آخر أيام دراسة الإحصاء هنا

[wow.]

آآآآآآآآآآآآآآآآآآآآخر ايام دراسه لرابع ثانوي الحمدلله
ومشكوووووووووووووووورين ع الشرح الاكثر من رائع وع الموضوع الحلو

[funtoon]

المشاركة الأصلية كتبت بواسطة تخصص 13 مشكورة زهورة ع الموضوع و نقل شرح فنتون الله يعطيها ع العافية انا فهمت نفسي سكشن 4-6 بما ان فنتون وعدتني ولمن دحين ما شفتوا <<شحاته ولسانها طويل كمان خخخ $فنتون لاتزعلي ترا امزح$ هو الحمد لله سهل لكن مافهمت determaning normality او بالاصح ماقدرت لان سالت كم بنت عليه تقلي صعب ومو فهمتوا فخلاص رسخت في موخي و مراضيه افتحواا خخخ

<< سامحيني خصوصتي ،، انشغلت والله
عاد الناس مايعرفو يجوكي اللا وقت الأزمات ،، بس حياهم فأي وقت والله يعين

--
وبعدين ياقمر انتي قلتي اليوم فأي وقت ــ ودوبي جاية مفضية نفسي لآخر سكشنين
< ومين قال زعلت خدي راحتك ولو تبي تخصمي من راتبي خخخخ
-

انا قرأت اربعه ولقيتو سهل الحمدلله ،، ان شالله اتوفق فشرحو دحينا

اما الخامس لسا مامسكتو ،، افتكر يومت المحاضرة كنت بالقوة ماسكة عيوني لا تنقفل


دحين خلينا فـ السكشن الرابع ،،
دقايق اجيب الكتاب واروح ع مكتبي ،،، برب

[funtoon]

By the way, thanx zahoora 3 alna8el
:)

[تخصص 13]

لا عادي اصلا انا قفلت امس واليوم كلوا ماليه نفس اذاكر
والله لودرجاتي مو زفت كان فليتها
بس محتاجه الـ40 بالذات في الاحصاء
الله يعينني والجميع

عاد الناس مايعرفو يجوكي اللا وقت الأزمات ،، بس حياهم فأي وقت والله يعين

ترى انا بداة اشك في هوية دولا الناس خخخخخ

وبعدين ياقمر انتي قلتي اليوم فأي وقت

انا داريه بس باذيكي
عادي يختي اصلا انا ماااليه نفس غير للبحر خخخ

الخامس حضرتوا وعادي سهل هو مشكلتي اخر جزء في الرابع

افتكر يومت المحاضرة كنت بالقوة ماسكة عيوني لا تنقفل

ههههههههه نص المحاضرات وانا بالقوة امسك عيوني بالذات الي في البدايه عشان كده هببت في الاول


بنتظارك وخذي راحتك

[Dr-A]

بنات عندي سؤال غبي >> يلا إسترو علي ,,
هوا غبي مررره بس مافهتمو >>> مابقول بتضحكوا علي

خلص بقووول >>> فيس خجلان ,,

تيب ,,
بقول >>> أهئ أهئ أهئ مستحيه ,,

لا لا بقول ,,

ذاحين لما يطلب منا z مباشره ومانلقاه بالجدول كيف نحسبوا ....
الأستازه قالت إنو ناخذ أقرب قيمه ونطرح ماأدري أيش ومافهمت عليها ,,,

بليز بنات >>> تبكي من الفشيله ,,

[بيو كيميائية ^_^]

تاخذين الرقم اللي أكبر منه طبعاً قريب له والأصغر منه وتطرحين وتشوفين اللي اقل تاخذينه
وعادي أسألي مافيه خجل في العلم
إن شاء الله فهمتي علي

[funtoon]

سكشن 4 ،،

Applications of the Normal Distribution
تطبيقات ع التوزيع الطبيعي
---

دا السكشن باختصار يوريكي كيف تحلي المسائل والاحتمالات اللي متغيراتها موزعة تقريبن توزيع طبيعي باستخدام التوزيع الطبيعي القياسي،،

حتقولي ليش مو ع طول ندور فـ الجدول على قيم المتغيرات اللي اعطانا هيا ونوصل للمساحة
هنا يفرق ،، لأنو الجدول يتكلم عن توزيع المتوسط تبعو بـ صفر ،، والانحراف المعياري بـ واحد

واحنا اسئلتنا ليها متوسط حسابي غير عن الصفر وانحراف معياري برضو مختلف


فأول شي رح نسوي اننا نحول القيمة الاصلية (المتغير) لـ z اللي هيا،،
<< standard normal distribution variable

باستخدام الفورملا:
z = X-M ÷ &l << الـ M : المين ،، والـ l&: الستاندرد دفييشن

هادي الفورملا زي ماقلنا تحول الـ X (قيم المتغيرات) لـ الستاندرد يونتس او قيم الـ z
وبعد كدا ع طول نقدر نستخدم الجدول يلي نوجد بيلو المساحات (الاحتمالات) ،، زي ماوضحنا فـ السكشن يلي قبلو


