الاعتذار عن ترم

[اميره بضحكتي]

المشاركة الأصلية كتبت بواسطة dr.candy شوفي دا الاحساس جانا للكل بس انا كنت مجنونة اني احول اعلام هوا ككده بداية السنة كلنا مرينا زيك لخبطة و مدري ايش ودكتور يدخل ويطلع وما احنا فاهمين زي ما قلك استاذنا ( قصة غروب ) لا توصلي مرحلة يأس تخليكي زي كده ولا تخافي هوا الترم الاول كده وعلى الترم الثاني خلاص قد انتي اتعودتي على الوضع وعارفة النظام وعارفة ايش تسوي وليش تبغي تقدمي اعتذار : انا اقولك لو فرضنا قدمتي اعتذار راح تقدمي اعتذار لسنة كاملة يعني بتقعدي في البيت وما راح تقدري تحولي ... اذا تبغي تحولي بين كليات المجمع الطبي لازم على الاقل تدرسي تخصص سنة وبعدين تحولي واذا تحولي علوم ... راح تتهوري وماراح يعجبك وزارة السياحة والتشميس هناك وبترجعي بعدين وراح تندمي .. في بنات قدمو تحويل علوم ودرسو سنة ورجعو عندنا وندمانين انهم ضيعو سنة من حياتهم نصيحتي لا تضيعي نفسك ومستقبلك ولا تضيعي من عمرك سنة على كلام زي كده صلي وادعي ربك واستخيري كلنا كنا زيك ما نعرف راسنا من رجولنا على قولتك بس لمن تعدي الترم الاول خلاص ترتاحي وتبداي تفوقي لانك اكلتي ضربة على راسك ربنا يسهلك ويكتبلك الخير واذا مرة ما انتي مقتنعة كلمي استاذه سراء .. ترى مرة طيبة وتحب تسمع للكل

والله اني احس نفسي اني انا المتنحه الوحيده في الكلاس الكل بيسأل ويجاوب وانا فاتحه فمي ^^"

انا كنت افكر اني احول حاسب او اداره واقتصاد

تسلمي ع التوضيح بخصوص التحويل

والله لا يحرمني وجودكم ودعمكم

الله يعطيك العافيه ويوفقك ^^

[اميره بضحكتي]

المشاركة الأصلية كتبت بواسطة a7la fooofooo ياقلبي ياحياااااااااااتي انا قوولت نفس الكلااااااام العاام واجي ابكي ومافهم واقول مابغا اكمل جامعه بسس اول شهر كدا بعدين اتعوودت ودحين والله العظيم انا زيك احس اني حاااايسه ماعرف ايش اذاكر وايش اخلي واجلس اقول ابغا احول انا مني قدو بس لمن اجي افكر اقول احنا دخلنا برغباااتنا محد غصبنا عليه وان شاء الله نقدر عليه ونبدع فيه قدرنا عالتحضيري الهم محا نقدر على الكلية دي لانقدر ان شاء الله لاتحطمي نفسسسك حنبدع فييه ياصحبتي ان شااااااء الله وبالتوفيق ليا وليكي ولكل البنات

هلا والله بصحبتي ^^

والله يا قلبي اني احس نفسي اني انا الوحيده الي متنحه ومني داريه عن شي > <

تسلمي والله كلامك رفع معنوياتي ^^

[dr-sh0sha]

[quote=اميره بضحكتي;4778415]والله اني احس نفسي اني انا المتنحه الوحيده في الكلاس الكل بيسأل ويجاوب وانا فاتحه فمي ^^"


مين قال دا الكلام تقريبا اغلب البنات في الفسيولوجي مو فاهمين شيء ويشتكوا منو وانا اول وحدة متنحة وفاتحة فمي طول الكلاس ومو فاهمة ولا كلمة من اللي بتقوله

هدا الشعور كلنا حاسينه زي التحضيري فاكرة كيف كنا

اسالي البنات اللي اكبر مننا لمن اقولهم فسيولوجي يقولوا لي مررة سهل ومدري ايش عااادي حبيبتي هونيها وتهووون ان شاء الله

[قصة غروب]

