لديك اي مساله مافهمتها او ماقدرت تحلها في الرياضيات .. تعال نتساعد على حلها

[عضو مميز]

المشاركة الأصلية كتبت بواسطة رنا111 ياليت والله لانو الرياضيات الوحيد اللي مافهمتو.,,

حددي الفقره او الموضوع او المساله الي ماقدرتي تحلينيها وان شاء الله ماراح اقصر

==============================

الاعضاء : شهلاء 12 و ahmad995 و الوايلي ودرب الوفا والمستشار مشكورين على مروركم وتقبلوا خالص تحياتي

[عضو مميز]

المشاركة الأصلية كتبت بواسطة $ المستشار $ وبرضوا ابي اعرف ايش الفرق لما يقول البيانات المبوبه & البيانات الغير مبوبه ممكن توضحلي اخي دربي وفا واكون لك من الشاكرين

اذا ماخانتني الذاكره لاني اتوقع قد مر علي
بس هذا مو في الرياضيات
اعتقد في الاحصا
صح ولا غلطان

[candy 1989]

اخوي المعادله الخطيه في مجهول واحد والمعادله الخطيه في مجهولين في الباب الرابع..

[محمد3320]

السلام عليكم /

حبيت اشكرك على هذه الفكره الرائعه و الله يجعلها في موازين حسناتك

بالنسبه للمعادلات في مجهول واحد و مجهولين ياريت تشرح لنا طريقة حلهم بالحاسبه .

وهل هناك طريقه لحل معدلات الدرجه الثانيه بالحاسبه

.

[دربـ وفا ـي]

المشاركة الأصلية كتبت بواسطة رنا111 اخوي المعادله الخطيه في مجهول واحد والمعادله الخطيه في مجهولين في الباب الرابع..

اختي رح اوضحلك بمثال

المعادله الخطيه في مجهول واحد ( س ) او ( ص )

مثال :: 4س - 16 =0 (( وهذه في مجهول واحد .. والمجهول هنا الـ س ))


طريقة حلها جداً سهله "" هنا نبغى نوجد قيمة الـ س وعشان نوجدها "" نخلي الأعداد في طرف والمجهول في طرف وابدأ اشرحها لك بالتطبيق ع المثال


الحـــــــــــــــــــل ::

4س - 16 = 0

4س = 16 ( هنا نقلنا الـ 16 وهو عدد للطرف الثاني اي بعد علامة الـ= وغيرنا الأشاره "" ملاحضـــه :: غيرنا الأشاره هنا عشان نقلناها للطرف الثاني " واذا كانت + 16 قبل الـ= ننقلها بعد علامة الـ= بـ -16 )

لازم س تصير لوحدها بدون معامل

وبكذا لازم نقسم على 4 جميع الأطراف ( اي نقسم على 4س و 16 ) للتخلص من معامل الـ س عشان تصير الـ س لوحدها

النــــــــاتج : س = 4

.. قيمة الــ س = 4


بس ... ودربي نفسك على كم مثال عشان تتمرني عالطريقه ..

واصبري شوي وامثلك بمثال المعادلات الخطيه في مجهولين .....

"" تكفيني دعوه بضهر الغيب ""

[دربـ وفا ـي]

المشاركة الأصلية كتبت بواسطة رنا111 اخوي المعادله الخطيه في مجهول واحد والمعادله الخطيه في مجهولين في الباب الرابع..

وهذه طريقة حل المعادلات الخطيه في مجهولين ( س و ص )


مثــــــــال ::
5 س + 2 ص = 3 وهذه معادله رقم ( 1 )
2 س + 3 ص = - 1 وهذه معادله رقم ( 2 )

اولاً : عشان نحلها لازم تكون المعادلتين ع الصوره القياسيه أس + ب ص = جـ

و الـ أ هنا في المعادلتين هيا ( 5 و 2 ) والـ ب هنا في المعادلتين هيا ( 2 و 3 ) والـ جـ هنا في المعادلتين هيا ( 3 و - 1 )

والمعادلتين هنا جاتنا ع الصوره القياسيه



مـــــــــــلاحظه :: في حالة جاتنا المعادله 5 س + 2 ص - 3 =0 ( لازم نخليها ع الصوره القياسيه أ س + ب ص = جـ وتصير 5 س + 2 ص = 3 ) وهذا للمعادلتين

ثانياً :
نضرب المعادله الأولى في -2 ( وهنا ضربناها في -2 عشان نتخلص من الـ س ) وفي - بالذات عشان يطلع معامل الـ س بـ-

