بنات جاوبوني بخصوص د/الهام

[روووني]

والله هياشرحها حلو وتفهم وتخرجي وانتي فاهمه ابو الممواريث لكنها ....... وهدا مو بس

كلامي كمان كلام كم بنت قابلتهم لمن روحت مكتبها اكلمها في نص الترم لمن روحتلها الابتسامه ياسلام وفي اخر الترم

تكلمك من فوق لقوق وماترضى ابدا انها تكون غلطانه واسألتها كلها لخبطه رغم انو درجاتي معاها في الدوريات عاليه لكن

في النهائي اعطتني 6 من 10 في النشاط وانا قد طلعت على السبوره وكمان اسلمها واجباتي وماحسبتلي البونس وحسبت

لبعض البنات وبعضهم لا اصلا بعد ماطلعت الدرجات لقيت بنات كتير عند مكتبها يبغو يسألوها على الدرجات لانهم صدموا منها

بالعقل 45 بنت 16 او 19 بس اللي جابو 90 وفوق مرره مو معقول لانو الماده سهله مو صعبه بس هيا معقده الماده
درجاتي كلها عاليه ماعدا المواريث بسببها بس الله لايسامحها وحسبي الله ونعم الوكيل فيها انتبهو ياحلوين منها
وفي كمان درجات على الحضور يعني لو تغيبي تروح درجاتك ودحين انا ندمانه اقول ياليتني سمعت كلام البنات ومااخدتها
معاها بس خلاص الي فات مات

[l0li]

انسانه رااائعه بكل المقاييس

تشرح بأمانه جداً

وتعاملها راقي جدا جدا جدا

شديده من ناحية انها تحب الانضباط في الحضور , ما تحب التأخير واللي تتأخر كثير ما تدخلها

وكمان من ناحية التصحيح دقيقه جداً

لكن مستحيل تظلم

أنا أخذت معاها 4 مواد .... والترم هذا آخذ معاها مادة مناهج .. دكتوره رائعه فعلا

استخيري أول شي , وخذيها وانتي مغمضه وبتدعين لها



أما اللي يقولون عنها ظالمه ومنافقه .. أقول هذا كلام مايدخل العقل

عمرها ماظلمتني أو ظلمت أحد من بنات الشعب اللي درسوا معي

ولما اروح لها في مكتبها حتى في غير الساعات المكتبيه ترحب بي وتعاملني بأجمل ما يكون


لكن انتي يا روني .. من يوم ما قريت كلامك عرفت انك مو تخصص دراسات ...

لكن حرام تتهمينها باتهامات زي كذا .... يمكن انتي كلمتيها وانتي متنرفزه أو بينتي لها كإنها ظالمتك في الدرجات ...



عموما

بالتوفيق اخواتي

بس أرجع أقول .. هنيالو اللي يدرس عند الهام .. الله يسعدها دنيا واخره

[روووني]

طيب انا بقولك على نفسي انا ليا عندها 4 غيابات يعني المفروض تنقصني صح؟ لقيتها معطيتني 9.5طبعا مرره فرحت اول ماشفت الدرجه وقلت الحمدالله انها راعتني وجزاها الله خير
وصاحبتي ماغابت ولا يوم معطيتها7.5 ووحده ماغابت ولايوم معطيتها 9 ووحده تانيه غايبه زيي 4 ايام وطبعا من غير عزر والبنت بنفسها قالتلي معطيتها 10 كامله وكم بنت قالتلي الي تقولي ادتني درجه مااستحقها واللي تقول مرره نقصتني
انتي برأيك هدا مو ظلم هدا وانتي دارسه شريعه اجل ايش يتسمى؟؟

