفروض يعرفوا من نفوسهم ويأجلوا الجامعة قرأت اليوم في عكاظ مدير العلاقات العامه
يقول لاعضاء هيئة التدريس لازم يخلوا الفلل اللي ساكنين فيهاو اللي في محيط الجامعة ويروحوا للشقق المفروشه
واحنا نروح ايش التناقض هذا

[مداد الحروف]

السلام عليكم ورحمة الله وبركاته
اللهم ارحم موتانا وموتى المسلمين اجمعين
وجزاكم الله خير الجزاء

اخواني واخواتي لازم يون لنا دور فعال
ولازم يوصل صوتنا لأننا لاقدر الله لو حصل شي راح نكون
اول المتضررين لأننا في الجامعه
وفي غمضة عين قد يحدث الشيء المتوقع

انا من المدينه المنوره وساكنه بحي الصفا وهو من الأحياء المهدده
ومو عارف ايش الحل اجي جده او استنى الوضع يهدا
رغم اني عندي اختبار الأحد


عموماً اخواني واخواتي انا معاكم في التأجيل لأني من المدينه المنوره وصعب عليا
السفر والدنيا امطار وسيول
وبصراحه نفسي غاليه عليا وليا اهل واحباب يبغوني
وربنا قال (( ولا تلقو بأيديكم إلى التهلكه))

واللي ربنا كاتبه راح يسير

وتوكلنا على الله
والحمدلله رب العلمين على كل حال

[الزهرة الجميله]

انا معاك واوافق على حملة تاجيل الدراسه
وسببي لانو السيارات والسكك معطله ومكسره وفيها مويه لسا والوضع مخييييييييييييييف جدا

[عبله كامل]

إزيكو إزيكو انا جايه هنا اساعدكوا..

صباح الخير يا طلاب جده ..صباح الخير يا طلاب المدينه الغرقانه,,
اللي ما تعرفوه وانا اعرفه انو بس امس قبل المغرب فرق الانقاذ طلعوا 12 جثه ..
واللي ما تعرفوه اكثر اني اعرف ناس فالسكن الجامعي خرجوا منو وراحوا سكن خارج الحي بكبرو ..لييييييييييييه؟؟
فكرو فكروا ..

برافو عليكم ..للمعلوميه اذا جات امطار عليكي يا عروس البحر"سابقا"((قهر صح)) وفاااااضت بحرة المسك""حقت المجاري""اكرمكم الله ايش راح يحصل؟اول مين يتضرر الجامعه وطلاب الجامعه وكلاسات الجامعه والداتا شو حقت الجامعه ورابيس الجامعه هههههه
عارفه مو وقت ضحك بس الاوضاع والله من كثر مو هي قويه صارت تضحك ؟يعني بالله فيه ناس عاقله تداوم وهي عارفه ان ممكن بلحظه تلاقي نفسها .....ما بكمل
الله يكفينا بس
والله ظلم اننا نداوم
انا عني ابغى اعيش لسه ما شفت الدنيا وبأعلى واقوى صوت ونيابه عن طالبات كلية الحاسبات اقول
ارحمونا يرحم اهلكم ما نبغى نداوم ..عاد اذا احنا الدوافير حقون الحاسبات ما نبغى دوام بالله مين راح يداوم..انا احساسي عمره ما خانني الحمد لله تبغوني اقولكم ايش حاسه؟


محد راح يسمعلنا للأسف وراح نداوم والراس مرفوع:(
ونصيحه مني:::::استعدوا لأخذ المحاضرات بدون داتا شو:::
جهزوا اقلامكم ودفاتركم
ولا تثقلوا الشنط عشان اذا صار شئ نلحق نحط ارجولنا

والله يوفق الجميع ونسمع خبر حلو ان الدراسه تأجلت لحد ما تستقر الاوضاع ..ولا تستنوا الاوضاع تستقر لان جده كلها انعدمت
تحياتي..

[عالم الحب]

أنا أيغى التأجيل مو ظلني كسولة

لا لأن عندي أطفال لازم أربيهم ما أبغاهم يعيشو أيتام مثلي

[smorh]

ارجو التفاعل من الجميع وكتابه الاسباب بأسلوب منمق لان الاسباب راح تندرج في الخطاب يا طلااااااااااااااب