الباصات سلبياتها و كيف تعاملتي معها

[ddd2009]

اناببعد عن الموضوع اشوف حل المشكلة من الجذور تفعيل النقل العام او نقل الطالب لاعجب من النداء للسماح للمرأة بقيادة السيارة الشركات استغلت حاجة البنات بذا البلد لانهم مايسقوو سيارات ولايوجد خدمات نقل عام وهذي من ابسط حقوقهم كمواطنات او مواطنين !وربحهم يااسلااام لانو انتي اذا ماعجبتك خدمتهم وسحبتي حترجعيلهم كذا ولا كذا مين بيوديك ؟ اهلك ؟ لمتى طيب ؟ وحاجة ثانية انا شفت مره باصات من الجامعة نفسها توصل طلاب وطالبات جدة ولها موضوع بالمنتدى للأسف ماحفظتو

[بيان محمد 11]

منجد اللي تحترم نفسها وماتزودها مع السايق وربكم ما يغلط عليها
خواتي متخرجات من الجامعه وكانو 4 سنوات مع باص المطرفي
وربكم ما احد تعدا حدودة معاهم لانو المحترم الكل يحترمه
وانا كمان هذي السنه بروح باص مع المطرفي ..

انا انتساب .. يعني ماراح الجامعه الا ايام الاختبارات ..

انا مسجله في باص وبابا الله يحفظه ويخليه لي ولا يحرمنه منه طول ايام الاختبارات يجي يركب الباص معانا قدام جنب السواق .. حتى بنات الباص حابين ومرتاحين لفكرهانو بابا معانا لانهم متطمنين دام معاهم في الباص مرافق سعودي ويحسون بالامان ..

تصوروا يوصلنا الباص الجامعه وينزلنا وبابا ينزل يستنانا عن باب الجامعه وسط الحر والخنقه يجلس 4 ساعات برا ينتظرني ولما اخرج ويجي الباص يركب معانا ونرجع البيت وطول الايام كذا يجي معانا انا اقولوا يا بابا ارتاح بالبيت مالوا داعي تتعب وترهق نفسك .. قال يابنتي الدنيا مالها امان وانا ما اتطمن الا لما نجي سوا للبيت ..

وبصراحه بعد ماقربت كلامكم حمدت الله وشكرته اني عندي اب مثل بابا على كبر سنه الا انه يخاف علينا ومايتطمن الا وهو معانا ربي يحفظه ويطول بعمره حبيبي ..

[رويده عباس]

الله يخلي لك بابا ما شاء الله نادر في الوجود
انا الحمد لله اغلب شي يضايقني فيهم سوء السواقه و السرعه و المظبات اللي ناكلها و برضوا صار لي كم من موقف الباص يسحب عليا و يطنشني و المصيبه ايام نهائي و هذا كان ايام السمستر الصيفي من جد سابياتهم كثيره و الشركات ما صارت تقدر تضبطهم لانهم يحتاجونهم ما في عماله و رواتبهم شكلها ضئيلة و ما تكفيهم بس الله المستعان

[alaish]

لاحول ولاقوة الا بالله

اللهم احفظ بنات المسلمين من أولاد الحرام

[السموو]

انا لله وانا اليه راجعون

اللهم احفظ الجميع

[المخلصه]

الباصااات
هيا ولف
شي مع الوقت تعرفيله
يعني سواقين الباصات لازم يعرفو انو هادي فلانه ماعندها لعب
متفقه معاهم عالوقت الفلاني يعني الوقت الفلاني
وبعضهم يجو بالكلمة الحلوة لانه هما كمان مضغوطين
الموضوع يطول شرحه
عموما انا ليا 6 سنين تقريبا مع شركة الخالد
الي عرفته انو لازم الشركة يكون عندها خبر بتواجدك هذا الشهر
اتاكدي من استلام سند عند كل مرة تدفعي فيها
دايما عندك رقم المكتب لاي استفسار خلال وقت دوامهم وفي الغالب حيكون عندك جوال المكتب برضو
ومؤخرا وضعهم ماشالله افضل دا بالنسبة لحيي مدري عن الباقين
احفظي نفسك بهدوءك وارخي صوتك داخل الباص
لا تكوني مرة فري لدرجة انك شوية وتشيلي العباية

مو كل شي بس حبيت اقلكم الي اعرفو
دمتم بحفظ الله

[Toomy11]

انا في شركه الخالد وبيتي بعيد عن الجامعه والباص له مواعيد محدده ولا عمري تأخرت عن المحاظره الحمد الله
احترمي نفسك ولا تعطي السواق وجه وماراح يتمادى

[شـروق الزهراني <3]

طيبين بالعكس ومحترمين


صحيح بعض الاحيان يكذبون ويصرفون


بس حركات قلة ادب او زي كذا لا اعوذ بالله ماصارت ابدًا ؟

[اروى محمد الحربي]

الله يسعدكم انا من الجموم وابغى باص يوديني لجامعه الملك عبد العزيز اللي تعرف ترسل لي الرقم فورا ،، الله يجزاكم الخير