نجي لدرجه النشاط:احنا بنات كتييير مرره يعني مايمدينا كلنا نطلع على السبوره بس مع هدا انا طلعت وحليت والواجبات عندي كامله وصح كمان وولا عمري جيت متأخره دايما اجي قبلها معطيتني الله لايهنيها بعافيتها 6 من 10 وحتى لو كنت ماطلعت زي كم بنت تنقصني درجه درجتين مو 4 درجات حسبي الله عليها لا وكمان في مسأله ماكملتها والمحاضره اللي بعدها فتشت عليها وطلع ولا احد حلها الا انا و4 بنات وكتبت اسمائنا وقالت بونس طيب فينها الدرجه شكلها بلعتها؟؟
وبعدين في وحده من البنات هيا مرره تحبها كل ماترفع البنت يدها تطلعها او هي تقول التوافق والتباين تخصص فلانه
يلا اطلعي حليها وهدا تقريبا كل محاضره طيب باقي البنات اللي ماطلعو ايش يسوو لازم تطلعهم عشان تقدر تحاسبهم
غير كدا دي البنت اللي تحبها دايما تتأخر بمعدل مرتين او تلاته كل اسبوعين وفي الايام الاخيره سارت كل محاضره تتأخرلا وتدخل بعبايتها كمان اما باقي البنات تقولها اطلعي فسخي عبايتك وبعدين ادخلي هدا صح برأيك؟؟
واعرف كم بنت اللي ماطلعت في السبوره واللي ماحلت واجب معطيتهم 9 و9.5طيب ايش معنى انا 6 نتي شايفه داه حلال؟؟
واول محاضره قالتلنا حدخلهم الين يسير الوقت8وخمسه دقايق بس تعطوني من اخر وقتكم خمسه دقايق يعني تخرجنا الا خمسه مو الا10زي النظام وانا محاضرتي الي وراها في 420ابعد مبنى وعندي دكتوره ماترضى تدخل احد بعدها قلت اروح اكلمها لمن كلمتها قالتلي اصلا انا اخرجكم الا 10دقايق مو الا5 دقايق!!<<ايش التناقض داه
وقالتلي دكتورتكم غلطانه المفروض تدخلكم الين 10 دقايق <<قلت في قلبي ياسلام اجل ليش انتي تدخلينا لمن يسير الوقت وخمسه لا وكمان ماخده اخر خمسه دقايق شوفوا التناقض كيف؟؟لا وتقلي كلمي رئيسه القسم عليها

ولمن روحت عندهابعد مااعطتنا الدرجه قلتلها يادكتوره انا كلوا عندي كامل ليش مانقصتني اتلبكت في الكلام وولاقالتلي على ايش نقصتني لانها مو عارفه لا وكمان ماهي عارفه اسمي فتحت الكمبيوتر وجلست تدور في الاسماء لقت نفسها ماهي فاكره اسمي قالتلي شوفي اسمك في الكمبيوتر طبعا انا جاني ضحك منها وقهر في نفس الوقت كيف ماهي فاكره اسمي ولا شكلي وحاطه درجه النشاط صراحه قمه الغباء

وانا ليش حكزب مرره يعني فاضيه اجلس اكزب على الدكتورات ولاستازات مرره ماورايه شغله ولا جدول اروح اعدلو
وهيا البنات حقين الدراسات تعاملهم مرررره غير عننا بنات القانون
بس انا ماقول الا حسبي الله ونعم الوكيل فيها والله لايهنيها ولايسامحها ويوريها يوم اسود
انا المفروض يكون معدلي 4.67بس منها نزل معدلي مررره
وفي بونس 5 درجات نص البنات اعطتهم ونصهم لا ايش اللي دراني انو صاحباتي لمن جمعوا درجاتهم لقوها مزوده فوقها 5 ا و4 درجات وانا وكم وحده من صاحباتي التانيين نفس درجتنا ما زودتنا شي وانا متأكده اني المفروض اكون جايبه 5 ولمن سألتها جلست تحسب وتدوروبعدين تسكتني و قالت جمعتو مع النهائي!!بالعقل كل البنات اضافتها من غير ماتزود على درجتهم بس انا الوحيده من بين البنات حسبتها مع درجه النهائي يعني برضوا تتكلم بعقل<<لو شفوها وهيا تحاول انها تثبت نفسها انها الصح شكلها يحزن غالبا

حاولت اني اصدقها انها اضافتها مع النهائي بس ماقدرت لانو اصلا في النهائي درجتي مرره واطيه لمن شفتها ماصدقتها رغم اني في الدوريات درجاتي من احسن البنات في الكلاس حتى كلهم استغربوا منها

انتي برأيك هدي الاخلاق الاسلاميه لوحده مسلمه لا ومو بس مسلمه كمان دارسه شريعه؟؟

اتمنى انك تجاوبيني يادارسه الشريعه

[نوناآاآ]

انا اللي سمعته ما أحد يمدحهااا يقولوا شديدة ..
والله أعــــــــــــــــلم..

