الأولمبياد التي حصلت الاسبوع اللي راح شي حلو بس ليش صار فيها كذى؟!!!

[من لايمنع الشر.. يحبذه]

والمشكلة الأدهى والأمر أن المدربات ماعندهم لياقة أبداً طبعاً من البوفيه المفتوح بس بصراحة البوفيه فكرته ممتازة بس لو يرتبوا لنا طاولات وكراسي للأكل عليها

[/quote]

ههههههههههههه والله ضحكتيني مررررررررررررررررررررررررررررررررررررررررررررررررر رررة هادا كللو بيصير ..

بس الصراحة أختي ماقالتلي على حكاية البوفيه دا ... يبغالي اسألها هههههههه



بس من جد ... لمن يكون فيه شي على شرف مليكنا الغالي والمفدى .. المفروض يطلع بأبهى وأحلى صورة
ومايكون فيه اي ضرر أو اخطاء ... سواء للمنظمين أو للمشتركين ..

بس .. اللي يزعل ويقهر ويعصب عليه الواحد
لمن يطلع في الجرايد الأخبار الحلوة بس ..

ويقولوا حلوووووو وجمييييييييل وممتااااااااااز
وانتهى بأجمل صوووووووووووورة

وهوا ياما تحت السواهي دواهي ..

أتمنى بس إن فيه أحد يقدر يوصل الكلام للرجال أو لخادم الحرمين الشريفين بنفسو

عشان يعرف اللي بيصير من تحتو ...




ووووووووووووووووو


السلااااام احلى ختااااااام
وبالتوفيق للجميع الين تلاقوا حل مناسب

[روووني]

ياحلوه ارسلي ايميل لعميده الجامعه واكتبي فيه الكلام داه وياحبذا لو ترسلي تجارب البنات كمان بأسمائهم وراط الموضوع

وهيا حتاخد حقك ودايما لمن اي مشرفه تبدأ تستهبل خدو اسمها وارسلو للعميده والله انها تاخد حقكم

[come]

السلام عليكم ورحمة الله وبركاته
صلوا على نبي الامه واله وصحبه وسلم
تبين لي من اخر كلام تم كتابته ان من طرحت الموضوع ليس لديها اي خلفية للاسف في كرة السلة ولا القوانين الدولية ولا المحلية
اتمنى انك تقرئي جيدا عن كرة السلة وتطور قوانينها وانظمتها او تسالي في الاتحاد السعودي لكرة السلة
الموضوع مرة تافه واخذ اكثر مما يجب واللي عندها اعتراض او شكوى تقدمها مباشرة للمسؤولين وكفايه لبلبة
اتقوا الله في كل اتهام وكوني واثقة بانكم محاسبين من رب العالمين على كل كلمة كتبتوها
والله من وراء القصد
وشكرا
انتهى

[دنيا القوي فيها حكم]

مرحبا من جديد
لدي اليوم أخبار جديدة ولكن في البداية رح أرد على ردودكم وبعد ذلك أقول مالدي
وشكراً لمروركم

[دنيا القوي فيها حكم]

نبدأ بالأخبار الجديدة
فيه خبر إيجابي وخبر سلبي
نبدأ بالإيجابي
الحمد لله تبين أن اللاعبات المتخرجات الموجودات في صفوف الفرق لهم أحقية بدخول الأولمبياد وكذلك باقي اللاعبات اللاتي لم يتخرجن لهم الأحقية في الدخول وهذا الخبر أكيد وللتأكد مراجعة عمادة شؤون الطلاب للتأكد من الأسماء
يعني صح أنه طالبات بالجامعة ولكن لم يتم التأكد للان من أعمارهم ومازال التحقيق جارياً للتأكد من الأعمار ورح أحط الخبر فور الحصول عليه
والخبر السلبي
أنه بالنسبة للطالبات اللي مثلو فريق تنس الطاولة كانوا أساساً من نفس فريق كرة السلة ((صدمة)) ولم تكن لهم خلفية باللعبة وللتأكد من تطابق الأسماء في الفريقين مراجعة شؤون الطلاب
يعني معنى كذى كانت الأولمبياد حكر على البعض
طيب هم من النخبة في كرة السلة ولكن هل هم نخبة في تنس الطاولة!
ولو الكليات اللي انسحبت شاركت كان أخذنا الأخير بكل جدارة ولكن أخذنا الثاني لعدم وجود مركز ثالث (( الأولمبياد على فريقين بس))
وكانت النتيجة 11-1 الشوط الأول و11-3 الشوط الثاني
كما ذكرت الأخت the hard rock وشاكرة لمشاركتك

