متحطم اكثر شي!!!

[احصاء]

السلام عليكم ورحمة الله وبركاته انا مارحت الدورة لظروف ووحدة من صحباتي راحت للدورة هيا نفس تخصصنا اسنان انا وهيا دخلناه رغبة اولى وقالتلي على العدد اللي جا للاسنان والبشري وجاني نفس تفكير الاخ صاحب الموضوع خفت شوي قعدت اقول لنفسي انا استخرت وخلاص يمكن هذا شيء طبيعي ان شاء الله وعلى فكرة صحبتي قالتلي انوا في غروب لنا على الفيس واعطتني اسموا بس تعرفوا قوانين المنتدى تمنع

[Dr~NanoOok]

صباح الخير

عزيزاتي ياليت مانخرج عن الموضوع الرئيسي بالردود
عشان لا ينحذف الموضوع

اعذروني لكن قوانين المنتدى

[Respect me Respect U]

لا تتحطم ولا شيء ياعزيزي ولايكون حكمك متسررع علا الدفعة كل شخص له ظرووفه وهذا القسسم جدا رائع وممتع يكفي انه اغلبه عملي ولا نظري اللي عند البشري الله يعينهم كمية حفظ كبيييرة ومستقبله حاله حااال الطب البشري ولا تقارننا بالبشري لانه عددهم يفوق عددنا بكثييير ولنا صفحة في الفييس ان شاء الله زملائك يخبروك عنها كله تسااااهيل وتيسير بإذن الله
لك ودي واحترامي ياعزيزي ^_^

[Dr.K.i.W Khaled]

و الله اشكركم كلكم على تفاعلكم يعطيكم الف عافية
و بخصوص الدورة السنة الجاية انا مستعد في الصيف السنة الجاية عشان الدورة
:)

[*سلفادوره*]

حلو اهنيك على المبادره وكذا بنت معانا بس لحد السنه الجايه ع الصيف يكون العدد اكتفى ان شاء الله ونبدأ نرتب للدوره وان شاء الله تكون دوره متميزه وتكون احسن من الي حضرناها يارب*_*

[Dr.K.i.W Khaled]

إن شاء الله و انا كنت على اساس اعمل موضوع خاص بس قلت انو بدري بس برضو الله يعطيك العافية يارب
ان شاء الله نخلص السنة دي بمعدل كويس و بعدها نتفرغ للدورة

[*سلفادوره*]

بإذن الله وياك يارب:)

[M!SS Lara]

هههههههههههههه

بصراحة مرة استغربت منكم.. يعني علشان قله الي حضرو فمعناتو الخلل بطب الأسنان!!!
الخلل فيهم مو في طب الأسنان ..


انا الي لاحظته انو كثير فاهم اسم الدورة غلط ، بيقولو لانه تيتش مي مدسن يعني فقط لطلاب البشري وهذا غلط!

لأنو الي بيشوف جدولنا في هذي الدورة بشوف المواد: الاناتومي والهيستولوجي وغيره وهذي مواد موجودة في كل الكليات الصحية!

حتى لو تشوفو كان عدد طالبات العلوم الطبية برضو قليل .. والصيدلة برضو قليل امكن 10 او 13

فهل معناتو انو برضو الصيدلة والعلوم الطبية والتمريض كمان ماله اهمية ولا مستقبل؟؟؟؟!!!

فصلو ع النبي وحبو تخصصكم الجميل جدا ...
والله يوفقكم يارب

[*سلفادوره*]

المشاركة الأصلية كتبت بواسطة m!ss lara هههههههههههههه بصراحة مرة استغربت منكم.. يعني علشان قله الي حضرو فمعناتو الخلل بطب الأسنان!!! الخلل فيهم مو في طب الأسنان .. انا الي لاحظته انو كثير فاهم اسم الدورة غلط ، بيقولو لانه تيتش مي مدسن يعني فقط لطلاب البشري وهذا غلط! لأنو الي بيشوف جدولنا في هذي الدورة بشوف المواد: الاناتومي والهيستولوجي وغيره وهذي مواد موجودة في كل الكليات الصحية! حتى لو تشوفو كان عدد طالبات العلوم الطبية برضو قليل .. والصيدلة برضو قليل امكن 10 او 13 فهل معناتو انو برضو الصيدلة والعلوم الطبية والتمريض كمان ماله اهمية ولا مستقبل؟؟؟؟!!! فصلو ع النبي وحبو تخصصكم الجميل جدا ... والله يوفقكم يارب

اللهم صلي على محمد عليه أفضل الصلوات والتسليم
اولاً اخت لارا حابه اقولك احنا داخلين طب جراحة الفم والأسنان عن قصة عشق مو بس حب :)
بس تعرفين الي يحب شئ يعتب عليه فقط لاأكثر ولاأقل
وشكراً لمرورك :)

[Hadeel.a]

السلام عليكم
أفتكر برضو السنه اللي فاتت أن زعلت شويه لمن شفت بنت وحده بس من الأسنان بالدورة بس الحقيقة أن الدورة من تنظيم طلاب و طالبات البشري و حددولنا دي السنه عدد البنات اللي ممكن يشاركو بالتنظيم مع أن كان في بنات كتير متحمسات أنهم يشاركو و ممكن نفس الشي يكون للميل سايد أو يكون عندهم اي عزر تاني ..و بس تدخلو الكليه حتشوفو قد اي طلاب الأسنان يحبو يساعدو الدفعة الأصغر منهم ..آبدا لا تخلو شي يحطمكم و فكرو دايما أن ربنا ما يكتلبنا شي الا و اكيد يكون في الخير لنا و لا تخلو حاجات بسيطه تخليكم تفكرو تغيرو تخصصكم لان بكل. كليه في حاجات حلوه و حاجات ممكن ما تعجبكم انبسطو بالحاجات اللي تعجبكم و اللي ما يعجبكم حاولو تغيرو او تتألقمو معاه .
ربنا يوفقكم و ييسرلكم كم صعب و تكون سنه حلوه علينا جميعا ..