استفسار في الانجليزي

[ريتشأ]

المشاركة الأصلية كتبت بواسطة sмile عفوا بخصوص الطالبات اختبار القبول اساسي سواء كنت انتظام او تعليم عن بعد او انتساب .. التسجيل لو بداية الترم في مبنى الجوهره تدخلي ع يدك اليسار اخر غرفة هي سكرتارية القسم اساليهم او تلاقي شاشة معلنين فيها ...

طلاب I said

[ريناد الهاشمي]

المشاركة الأصلية كتبت بواسطة الواثقةبالرحيم صباح الخير اختي اناباقيلي مادة واتخرج من هالتخصص..شوفي هانصحك نصيحة تخصصنا هذا لو انتي ماعندك لغة انجليزية راح يكون صعب عليكي تمشي فيه بمعنى اخر لو انتي مفكرة انو في هالتخصص هاتكتسبي لغة فانا بقولك غير صحيح هالتخصص لما تدخليه لازم يكوووون عنددك بالاساس لغة انجليزية كتابة وتحدث وقواعد انتي لما تدخلي هالتخصص مارح تدرسي قواعد ومحادثات ووو لاااا نهائي هالاشياء تقدري تاخديهافي معهداو دورة او مجهود شخصي لكن تخصص ادب انجليزي لااا ..ادب انجليزي يعني مواد باللغة للانجليزية وهالمواد تنقسم لثلاث اقسام:مواد البيسك مواداللغويات ومواد الأدب مواد البيسك..القراءة الاستماع والتحدث الكتابة.. مواد اللغويات.. مقدمة في اللغويات ،،صوتيات ..علم اصوات.. لغويات تطبيقية.. لغويات اجتماعية.. علم دلالة ..حلقة بحث في اللغويات.. النحو ..الصرف مواد الادب..مقدمة في الادب ..الادب الحديث.،شكسبير..النقد الادبي.. مناهج البحث.... ادب القصة.. المسرحية..الشعر.. مقدمة في للترجمة..فرنسي..والتدريب العملي واللي هو عبارة عن(تدريب في احد المؤسسات تمارسي فيه اللغة وتقيمك المؤسسة+اختبار توفل) وتكتبي تقرير .باختصار كلها مواد باللغة الانجليزية ويوجد كورسين فرنسي كمان.. بمعنى لازم تكون عندك لغة انجليزية وقدرة على كتابة المقالات اللانجليزية الطويلة التخصص هاتمارسي لغتك فييه مو هاتتعلميها فيه لومفكرةانك هاتتعلمي اللغة غلطانة انتي هاتمارسيها فقط من خلال هذه المواد المختلفة واي سؤال حابة تساليه اكتبيه في موضوعك هنا وانا حاضرة.. وياكثر اللي حولو من القسم بعد اكتشافهم لهذه الحقيقة انو ممارسة للغة اللي مفروض انهم بيملكوها قبل دخول التخصص مو تعليم اللغة.. ونصيحة اخرى مهمممة جدااا...لاتعتمدي على كلام الطلاب في التخصص لانو للاسف الشديد احنا كطالبات وضعنا مختلللف نهاائيا عن وضع الطلاب..والامور عندنا اصعب من عندهم.. من ناحية مناهج ودكتورات..الخ ونسيت اقولك انو اول كورس بيسك هاتاخديه هايكون اختباره عبارة عن كتابة مقال بالانجلش يعني لازززم يكووون عندك لللللغة عشان تعرفيةتكتبيه وبعدين تتوالى المقالات معك في الاختبارات اللغوية والادبية يطلب حسب المادة والدكتورة او الدكتور واسئلتهم.. واخيرا اسم الكلية الاداب والعلوم الانسانية تخصص اللغات الأوروبية(قسم الأدب الإنجليزي) ملحوظة ..مواد الالكا تبع التحضيري مو هي اللي بتحدد مستوى اللغة الانجليزية..اللي بيحدد فهمك لمواد التخصص وقدرتك على كتابة المقالات الانجليزية من فهمك ..وهذا اللي هاتحتاجيه في التخصص عندك لغة محادثة. وكتابة وبتفهمي النصوص الادبية لما تقرايها انجلش من روايات ومسرحيات وشعر وتقدري تعبري في مقالات بمخزون لغتك او لا