[دنيا القوي فيها حكم]

مرحباً من جديد

اليوم كان برنامج عشاق الرياضية على القناة السعودية الرياضية يتحدث عن الحكم السعودي
والسؤال كان ((ماهو رأيك في تقييم أداء الحكم السعودي))
وفي منهم من قال لاتعليق ومنهم من قال أنو مافي أحد يثق بالحكم السعودي حتى الفرق الصغيرة ومنهم من قال أن الحكم السعودي لايتمتع باللياقة الكفاية وغالباً ماتكون صافرته متأخرة جداً عن الخطأ وأن العامل الشخصي متحكم في سير المباراة وهذا ما رأيناه في تحكيم البطولة للأسف وأكثر الآراء إفادة
انو يقوموا بعمل دورات للتحكيم وتكون هناك إختبارات
وهذا الرأي هو الأصح نحن نبغى نرفع من الكفاءات السعودية الموجودة لدينا وكمان لازم يكون فيه شيء يثبت أن هذا حكم معتمد كالشارة مثلاً
وبعدين مو كل من قال أبغى أحكم صار حكم خصوصاً الحكم اللي كانت موجودة في المباراة كانت بالأساس مدربة نادي جدة سابقاً ((يعني أساساً مدربة مو حكم))
يعني نحنا متى رح نطور ونحط كل واحد في مكانه المناسب الحكم حكم والمدرب مدرب واللاعب لاعب ونبعد العلاقات الشخصية عن المنافسات عشان نقدر نحس بالمتعة المرجوة
يعني بالعالم كله عمرنا ماشفنا أحد كان مدرب وبعدين صار حكم عارفين ليش؟؟ عشان الأشياء اللي يحتاج المدرب يعرفها ويتعلمها وينمي مهارته فيها تختلف عن الأشياء اللي يحتاجها الحكم
مثلاً المدرب يحتاج يعرف كيف يسوي خطط ويعرف كيف ينمي قدرات اللاعبين وكيف ينمي لياقتهم ويحافظ عليها وكيف يصنع لاعبين جدد وهل مهارته هجومية ولا دفاعية ولا يعتبر صانع العاب ومن هذا القبيل لكن الحكم ما يحتاج هذا كله يحتاج مثلاً يعرف كيف يمثل الخطأ لمساعده بحركات معروفة عالمياً حتى يدونها بالأوراق
لازم يكون شديد الملاحظة حتى يكتشف هل هذا خطأ ولا تمثيل حتى يحصل على خطأ لصالحه وهكذا يعني فرق كبير بين المهارات اللي يحتاجها الحكم واللي يحتاجها المدرب
ولو كنتم تتابعوا مباريات عالتلفاز وشفتوا كيف الحكم يحسب الخطأ من غير مايروح عند الطاولة ويقول الخطأ أو يتكلم وهذا المعروف بس حكم المباراة ولا حركة من الحركات عملتها تمشييييييي حتى توصل أو تتكلم بصوت عالي عن الخطأ إذا كانت بعيدة ومافيها تروح
وهذا كله اللي صار من أخطاء تحكيمية بفضل المنظمات اللي جابوها بدون التأكد هل هي كفؤ أو لا
يعني نتمنى بعد كذى يكون التحكيم محايد وماتدخل فيه شغلة المعارف ولا يكون من داخل الجامعة يعني ممكن يجيبوه من الخارج من لبنان أو من مصر لان الموضوع صار معترف فيه وهذا في حالة لم تتواجد حكم سعودية معتمدة وعااااااااااااااااااااادلة
وأتمنى أسمع ردودكم حتى نغطي كل جوانب التحكيم