[ذنبي طيبتي]

يالطييييييييييييييييييييف هاذا كله من الهام
رووني حبيبي الله يعوضك خيييييير وصدقني اذا حقك ضااع في الدنيا ماراح يضيع عند ربي
حاسه فيك والله حرام عليها مررره خسفت فيك بس ان شاء الله تحصيلها في الاخره

[روووني]

^^^^^^^^
خلاص الحمدالله وبس انا وكلت امرها لربي ياخد حقي منها في الدنيا قبل الاخره

وفعلا يانونا قبل مااضيف الماده سألت البنات عنها كلهم سبوها ولااحد مدحها الا بنت واحده

وقلت لنفسي اصلا انا الحمدالله شاطره وملتزمه بالمحاضرات وهدي الدكتوره من قسم الشريعه مستحيل تظلمني

وانا ماسويتلها شي وقلت حتى لو كانت شديده انا حشد حيلي بس طلعت للاسف .......

كمان وعرفت انو دراسه الشريعه مااثرت فيها وانا ندمانه قد شعر راسي اني اضفت الماده معاها

اتوقع نفسي a+اوaوبعدين الاقي نفسي bشوفو بس كيف الصدمه اللي كنت فيها جلست ابكي طول الليل وادعي عليها

يلا هدا درس ليا انو لمن اجي اضيف ماده اسأل عن امانه الدكتوره قبل مااسأل عن الماده نفسها


وعشان اكون امينه هيا شرحها مافي زيو ابدا تخرجك وانتي فاهمه وممتعه محاضرتها بس ايش الفايده من شرحها ازا ماحتعطينا حقنا وحتظلمنا!!

[l0li]

انا ما اتحمل في ذمتي الا اللي شفته يعيني ..

انسانه شرحها رائع , تعاملها راقي جدا , دقيقه جدا في التصحيح وفي الكلام عامة وفي المواعيد , لما تحس ان البنات مهملات ما تتعاون معاهم .. بس اذا شافت اهتمام وحرص من الشعبه كلها أو أغلبها تتعاون معاهم وتتساهل جدا جدا جدا .. تعطيهم بونس وتخفف عليهم المنهج

الشر يعم + الخير يخص

اذا شفتي انها اعطتك درجه اقل من المعقول بإمكانك مراجعتها وبكل أدب راح تتعاون معاك جدا جدا .. واذا أخطأت في التصحيح تعترف بالخطأ

لكن للأمانه دارسه عندها 4 مستويات .. كل مستوى ماده , والترم هذا آخذ خامس ماده عندها .. ماشفت منها إلا كل خير .. رغم إني أول ماده درستها عندها أخذت عنها انطباع سيء بسبب عدم معرفتي بأسلوبها في الأسئله والدقه

لكن الآن والله إني صرت أشيك على جدولها وأخذ المواد اللي هي تعطيها

فعلا انسانه ما شاء الله تبارك الله ... أفضل دكتوره درست عندها إلى الآن

[روووني]

