كتب " يجب جدا " شراؤها

[υикиσωи]

^^
ثانكس عالمعلومات يا جميل ..
وولأخونا اللي كتبها .. الله يجزيه خير ..

واخيراا عرفت اسم كتاب الهستو حق اللاب ...>>> Practical histology

[twinkle20009]

لو سمحتو نبغى ضروري موقع مكتبة الشقيري والمريخ والكتاب الطبي

[twinkle20009]

الكتاب اللأول للدنتال اناتومي حق ويلر د. سامية قالتلنا أنه مهم ولازم يكون عندكم كمرجع في مكتبكم لكن ما استفدنا منه حاجه بسنة ثانية وبراحتكم اذا تبغوا تشتروه أما الكتاب الثاني مو مهم

طيب من فين نذاكر

[Dr~NanoOok]

المشاركة الأصلية كتبت بواسطة twinkle20009 لو سمحتو نبغى ضروري موقع مكتبة الشقيري والمريخ والكتاب الطبي

مكتبة الشقري داخل الجامعة.. قريبة من كلية الهندسة للأولاد

دار المريخ.. في شارع السبعين مع التقاطع مع كوبري الملك عبدالله

الكتاب الطبي.. جنب الجامعة بلازا على شارع باخشب

ما أعرف أوصف بالضبط فين
لكن اذا دورتي في النت عن العنوان حتلاقي شرح مفصل أكتر
أو أسألي البنات الباقيين أكيد يعرفوا

[Dr~NanoOok]

المشاركة الأصلية كتبت بواسطة twinkle20009 طيب من فين نذاكر

من شيتات د. سامية وبعدين مع د.هشام

شيتاتهم حلوة ومفصلة لكن مافيها كل شي
وهم يحبوا يجيبوا أسئلة من شرحهم في المحاضرة
فأكتبوا معاهم كل شي

[ultraviolet]

مررررررة شكرا يا د. نانوك

ربي يوفقك و يسعدك

بس عندي سؤال

هوا الاناتومي مين فين يفضل مزاكرتو ؟

يعني مافي شيتات مضمونة الواحد يزاكر منها

و سؤال تاني
كتاب سنيل الطبعة 7 احسن من التامنة ؟
و ليش ؟

و الله اسفين ازا طفشناك اسئلة

دمت دائما متفوقه

اختك
ultraviolet

[ultraviolet]

ايوة صح

كمان افتكر انو بنات تالتة لمن جونا قالو ننصحكم تشتروا طقم اسنان عشان اسهل في الدراسة .... يعني نشتري و لا كيف ؟

و تالت حاجة
انتو زاكرتو من كتاب الامبريولوجي ؟ و لا من الشيتات ؟

و خلاص

شكرا

[Dr~NanoOok]

العفوو عزيزتي =)

بس عندي سؤال هوا الاناتومي مين فين يفضل مزاكرتو ؟ يعني مافي شيتات مضمونة الواحد يزاكر منها

جزئية الجينرال من الكتاب الفاوندمنتال
حلو وسهل
وفيه كمان شيتات حقت د.فتحية بخط اليد لكن مررررررررررررررررره شرحها حلو ورسوماتها روعة

واتذكر جبنا شيتات حقت الأولاد وزاكرنا منها برضو

على العموم احنا بنات تالتة اتفقنا نجمع الشيتات المهمة وقلنا ننزلكم هي في الكوبي سنتر
مدري ايش قرروا آخر شي , بس أكيد حنقلكم بعد ما نضبط كل شي
معليش اعذرونا بس احنا مرررره مضغوطين مع المحاضرات.. عاد سنة ثالثة مره دسمة ومكثفة
وعندنا 8 مواد وكلها تخصص "^^

ولا كنا جيناكم وساعدناكم أكتر وأكتر

و سؤال تاني كتاب سنيل الطبعة 7 احسن من التامنة ؟ و ليش ؟

مين قال كده؟ أنا اللي أعرفه الطبعات الجديدة تصير أحسن ويضيفوا عليها حاجات ويعدلوا عليها
وأنا اللي عندي الطبعة التامنة وهي مره حلوة

بس ترا ما تفرق كتير يعني بين الطبعات
فاللي تلاقيه موجود جيبيه

و الله اسفين ازا طفشناك اسئلة دمت دائما متفوقه

وليش الأسف.. بالعكس احنا أخوات زي ما قلتي
ولبعض دايما =)

آمين الجميع يارب

[Dr~NanoOok]

كمان افتكر انو بنات تالتة لمن جونا قالو ننصحكم تشتروا طقم اسنان عشان اسهل في الدراسة .... يعني نشتري و لا كيف ؟

هو مره حيسهل عليكم الدراسة وفي التخيل لكل سنّة
وتعرفوا العلاقة بين كل سنّة واللي جنبها واللي فوقها

لكن لما دورت عليه في الرازي للمعدات الطبية لقيته غالي.. الطقم الواحد بـ 200 ريال
يعني الطقم فوق وتحت بـ 400
لكن لقيت أسنان صغيرة كأنها حقيقية وفيها كل شي تحتاجوه
الاكلوزال سيرفس و الشكل الخارجي وكل شي
والسنّة الواحده بـ 12 ريال أعتقد .. ويصير أشتروا الأسنان اللي عليكم دراستها دا الترم
وهذه الأسنان حتستفيدوا منها في سنة رابعة كمان

و تالت حاجة انتو زاكرتو من كتاب الامبريولوجي ؟ و لا من الشيتات ؟

احنا جبنا شيتات د.فتحية حقت الامبريو
وكانت حلوة لكنها بخط اليد.. وحسيت أنها نفسها اللي بالكتاب بالاضافة لشرح أكتر
فقررت أذاكر من الكتاب لأنه مررررررره مرتب وريحني في المذاكرة
<< شوفوا الكتاب من جوا واذا عجبكم امشوا عليه

وتقريبا كل الشيتات زي الكتاب ما تفرق.. يصير براحتكم ذاكروا من اللي ترتاحوا ليه

[ultraviolet]

شووووووووووووووووووووووووووووووووووكرن جزاك الله كل الخير يا رب

ربي يوفقك و يسعدك و يحقق كل احلامك

دمت متميزة