[من لايمنع الشر.. يحبذه]

اهلا وسهلا
أخيتي العزيزة ... أنا من وجهة نظري .. ماقيل عن الحكم السعودي صحيح ..
نادرا ماتجدي حكم سعودي منصف وحكيم (( مع أننا نحن المسلمين والمفترض أننا من نتحلى بالخلق والعدل والكفاءة والأمانة )) وغير ذلك .. أنا أتوقع .. كل حكم من الحكام الذين يطلبونهم للمباريات تصرف لهم مبلغ مالي للتحكيم في المباراة .. وأنا أتوقع سبب توجه المملكة لجلب الحكام من الخارج لأن مكافآتهم المالية وإن كانت عالية جدا لكنهم سيقومون بتحكيم المباراة بشكل جيد ومُشرَف ويخرج جميع اللاعبين منها براحة نفسية جيدة .. ولأن الحكام داخل المملكة مع المعارف وفيتامينات وااااو والبعض منهم والله أعلم (( فوز فريقي واديك زيادة )) فطبعا ضعاف النفوس موجودون في كل مكان من أعلى منصب لأقل منصب ..

وبالنسبة للحكم الذي كان موجود بالمباراة .. أخبرتني ابنة عمي (( طالبة في كلية عفت )) أن زميلتها المشتركة في فريق كلية عفت .. سبب انسحاب فريقهم أن الحكم كان غير منصف في التحكيم وكان ذلك واضح وضوح العين ..

وفي هذا رأي .. صحيح أنا لم أشهد أو أرى أي مباراة ولم أشاهد تحكيم الحكم في ذلك اليوم .. لكن شاهدت تحكيمها في مباريات سابقة .. وكل ماتكلموا عنه كلية عفت صحيح ..
ربما يكون كلاب كذب وافتراء وفي ذلك اليوم كانت في قمة الأمانة والإخلاص (( وغيرت من أسلوبها )) ..
لكن يفضل التساؤل ؟؟؟ لمــــــــــــاذا تم انسحاب الكليــــــــــــة .. هذا فقط لكلية عفت ..
أما الكلية الأخرى لا اعلم لماذا ؟؟

أقترح على من يريد الاجابة سؤال الكليتان من جديد وتحديد أسباب الانسحاب ..

فإذا وجد السبب بطل العجب ..!!

وأخيرا :: حديثي ونقاشي مع الجهتان الموافقة والمعارضة من باب توضيح الأسباب لا أكثر ولا أقل .. .. مع احترام وجهات نظر الطرفين .. وأتمنى أن تكون تجربة مفيدة للأطراف جميعا ..


والله مع الكل وبالتوفيق للجميع

[دنيا القوي فيها حكم]

مرحباً من جديد

فعلاً ليش تم إنسحاب باقي الكليات وكانت ثلاث كليات اللي أنسحبت مو إثنين ورح نفصلها عشان تكون واضحة
أول شيء رح أذكر الكليات اللي أساساً كانت مشاركة
جامعة الملك عبدالعزيز- كلية عفت - كلية دار الحكمة - كلية إدارة الأعمال
وهذه الكليات هي ما ذكرتها وكلية عمادة شؤون الطلاب لأنشطة الطالبات على القناة السعودية عندما أستضافتها القناة يوم الأثنين الفائت (( يعني بعد أنتهاء البطولة))
ولكن الكليات اللي شاركت فعلياً في الأولمبياد هي
كرة السلة: جامعة الملك عبدالعزيز - كلية العلوم والتكنولوجيا
تنس الطاولة: جامعة الملك عبدالعزيز - كلية العلوم والتكنولوجيا
تنس الريشة: جامعة الملك عبدالعزيز - كلية العلوم والتكنولوجيا - كلية دار الحكمة
جامعة الملك عبدالعزيز المركز الأول للسلة عشان كلية العلوم والتكنولوجيا مايعرفوا يلعبوا سلة وأخذت المركز الثاني لانو مافي فريق غيرها ومافي مركز ثالث
كلية العلوم والتكنولوجيا المركز الأول لتنس الطاولة عشان جامعة الملك عبدالعزيز مايعرفوا يلعبوا تنس طاولة وأخذت المركز الثاني عشان مافي فريق غيرها ومافي مركز ثالث
كلية دار الحكمة المركز الأول لتنس الريشة والجامعة الثاني وكلية العلوم والتكنولوجيا المركز الثالث مع العلم إنهم ما كانوا يعرفوا يرسلوا الريشة أصلاً يعني فريق الجامعة أخذ الثاني بأريحة زي السلة
طيب وين كلية عفت وكلية إدارة الأعمال؟؟ وماسبب إنسحابهم
كلية دار الحكمة شاركت بس بتنس الريشة ليش أنسحبت من المسابقات الثانية؟؟
بعدين كيف تصير بطولة على فريقين بس؟؟
وماذا تتوقعون أسباب إنسحاب الفرق الأخرى
بعدين كلية العلوم والتكنولوجيا شاركت ولعبت وأخذت مراكز يعني حتى ما تستاهل يذكر أسمها يعني عفت وإدارة الأعمال ماشاركت وذكرت أسمائهم لييييش؟؟
أحب أسمع آرائكم وبعد ذلك رح أكتب لكم أسباب الإنسحاب