^^^^
الله يسعدك اختي الغاليه والله لا تشيلي هم صدقيني جدا الامور اسهل من ما تتوقعي ولا تشيلي هم بس زي ماقلتلك اتعوذي من الشيطان.
طيب انا بانصحك بطريقه حلووووه ف المذاكره
لما ترجعي من البيت ذاكري الماده السهله
يعني مثلا اناتومي انسترو كم مساله ف الام تي
طبعا ذاكري الشي السهل جدا جدا ولما تخلصيه راح تحسي انك انجزتي وبديتي تفهمي ولو الشي البسيط بعد كذا خذي بريك وارجعي امسكي مثلا البايو وقري فيها وترجمي الكلمات اللي ماتعرفيها بس وارجعي اقريه مرتين ثلاثه بس وبعد كذي حطي لك اسئله وجاوبي عليها انتي وصدقيني كذا كله بيمشي تمام ان شاء الله.
والفسيولوجي اللي انتو شايلين هما ترى كلها ساعتين يعني لا تعطوها اكبر من حجمها ياجماعه.
وانتي اللي يهمك ف الفتره هذي واللي يهم بعض الدكاتره انك تنجحي وتجيبي درجه حلوه وهذي بسيطه ان شاء الله قبل الاختبارات نتساعد ف بعض الاشياء اللي تساعدكم ف الاختبارات لاتشيلوا هم ابدا ان شاء الله.
غير كذا لا تقولي ولاتطري الرسوب ثاني انتي ماشاء الله عليكي متفوقه ومستواكي علي واكبر دليل انك دخلتي كليتنا وغير كذا انتو عديتوا من السنه التحضيريه الصعبه وتجوا ف الاشياء السهله وتخافو؟؟؟!!!!
اختي زي ماقلتلك انتي بس اتعوذي من الشيطان وخذي الامور ببساطه ولاتشيلي هم وقلتلك الترم هذا ان شا اءلله بيعدي بخيره بشره لكن الترم الثاني رااح تشوفي شي ثاااني مختلف بالمره راااح تستمتعي فيه بالمره لانها كلها مواد تخصص بتكون,اما اللحين ممكن ماتكوني مستمتعه لانك اصلا لسه ماتدرسي شي ف المختبرات هذي مواد الطب العامه.
ربي يوفقك ويسعدك ويشرح صدرك ويريح بالك
اختي الغاليه اتعوذي من الشيطان واستعيني بالله وتوكلي عليه وابشري باللي يسرك.
تحياتي

[قصة غروب]

ياجماعه ليش معطيين الفسيولوجي اكثر من حجمها؟!!!
ترى كلها ساعتين!!!>__<

[rano00nah]

ي بنت أتعوذي من الشيطآن بلآ تحويل ><"

حتى انا أحس نفسي ضآيعه حتى سرت أشك انو مآفي نسبهـ ذكآء أبدن

لكن كذ1 ف البدآيه لآلآزم . . حتى المذاكره لسآ م أعرف لكن بستمر و حستوعب الوضع ><

< حتا م سرت أعرف اتكلم هههههههههه كل كلامي "حتى "

:

بالتوفيق أميرهـ xD ولآ تحولي

[Dr.candy]

محمد صح انها ساعتين بس شوية يبغالها شده حيييييييييييييل وتركيز وفهم

شوفي الفسيولوجي لا تخافي انتي بس افهمي هيا الماده كلها فهم ولا تخافي قسم الفسيولوجي ترى مرررة يساعدو

وفاكين ابوابهم للكل ترى ويشرحولك هيا با ابسط ما يمكن

بس اهم شي انو تقراي المحاضرة بعد ما تاخذيها او الاقل تكتبي ملاحظات صغيرة وتقرايها

ولمن تخلصو سيستم معين اطلبو اختبار كويز بسيط وجربي وترى اسئلتهم سهلة

ونصيحة مني ركزي في التوريلات ولا تضيعها اغلبهم يجيبو منها

وعلى حكاية التناحة كلنا كده متنحين حتى احنا متنحين في الولاده تبعنا وبس نقول ايش ايش ؟؟

عادي بس انتي استهدي بالله و لا تخافي

[Ms.Glamor]