^^^^^^
هيا شرحها تمام التمام لكن بالله عليكي لو كنتي مكاني ايش راح تسوي؟؟؟

وربي روحت ابغا اكلمها لقيت كم بنت عند مكتبها برضوا يبغوها جلست استنى ساعتين وورايا اليوم التاني امتحان بس قلت معليه اهم شي تتغيرالدرجه يعني انا روحت وكنت متأكده انها غلطانه في الدرجه ووقتها استنيتها وماجات بعدين روحت عند السكرتيره حقت رئيسه القسم وسألتها عن الدكتوره الهام قالتلي هيا خلصت اختباراتها وماراح تجي الجامعه ابدا وبعدين سألتني ايش تبغي بالدكتوره الهام قلتلها في لخبطه في درجتي قالتلي ايش فيه كل البنات جايين ويقول في لخبطه في درجاتهم ودخلتني عند رئيسه القسم وكلمتها انو درجتي مو تمام قالتلي كتييير بنات جوها وكدا قالولها وقالتلي انها كلمت الدكتوره عشان تجي يوم السبت من كتر البنات ماهم ازعجوا رئيسه القسم يسألوا عنها
وجات يوم السبت وانا جيت دخلت مكتبها وقلتلها السلام عليكم كيف حالك دكتوره قالت بقوه الحمدالله وطالعت فيا كدا بعين حمرا (شكلو رئيسه القسم قالتلها انو في بنات كتيير جو يسألوا عن درجتهم)وولا سألتني كيف حالك كالعاده وولا حتى ابتسمت يعني بعد ماسارت ماتدرسنا اتغيرت 180 درجه عننا وقلتلها يمكن يادكتوره لخبطي بيني وبين وحده من البنات طالعت فيا بقوه وبصوت عالي قالت ابدا انا معطيا كل وحده حقها وانا ماالخبط وانا عارفه كل وحده فيكم وقلتلها طيب والبونس فتحت على اسماء شعبتنا وجلست تدور على اسمي ولمن ماافتكرتو قالتلي شوفي اسمك في الكمبيوتر طيب كيف مو دوبها قايله انها تعرف كل وحده فينا بس سكت وسألتها طيب ليش 6 قالتلي انا معطيا كل وحده حقها قلتلها طيب انا في ايش غلطت قالتلي شوفي هنا انا حاطه وهنا انا كاتبه وانا ماجبت اوراقي وووو المهم جلست تلف وتدور وراحت تكلمني على البونس يعني تضيع الموضوع وفي الاول قالتلي حسبتو لكي مع الدوري التاني قلتلها لا انا اصلا كدا درجتي في الدوري التاني قالتلي ها لا انا حسبتو مع النهائي طبعا انا طلعت وسبتها تهرج مع نفسها لاني عرفت اني ماراح اخد منها لاحق ولا باطل
انا اشوفها مع البنات اللي درستهم قبل من حقين الشريعه مررره تمام وكويسه معاهم ومعانا احنا الجدد حقين القانون مرره لا
وربي يشهد عليا اني مااكزب

لو صار الموقف داه معاكي ايش حيكون رده فعلك؟؟؟

[•–([ فزولها ])–•]

روني حبيبتي أنتِ لاتضايقي نفسك ولاشئ .. والله معاك حق بكل كلمه قلتيها ..
أنا أخذت مع الدكتورة الهام .. بس حابه أقول كلمه حق ..
أنا طالبه دراسات لما اخذتها معها كان في معنا طالبات قانون .. وربي كان تعاملها معاهم جداً رائع ..
وتراعيهم أكثر مننا أحنا بنات الدراسات ..
بس برضه هذا مايمنع إنه الدكتورة الهام احياناً تظلم البنات في الدرجات ..
وتفرق في معاملاتها بين البنات
والله اذكر لما اخذت الماده معها .. مرة وقفت بنت على السبورة ..
والبنت ماعرفت تحل .. وجلست تضحك على البنت >> يعني مو تضحك تضحك هع
بس حسست البنت انها غبيه خخخخخخ
البنت عصبت مرررة ورمت قلم السبوره ورجعت جلست مكانها
قامت الدكتورة عصب عليها وطردتها برة وحطت لها ثلاث غيابات قدام عيني ..
هذا والبنت مسكينه متزوجه يعني لاراعات ضروفها ولاشئ ..
.
.
هي صحيح يابنات شرحها تمام مرررة وتفهمك مزبوط .. بس أحياناً أخلاقها تكون مش كويسه للاسف ..

[نوناآاآ]

88888888888
يالطيييييف..