[نـ ج ـود]

السلآمـ عليكمـ
.
.
حآبه أعلق عن اللي أعرفهـ


بالنسبه للتدريب اللي اعرفوا إنو دا السمستر كلو تسجيل

وبعد ماخلص التسجيل الاسآسي حآليا بيستكملوا إجراءات التسجيل ,,

كلاسآت التدريب تبدأ السمستر الجآي ,,

الحآلي :

أي بنت مسجله تبآ تدخل الخيمه تلعب مسموح لها تمآرس اي ريآضه تبآها

ادا كآنت المدربه فآضيه وطلبتي منها تدربكـ حتدربكـ (الشآهد على كدا العضوه نيرآن وهي حآطه موضوع في قسم المنتظمين )

وبرضوا المشرفآت في النآدي ومسآعدآت الكآبتن لو طلبتي من أي وحده فيهم تدربكـ مآعندهم مشكله

(بس طبعا لا تجيهم وهم بيشتغلوا في التسجيل , أو في قيم بيلعبوآ ) ,, وكتيير بنفسهم بيجوآ ويدربوا البنآت المبتدئات اللي يدخلوآ ويلعبوآ لحآلهمـ ,,

وهالشي حآصل قدآم عيني يوميآ انا بروح ألعب وبشوفهمـ ,,

,,

بالنسبه للأولمبيآد

أنا شفت الاعلان في الشؤون معلق في غرفة 32 قبل اكتر من اسبوع

والاسبوع اللي قبل الاولمبياد كآن كلو تدريب للبآسكيت والريشه والطآوله

تدريب مكثثثثف جدااا ,,

وكأني قريت انو المدربآت مدري المشرفآت مآعندهم ليآقه <<مافيه ارجع اتأكد :p

بس لو كان صح اللي كتبتو .. فاللي قالتو غلطآآآآنهـ .. لأني بشوف الليآقه كلها في الخيمه
.
.

بس دآ اللي اعرفوا وحبيت اقولوا

جسسست

^-^

[من لايمنع الشر.. يحبذه]

اختي نجود

انا متابعة الموضوع من البداية

بس حبيت اقوللك الكلام دا اتناقشو عليه قبل كدة .. وحسيت ان الكل بيرجع ويلف ويدور على نقطة مو هيا سبب اشكال صاحبة الموضوع ..

للتذكير فقط .... النقاش حول
( الالومبيــــــــــــــــــــاد .. المشاكل التي حصل مع الطالبات - أسباب انسحاب الفرق ...وغيرها )


أتمنى إن الكل يرد على الموضوع الأساسي ولا تدخلوا مع صاحبة الموضوع في فروع تسبب مشاكل اكبر ..تنسيكم موضوعها الرئيسي ..

هــــــــــــــــــذا رأيي

والسلام خير الكلام