يؤ ليه بس

يعني انتي كنتي متوقعه من اول كم اسبوع بتكوني فاهمه كل شي

والدنيا مرتبه عندك ؟

طبعا حتكوني كذا ، حرام عليكي انتي لسه يا دوبك تكملي شهر في القسم

لازم تصبري وتمسكي ماده ماده ترتبي نفسك فيهاا ،،

كملي يا عسل فالقسم وحاولي قد ما تقدري ترتبي وتفهمي ومتاكده 100% حيتغير كلامك نهاية السنة ^*


الله يوفقك ويفتحها عليكي ويسهلك يااارب

[اميره بضحكتي]

مين قال دا الكلام تقريبا اغلب البنات في الفسيولوجي مو فاهمين شيء ويشتكوا منو وانا اول وحدة متنحة وفاتحة فمي طول الكلاس ومو فاهمة ولا كلمة من اللي بتقوله

هدا الشعور كلنا حاسينه زي التحضيري فاكرة كيف كنا

اسالي البنات اللي اكبر مننا لمن اقولهم فسيولوجي يقولوا لي مررة سهل ومدري ايش عااادي حبيبتي هونيها وتهووون ان شاء الله /


ما دام انتي متنحه في الفسيولجي خليني اجلس جنبك عشان لا احس نفسي المتنحه الوحيده

والله الفسيولوجي حكايتوا حكايه يدوخ الراس والبايو كمان يجيب المرض

[اميره بضحكتي]

المشاركة الأصلية كتبت بواسطة قصة غروب ^^^^ الله يسعدك اختي الغاليه والله لا تشيلي هم صدقيني جدا الامور اسهل من ما تتوقعي ولا تشيلي هم بس زي ماقلتلك اتعوذي من الشيطان. طيب انا بانصحك بطريقه حلووووه ف المذاكره لما ترجعي من البيت ذاكري الماده السهله يعني مثلا اناتومي انسترو كم مساله ف الام تي طبعا ذاكري الشي السهل جدا جدا ولما تخلصيه راح تحسي انك انجزتي وبديتي تفهمي ولو الشي البسيط بعد كذا خذي بريك وارجعي امسكي مثلا البايو وقري فيها وترجمي الكلمات اللي ماتعرفيها بس وارجعي اقريه مرتين ثلاثه بس وبعد كذي حطي لك اسئله وجاوبي عليها انتي وصدقيني كذا كله بيمشي تمام ان شاء الله. والفسيولوجي اللي انتو شايلين هما ترى كلها ساعتين يعني لا تعطوها اكبر من حجمها ياجماعه. وانتي اللي يهمك ف الفتره هذي واللي يهم بعض الدكاتره انك تنجحي وتجيبي درجه حلوه وهذي بسيطه ان شاء الله قبل الاختبارات نتساعد ف بعض الاشياء اللي تساعدكم ف الاختبارات لاتشيلوا هم ابدا ان شاء الله. غير كذا لا تقولي ولاتطري الرسوب ثاني انتي ماشاء الله عليكي متفوقه ومستواكي علي واكبر دليل انك دخلتي كليتنا وغير كذا انتو عديتوا من السنه التحضيريه الصعبه وتجوا ف الاشياء السهله وتخافو؟؟؟!!!! اختي زي ماقلتلك انتي بس اتعوذي من الشيطان وخذي الامور ببساطه ولاتشيلي هم وقلتلك الترم هذا ان شا اءلله بيعدي بخيره بشره لكن الترم الثاني رااح تشوفي شي ثاااني مختلف بالمره راااح تستمتعي فيه بالمره لانها كلها مواد تخصص بتكون,اما اللحين ممكن ماتكوني مستمتعه لانك اصلا لسه ماتدرسي شي ف المختبرات هذي مواد الطب العامه. ربي يوفقك ويسعدك ويشرح صدرك ويريح بالك اختي الغاليه اتعوذي من الشيطان واستعيني بالله وتوكلي عليه وابشري باللي يسرك. تحياتي

الله يعطيك العافيه

عجبتني طريقة المذاكره ان شاء الله بسويها

والله عارفه اني دوختكم بس مالي غير الله ثم انتو اشكلكم همي ^^

طمنتني الله يطمنك ويعطيك ع قد نيتك

الله يوفقك دنيا واخره

دمت بود