حولوني لكليتكم يَ قميييلييين :)

[rooose93]

والله يبارك فيكك ي رب

[hanan 510]

ما شاء الله تبارك الرحمن الله يوفقك يارب
انا برضوا من كلية العلوم وطلبت تحويل من الأودس ومن دفعة 12
بس مانزل لي شئ
عقبالي أن شاء الله ،،،

[rooose93]

^
الله يبارك فيكك ي رب ، اللي أعرفه إنهم يآخدو قليييل ممكن بس 2 او 3 بس ماني متأكدة من دي المعلومة ربنآ ييسرلك حبيبي ويبشرك بالخير قريببببببب

[لولو 2011]

اختي انا كمان زيك يمكن تحولت بس ابغى اتاكد انا كنت كيميا حيوي ودحين لمن اخش الاستعلام الاكاديمي الشامل مكان الكلية والقسم صار فاضي
ولما ادخل معلومات عن الطالب مكتوب البرنامج لعام 2014 علوم طبية تطبيقية مستجد ونفس الشي لمن ادخل مطابقة السجل الاكاديمي والخطة وكمان حالة التسجيل بس لما اسوي متابعة طلب التحويل يطلعي انه مانزلت نتائج الفرز لسه وكمان سمعت دحين انه طلاب العلوم الطبيه فتحلهم التخصصات انا ماطلعلي حاجه
دحين ايش اسوي كيف اعرف اني انقبلت فالعلوم الطبيه ولا لا وتاني شي انا لمن فتح الاحذف والاضافه فالصيف سويتلي جدول لما كنت كيميا حيوي يمكن عشان كدا مايطلع عندي التخصص ؟؟
ياريت احد يرد علي ويطمني

[rooose93]

لا عزيزتي انا لين دحين جدولي بالعلوم موجود ماحذفته ، والتخصصات نزلت لي من يوم 6 شوال زي باقي البنات عادي يعني ورتبت رغباتي كمان وانتظرها تطلع انت الافضل روحي اتاكدي من الجامعة بس دام كتبولك لك اكيد تحولتي زي .. ومبروك عليك
فتحتي الطالب>خيارات التحويل والتسكين ..الخ>الرابط الاول> وعبي رغباتك جربتي ولالا؟

[لولو 2011]

اها مبرووك حبيبتي

انا مدري اروح ولا لا مو اول قالوا اختيار التخصصات حيكون اول اسبوع .
.انا بس في الاستعلام الاكاديمي الشامل مو مكتوب تخصص لا كيميا حيوي ولا علوم طبية
بس زي ماقتلك انا عرفت اني تحولت لما شفته فاضي قمت دخلت عرض معلومات عن الطالب <2014 لقيت الكلية مكتوب علوم طبية تطبيقية مستجد وحتى حالة التسجيل والسجل الاكاديمي برضو بس غريبه
ليه مايطلع في الاستعلام الاكاديمي
اما خيارات التسكين والتخصيص دخلتها واخترت الفصل الدراسي 2014 بس ماطلعلي شي

[bayanmallah]

مبروك عليكي القبول اختي انا حابة المختبرات كمان وناوية اخشها ومن دفعة 2013
بس في شي ملخبطني عشان اختار القسم في رابطين وانتي قلتي اختاري الرابط الاول انا احتياطا عبيت في الاتنين بس ماني متاكدة ليش حاطينلنا رابطين :)

[rooose93]

مممآأعررف وشكلي حعبي الرابطين زيكك ^^