شكرا جزيلا و جزاكي الله خير ما قصرتي ... أبغا أسألك متى اختبار القبول حق تخصص اداب الانجليزي؟ هل في الترم الثاني من السنة التحضيرية ولا متى ؟ و الاختبار عبارة ايش ؟ و ايش المصادر اللي تنصحيني بها عشان اذاكر منها و آخذ عنها فكرة ؟ و فين بختبر دا الاختبار ؟ هل برسوم ولا كيف ؟ بالنسبة لمادة اللغة الفرنسية اقدر ادرسها مع الانجليزي ولا لازم اكون انتظام ؟ لو تقدري تنصحيني بموقع عشان اتدرب على كتابة المقالات الانجلزية ؟

[موون القمر]

السلام عليكم اختي الواثقة. ممكن تنصحيني باسماء افضل الدكاترة لان انا ناوية على تخصص الانجليزي حاليا انتظر التسكين يفتح انا طالبة انتساب وبحول عن بعد عشان هذا التخصص
اتمنى منك المساعدة بافضل الدكاترة من قسم النساء والرجال

[ريناد الهاشمي]

أقصد عشان أتخصص في قسم اللغات ( اللغة الإنجليزية ) كم النسبة المطلوبة في السنة التحضيرية عشان ادخل دا التخصص ؟
و السنة الجاية لما أخل التخصص ( اللغة الانجليزية ) إيش المواد اللي هدرسها ؟ زي السنة التحضيرية فيها مهارات اتصال و احصاء ....إلخ
لكن أقصد قسم اللغة الانجليزية ايش المواد اللي هدرسها ؟....... أيضا يقولو ان فيه اختبار لازم اختبره قبل ما ادخل دا التخصص كيف نظامه ؟
و شكرا

[Sanaa171]

وربي نفس حالتك وتوي مسجله في المنتدى ابستفسر المهم من اللي قريته ان الاختبار ضروري حتى لو استوفيتي الشروط ؛ شروط الانقليزي معروفه المعدل ٤ و تجيبين في الترمين a+ ان شاءالله اجيبها لان الترم الاول جبت الفل مارك و معدلي كان اربعه والترم ذا ان شاءالله حأجيب اي بلس ، فالاختبار حتى لو ابدعتي بالمعدل لازم اختبار

[Khaled02ha]

المشاركة الأصلية كتبت بواسطة abomohnd لا مو لزم اختبار الا بحاله واحده اذا كان درجة مادة 102 ليست تمام يعني ظعيف او مقبول انا دخلت التخصص ولا اختبرت لانهم لم يطلبون مني الاختبار قبل التخصص لاني جيبت في 102 درجه طيبه والان بقي لي في التخصص ترم علي العموم الا لحظته انهم ينظرون لدرجة مادة 102 فقط اذا الدرجه طيبه تدخل التخصص بدون اختبار والله اعلم

انت تقصد 102 . ب انجليزي لفل 2 .؟ جبت فيه 93

ف كيف .؟

[Khaled02ha]

المشاركة الأصلية كتبت بواسطة abomohnd انا قصد مادة 102 يعني مادة elca 102 ما شاء الله 93 طيبها وهي شاملها لجميع اقرمر اللغه الانجليزيه ادخل تخصص اللغه الانجليزيه سجل في التخصص ما اعتقد يطلبونك في اختبار والتخصص اللغه الانجليزيه سهل للي يحب اللغه الانجليزيه ولدخلت هذا التخصص عيش مع اللغه بجولك انجلش الب توب او مع البرامج والمحدثات عيش مع القصص التاريخيه ايضا مع اصوات البشر واختلاف الثقافات يعني با العربي كيف يتكلمون الانجليزيه اما بنسبه القرمر وماضي والحاضر والمستقبل وغيرها من القرمر لا تدرس في التخصص الانجليزيه لانه يدخلونك مواد لكي تستخدم it هي صعبه لكن اذا حبيت هذا النوع الفن تستمتع فيها

بس من وين اختبر وكيف اتسجل فيه