ناخد علي مثال واحد وننتقل للنقطة يلي بعدها،،
e.g. 6-14
السؤال يقولك ،، متوسط عدد الساعات يلي يقضيها العامل الأميريكي على الكمبيوتر 3.1 ساعة لكل يوم
وبافتراض الانحراف المعياري بـ 0.5 ساعه ،، اوجدي النسبة المئوية للعاملين يلي يقضو اقل من 3.5 ساعات على الكمبيوتر،، ودا بافتراض انو المتغير موزع توزيع طبيعي
المطلوب: P(X<3.5)l


نمشي بالخطوات يلي اتعلمناها من اول ،،
1- الرسمة وهيا موضحه عندك فـ p. 308 ،، المتوسط الحسابي رح يكون نقطة المحور فـ المنتصف
2- نحول الـ X لـ z ،، عشان نقدر نوجد الاحتمالات،، لانو فـ التوزيع الطبيعي مانقدر نجيب احتمالات ،، التوزيع الطبيعي القياسي هوا يلي نقدر نوجد منو الاحتمالات (المساحات)،،

نوجد قيمة الـ z المقابلة لـ عدد الساعات 3.5 ،، تعويض مباشر فـ الفورملا = 0.8
وبكدا رح يتغير الشكل لـ المنحنى الطبيعي القياسي ،، المتوسط حيكون بصفر ،، وفالرسم : رح يتغير مكان المتوسط السابق زي ماقلنا ويسير صفر ،،
والـ X تاخد مكانها قيمة الـ z الجديدة واللي هيا تساوي فـ المثال دا 0.8

ونوجد المساحه من الجدول ع طول بـ كل سهولة،،
من 0.8 ألين الصفر = 0.2881
المساحة من 0.8 واقل (وهوا المطلوب)>> P(z<0.8) = 0.5 + 0.2881


---

دحين ننتقل للنقطة التانية فـ السكشن دا ،،
Finding Data Values Given Specefic Probabilities
واللي هيا يعطيكي الـ احتمال (المساحه) او البرسنتج ويطلب منك الـ X قيمة المتغير

فكيف رح تكون آلية الحل ؟؟
1- اول شي رح نرسم الرسمة ونحدد مكان المنطقة يلي معطينا احتمالها،،

الـ top 10 ،، هادول يكونو فأقصى يمين المحور ،، يعني مو هما اعلى عشرة ،،
واحنا كل مارحنا جهة اليمين فـ المحور بتكبر الارقام ،، يعني اقصى اليمين بنسبة 10% (المساحة = 0.01) هادي مكان التوب تن

الـ middle 50% ،، هادي حتكون فمنتصف المنحنى ،، تاخد من جهة اليمين واليسار بمساحة قدرها 25% متساوية للطرفين (المساحة = 0.5)

<< يعني تقريبن هادول مثالين ،، يوضح كيف ممكن يعطيكي الاحتمال واحنا نحدد مكانو ع المنحنى

وتبعن بما انو اعطانا الاحتمال ازا هوا اعطانا المساحة ،، ولاحظو انا كل مثال كتبت مساحتو جنبو

2- دحين عندنا المساحة باقي بس نعرف مين الرقم او المتغير يلي يعطينا المساحة دي
وندور فـ الجدول بين المساحات الين نلقى رقم مساوي او مقارب للمساحة الموجودة عندنا
وناخد قيمة الـ z تبعها

3- نحول الـ z للـ X باستخدام ،،
X = z . & + M
< & = standard deviation
< M = mean

وتوتا توتا خلصت الحتوتة ،، بس استنو انا هنا بس زكرت تقريبن كيف نحل المسائل يلي بالشكل دا

بس لاتعتمدو دحينا ع شرحي لازم تقرأو المثال يلي حشرحو ،، لأنو النقطة رقم 2 تحتاج تفصيل
عشان لو مشيتو عليها زي ماهيا عز الله رحتو فيها فـ الاختبار خخخخ،،

المثال فـ الرد التاني :)

[بيو كيميائية ^_^]

3alna8el
مافهمت هذي الكلمة 8 أي حرف
العفو حياتي

[funtoon]

المشاركة الأصلية كتبت بواسطة زهرورة 3alna8el مافهمت هذي الكلمة 8 أي حرف العفو حياتي

ع النقل
،، مشكورة ع نقلك شرحي الابو كلب خخخخ،،

--
من جد بنات حاسه اني بلخبطكم ،، ف إزا يلخبط قولولي ،،
وكمانا تابعو ع الكتاب ،، كدا رح تستوعبو اكتر :)

[بيو كيميائية ^_^]

أها هههههه
العفو