5 س + 2 ص = 3 ( نضربها كلها * -2 )

والمعادله الثانيه نضربها في 5 ( وهنا ضربناها في 5 عشان نتخلص من الـ س ) وفي + بالذات عشان يطلع معامل الـ س بـ + ونقدر نتخلص منهم بعدين "" رح يوضح مع التطبيق

2 س + 3 ص = -1 ( نضربها كلها * 5 )

بعد ضربهم يطلع الناتج :

- 10 س - 4 ص = -6
+ 10 س + 15 ص = -5

( وهنا الـ س بعد ضربهم طلعلنا مره -10 ومره + 10 عشان نتخلص منهم )

ثالثا ً :

بقيلنا الـ ص وبكذا نجمع الـ ص ( -4 ص + 15 ص = 11 ص )

ونجمع الطرف الثاني ( -6 + -5 = -11 )

يطلع معانا 11 ص = - 11

وبالقسمه على معامل الـ ص ( 11 )

يطلع الناتج ص = -1

وقيمة الـ ص = -1 ( طلعنا قيمة الـ ص عشان نعوض في المعدله الأولى ونطلع قيمة الـ س )

5 س + 2 ( -1 ) = 3

واحنا هنا عوضنا عن قيمة الـ ص بـ -1

5 س - 2 = 3 ( ننقل الـ -2 للطرف الثاني باشاره + مع الـ 3 عشان تصير الـ س لوحدها ونطلع قيمتها )

5 س = 3 +2

5 س = 5 ( نقسم على معامل الـ س 5 جميع الأطراف )

تصير س = 1 ( وبكذا طلعنا قيمة الـ س )

قيمة الـ س = 1

قيمة الـ ص = -1

وبس .. اتمنى اكون قدرت اوضحلكم .. وبالتوفيق "


"" تكفيني دعوه صــــــــــادقه بضهر الغيب ""

[غزال الريم]

يعطيـك الف عافيه عالموضوع الرائع

عندي سوال عن قسمه كثيرات الحدود بطريقه القسمه المطولــه>>>مافهمتها
ياليت احد يشرحها او يكتب خطوات حلها ؟؟

ومشكـــورين

[barges]

اي مسائل في الرياضيات ارسلوها علي الايميل الاتي و ياتيكم الحل مباشرة
cd5cd1@yahoo.com

[عضو مميز]

الاعضاء محمد ورنا الاستاذ دربي وفا ماقصر شرحها بوضوح وله الشكر الجزيل على هالمجهود والشرح المفصل

واتمنى تكون وضحت لكم

ونصيحه قبل تحاول تذاكر اي ماده لاتحط في بالك انها معقده وصعبه وتذاكر وانت معصب والله ماراح تفهم
الرياضيات مادة ذكاء يعني حرك مخك شوي وبتمشي معك زي الحلاوه


متابعين...

[عضو مميز]

المشاركة الأصلية كتبت بواسطة غزال الريم يعطيـك الف عافيه عالموضوع الرائع عندي سوال عن قسمه كثيرات الحدود بطريقه القسمه المطولــه>>>مافهمتها ياليت احد يشرحها او يكتب خطوات حلها ؟؟ ومشكـــورين

يتم قسمتها كل بسط على المقام على حده
يعني
مثال : 25 س 5 - 10 س 3 + 3 س 2
5 س

طبعا حطيت لكم الاسس باللون البنك عشان يكون المثال واضح

نجي نحل
نقسم الحد الاول 25س 5/ 5س الاشاره ننقلها زي ماهي (-) 10س 3 / 5س ثم ننقل الاشاره (+) 3س 2/5س
الحل =
5س4 وهي حاصل قسمة 25 على 5 اما (س4) فتذكرون اول الدروس في الرياضيات وهي عند قسمة اساس على اساس وكانت الاسس متشابهه فاننا نقوم بطرح الاسس
يعني عندنا س5 - س1 = س 4 اعتقد واضحه

طيب الحد الثاني نفس الطريقه بالنسبه للاسس عند القسمه طرحنا س3 - س1 = س2
وفي الحد الثالث نفس الشي طرحنا س2 - س1 = س والكسر نكتبه زي ماهو
يطلع الحل في الاخير زي كذا

5س4 - 2س2 + 3/5 س

اتمنى تكون واضحه
ومنتظر منك تكتبين اي مثال وتحلينه