اول سنه صيدله

[pharm.d .s]

واو بصراحة ما اعرف اش اقولكم
حلو الحماس
بس بجد لازم تنبسطوا
لانو راح تفتقدوا بجد الصيفيه
قدام
لانو راح تكونوا تدربوا في المستشفيات
ولا تخافوا مافي شيء اسموا سهل او صعب في الحياه
انا كنت اكرة الصيدلة
واكرة كل شيء فيها
وكل سنة اقول راح اسحب
بس لما رحت المستشفى بجد اكتشفت قد اية الصيدلة لزيزة
ومرا ممتعه وانو الكرف الي في الكلية ويهون عند متعه مهنة الصيدلة
لدرجة فكرت اكون فارمسي تكنشن
ههههههههههههههههههههههههههههههههههههههههههههههه
انبسطوا دحين ولا تشيلوا هم

[كيدو]

^^^^^^^^^^^^^^^^
طيب حكينا كيف كان التطبيق ......

حكي كل شي << تتشرط ..... حمستيناوالله

[حابه # اتخصص]

المشاركة الأصلية كتبت بواسطة soma al7elwa يب معروف وسمعت انها اصعب من الطب

الله يبشرك بالخير انا كدا اطمنت

ما اقول غير الله يخارجنا

[حابه # اتخصص]

المشاركة الأصلية كتبت بواسطة pharm.d .s واو بصراحة ما اعرف اش اقولكم حلو الحماس بس بجد لازم تنبسطوا لانو راح تفتقدوا بجد الصيفيه قدام لانو راح تكونوا تدربوا في المستشفيات ولا تخافوا مافي شيء اسموا سهل او صعب في الحياه انا كنت اكرة الصيدلة واكرة كل شيء فيها وكل سنة اقول راح اسحب بس لما رحت المستشفى بجد اكتشفت قد اية الصيدلة لزيزة ومرا ممتعه وانو الكرف الي في الكلية ويهون عند متعه مهنة الصيدلة لدرجة فكرت اكون فارمسي تكنشن ههههههههههههههههههههههههههههههههههههههههههههههه انبسطوا دحين ولا تشيلوا هم

الله يسعدك ان شاء الله بس متى راح يبدا التطبيق في المستشفى

[pharm.d .s]

اولا الصيدلة اصعب من الطب لانو عندنا مواد كتير
وهما ينزلوا المستشفى سمعت من 2

اما احنا مالنا علاقة في المستشفى طول فترة الدراسة يعني ندرس وما نطبق
بس الطب يدرسوا ويطبقوا على طول ودا يساعد على الحفظ

بس بعد تالت ندرب في الصيف
وكل شخص على حسب المستشفى الي يختارها في بعضها ممتازة وبعضها سيئة

[حابه # اتخصص]

طيب ايش المستشفيات الي تنصحينا فيها << مستعجلة على رزقها

[pharm.d .s]

اممممممم
والله من جد مستعجلة على رزقك
انت باقيلك سنتين
يعني لازم تدرسي وتشوفي انت اش ميولك
امكن تكرهي المستشفيات وتدربي في مصانع
ولا تخافي المستشفيات الكويسة اشهر من نار على علم

[Jodah]

تسلمي دكتورة و الله تعبناك من كتر الاسئلة
بس احنا اش حنعمل بالزبط في المستشفى؟؟يعني كيف حيكون التدريب؟؟<<<وحدة مضيعة

[Lil Genius]

السلام عليكم
كيف تقدروا تقولوا الطب أصعب ولا الصيدلة أصعب ؟؟
ما يقدر الواحد يقول كذا إلا إذا جرب الاثنين وقارن بينهم .. وما أعتقد أحد فينا جرب الاثنين :)

الطب يعتمد على الأحياء والتشريح .. اللي يحب الشيء هذا يلاقيه سهل
الصيدلة تعتمد عالكيمياء .. اللي يحبها يلاقيها سهلة
ولا تخافوا ترى كيمياء الصيدلة مرة غير وأحلى من الثانوية
بجد تخصص ممتع .. بشرط تحطوا في بالكم انكم تدرسوا لأجل العلم وحب العلم :)

بالنسبة للتدريب أنا في الصيف الجاي يبدأ تدريبي إن شاء الله فما أقدر أفتي من الآن
لكن اللي عرفته انه مثلا في المركز الطبي الدولي مدة التدريب اللي هي شهر مقسمة إلى 4 أسابيع
أسبوع في الصيدلية
أسبوع في عيادات الـ out patients يعني المرضى اللي يجوا استشارة ويروحوا
أسبوع في عيادات الـ in patients اللي يناموا في المستشفى
الأسبوع الأخير إذا ما كنت ناسية راح يكون تدريب على طريقة تصنيف الأدوية وكيفية طلبها من المصانع

سمعت من طالبات أكبر مني انه التدريب هناك مرة حلو لذلك أنا وكم بنت من دفعتي ناويين نروح له إن شاء الله

وفي مستشفيات ثانية ما أذكرها الآن

بالتوفيق
:)

[Jodah]

شكرا على التوضيح الله يعطيك اللي تتمنية واحسن كمان