আআ❤❤ مــــن القــــــائـــــل ؟؟❤আআ❤

[TURKI ALharbi]

طيب دامكم عجزتو
هو سعودى وعتيبي بعد وزياده بعد اسمه الاول محمد
يلا حكو شعر رؤسكم ممكن تعرفونه

[صوت الفجر]

^^

محمد العتيبي *_*

اتوقع صح

[TURKI ALharbi]

غشاشه تنصب عليه خخخخخخخخخخخخخخخ
طيب انا قلت انه عتيبي واسمه الاول محمد
ترجعين تقولين لي محمد العتيبي بلا نصب
طيب هاتى اسم ابوه او جده

[صوت الفجر]

خخخخخخخخخخ ايش اطلع له بطاقة احوال مثلا *_*

يالله جمعت اسمة ولقبة *_*


طيب هذي القصيدة انشدها العفاسي من اروع ماسمعت ..

كلمات من؟؟ لاتغش لو سمحت ..

جيتك يادار العز والطيب والجود
يا أطهر بلد بالأرض والكون كله

ياللي رياضك خير ورجالك فهود
ياللي فطرك الله على طاعــة الله

نسايمك عنبر وريحك دهن عود
ومشاهدك يبري ثمانين عـــلة

جيناك يوم من أيامنا كله سهود
والريق ناشف لين ما منك تملى

[TURKI ALharbi]

الله اعلم
مايكون هو نفسه العفاسي ؟

[صوت الفجر]

لا شاعر كويتي معروف ...مو حامد زيد يلا والله قربتها ...

[TURKI ALharbi]

ههههههههههه بسوى رصه شعراء
حمد السعيد
فهد علوش
خالد المريخى هذولى الى اعرفهم

[صوت الفجر]

^^

جبتها ... خالد المريخي ...


يلا حط المقطع انت اخر رد

[abo-yazad]

عذراً على المداخله البسيطه...


يا ما حلا يا عبيد في وقت الاسفار
جذب الفراش وشب ضو المناره
مع دلة تجذا على واهج النار
ونجر الي حرك تزايد عباره
في ربعة ما هي تحجب عن الجار
لي من خطو اللاش ما شب ناره
النجر دق وجاوبه كل مرار
ما لفه الملفوف من دون جاره
وأخير منها ركعتين با لسحار
لي طاب نوم اللي حياته خساره
تلقاه في يوم يضيعن الأفكار
يوم على المخلوق ما طول نهاره
وقم في قصير البيت حشمة ومقدار
لو جار فادمح له ولو به خساره
ترى النبي وصى على الجار لو جار
خذ الحذر يا عبيد عقب النذاره
رافق قوي الدين حفاظ الاسرار
ينفعك في يوم يجي به كراره
ترى الهوى والغي هن شر الاشرار
ومن داس عار الناس داسوا لعاره
جنب ردي الكار ما فيه تعبار
ما فيه من فعل المناعير شاره
جنب عنه خله لقصاف الاعمار
واحفظ وصاتي يا رفيع المناره
واسلم ودم بالخير يا طير غيمار
وصلوا على المختار ما غار غاره

[TURKI ALharbi]

سميي هع



تركي بن حميد


أنا قـديم الـهم وأنفـع لعطفك
أما الـهـوى ياسـيدي مركبه صعب

يا ليت لي صهوة جوادٍ وأخطفك
للشمس لنجـوم المجـرات..للشـهب

تحبني..وأقـول من زود لـطفك
شكراً صدقت..وألف شكراً على الكذب