التدريب العملي 2 (طالبات قسم الانجليزي)

[amoooona]

ماشالله مرة حلو تدريبك كان
انا اتمنى زيك اتدرب في مدرسة لكن والله نفس المشكلة الي عندك معايا
مو مرة اجتماعية بس ان شاء الله ربي يكتب لي الخير

شكرا على المعلومات الحلوة الي افدتينا فيها
الله يحرم يدينك عن الناآآآآآآآآآر

[Shine]

الحين إحنا مو عندنا تدريب 1.... وتدريب 2
؟؟؟؟؟؟؟؟؟!!!!!
أنا مو فاهمة؟
إيش الفرق بينهم؟؟؟!!

[Me :)]

المشاركة الأصلية كتبت بواسطة Shine الحين إحنا مو عندنا تدريب 1.... وتدريب 2 ؟؟؟؟؟؟؟؟؟!!!!! أنا مو فاهمة؟ إيش الفرق بينهم؟؟؟!!

التدريب 1 نظري تاخذية مثل اي مادة اما تدريب 2 عملي تروحي تطبقي في مدرسة ,بنك ,مستشفي وتختبري اختبار نهائي من 40 درجة (هذا اللى سمعت)

وبنات مين تدربت في بنك وكيف اش تسوي ؟

وشكرا little star ع المعلومات بس سوال المدرسة اللى رحتي لها اش مستواهم ابتدائي متوسط وكنتي تدي درس ولا ايش ما فهمتك ؟

[Me :)]

بنات افتوني مادري اضيف المادة والا اخذها بالصيف

اللي الان ماقلتولي كيف تدربتوا.....................

[little_star_]

المشاركة الأصلية كتبت بواسطة me :) التدريب 1 نظري تاخذية مثل اي مادة اما تدريب 2 عملي تروحي تطبقي في مدرسة ,بنك ,مستشفي وتختبري اختبار نهائي من 40 درجة (هذا اللى سمعت) وبنات مين تدربت في بنك وكيف اش تسوي ؟ وشكرا little star ع المعلومات بس سوال المدرسة اللى رحتي لها اش مستواهم ابتدائي متوسط وكنتي تدي درس ولا ايش ما فهمتك ؟

هلا قلبو شكلك متوتره او متردده تضيفي الماده او لا ؟
ترا الموضوع مره عادي وان شاء الله يكون سهل للجميع

الموضوع يعتمد اذا انتي محدده مكان مناسب تتدربي فيه يعني انا لمن رحت المدرسه وقلت لهم انا طالبه ولازم اتدرب لمده 90 ساعه بصراحه تعاونوا معي كثير تعاطفوا مع وضعي انه لسه طاليه وتدريب وتخرج ودراسه حتي المشرفه علي قالت لا تخافي واعطتني الدرجه الكامله بدون ما تحتضر لي اي درس بس سالت المدرسات اللي ساعدتهم وسالتني اذا استفذت ولا لا ؟ طبعا رديت اكيد اني استفذت ؟

الاشياء اللي سويتها بالضبظ المشرفه طلبت مني اساعد 3 معلمات وانا كنت حابه اخلص التدريب بسرعه فا اخدت 6 ساعات في اليوم لمده 3 اسابيع وخلصت بسرعه

المعلمات ال3 هذول وحده ما كانت تخليني اسوي شي بس تخليني اراقبها علي اساس اني اتعلم منها ومن اسلوبها كيف اصير معلمه ناجحه

ووحده تخليني اصحح الكتب واتعامل مع الطلاب قراءه وكده

ووحده كنت اكرف معها كرف تصحيح علي مساعده في البريك ومره كانت مريضه خلتني اخد مكانها واعطيت درس قراءه

المدرسه اللي انا تدربت فيها كانت ابتدائي ومتوسط سالتني المشرفه ايش رايك نعطيك صفوف متوسط بما انه تخصصك انجلش وكده انا خفت بصراحه قلت لها انا ما سبق لي التدريس وانا حابه اتعامل مع الصفوف الصغري وقلت لها اتمني ادرس الصف الاول قالت لي اوكيه

ارسلتني ل3 معلمات واخدت جداولهم وبدات اختار مره احضر مع هذي درس رياضيات ومره درس علوم وكده يعني

اصلا انا لحظت ان المعلمه ما راح تخليك تستلمي مكانها بشكل كامل عشان هي مسؤؤله عن طلابها بشكل كامل وحتي لو اعطتك من وقتها راح تعطيك حصه في اليوم

سمعت انه بنات الانتظام لهم تقييم حتي من الاستاذه اللي في الجامعه يعني تجي تزورك في مكان التدريب وتشوفك في حصه او كده
هذا يختلف في الانتساب ما في عندنا هالكلام

انا اعتقد والله اعلم انه ما لوا داعي تاخدي الماده بالصيف لانها بجد سهله وخصوصا اذا كنتي متعاونه في مكان التدريب الجميع راح يحبك ويساعدك لانك لسه طالبه وتتدربي


توكلي علي ربك واستخيري والله يكتب لك اللي فيه الخير

وفقك الله لما فيه خير

راعاك الله وسهل امورك