ماهي الجامعات او الكليات الاهليه التي تقبل ماجستير بجده

[معلمة مكه]

تنبيه بالنسبه للتخصصات المعتمده في كلية إدارة الاعمال فقط تخصص واحد معتمد لمرحلة الماجستير وهو إدارة الاعمال انتبهي مو كلها معتمده .. وراجعي موقع التعليم العالي .. والله يوفقك

[معلمة مكه]

في هذا الرابط مذكور للماجستير تخصص ادارة الاعمال فقط مو مثل البكالوريوس كل تخصصاتهم معتمده ..


http://wwww.mohe.gov.sa/ar/studyinsi...es/Master.aspx

[توفاز]

حلو فرصه اخرى للماجستير

[توفاز]

إن شاء الله تكون دراستهم وشروطهم سهله

[Waiting]

المشاركة الأصلية كتبت بواسطة معلمة مكه تنبيه بالنسبه للتخصصات المعتمده في كلية إدارة الاعمال فقط تخصص واحد معتمد لمرحلة الماجستير وهو إدارة الاعمال انتبهي مو كلها معتمده .. وراجعي موقع التعليم العالي .. والله يوفقك

حبيبتي هم أصلا ما عندهم الا إدارة أعمال لكن إدارة الأعمال تمتد منه مسارات

المسارات اللي ذكرتها تندرج تحت إدارة أعمال

يعني يظل الماجستير إدارة أعمال

حتى إسم برنامج الماجستير MBA

Master of Business Administration

وبإمكانك تتأكدين

[ابن الجامعه]

المشاركة الأصلية كتبت بواسطة waiting بالنسبة لإختبار التوفل ترا يقبلون 500 لو جبتيها بيتغاضون والاختبار عبارة عن خيارات كله ومدته ساعتين ومافيه writingولا speaking فقط reeding و grammar و listening في جزء الـ reading تقرأين وتجاوبين خيارات متعددة في جزء grammar نفس الشي في جزء الـ listening تستمعين لمحادثات متفرقة وتسجلين ملاحظات في ورقة خارجية يعطونك اياها وبعدها تبدأين حل وهكذا ولو تخصصك انجليزي في البكالوريوس يسقط عنك إختبار التوفل وبالنسبة للمنحة هي مالها خص أتوقع تاخذين الأوراق من قبول وكذا وتقدمين انتي بنفسك عليها حسب الاعلان الخاص بالمنح الله يوفقك

الله يسعدك باين عندك فكره عنهم بكلية ادارة الاعمال واختباراتهم سوالي هل سبق ودرستي عندهم او احد قرايبك
وهل جو الدراسه مناسب عندهم وهل واجهتي مشاكل معهم لاني شايفك بتجمع محاسبه مهنيه
ومخلصه اوراق القبول بجامعة الملك عبد العزيز الله يوفقك

[ستايل]

أنا كمان قدمت عالماستر إدارة أعمال جامعة الملك عبدالعزيز ولم يتم قبولي على شان كدا ابغى اعرف شروط القبول في الكلية دي والمنحة الملكية كم تشمل من البلغ المطلوب وكمان ابغى اعرف لدحين يتم التسجيل بالكلية دي

[Waiting]

المشاركة الأصلية كتبت بواسطة ابن الجامعه الله يسعدك باين عندك فكره عنهم بكلية ادارة الاعمال واختباراتهم سوالي هل سبق ودرستي عندهم او احد قرايبك وهل جو الدراسه مناسب عندهم وهل واجهتي مشاكل معهم لاني شايفك بتجمع محاسبه مهنيه ومخلصه اوراق القبول بجامعة الملك عبد العزيز الله يوفقك

آمين وياك

يب عندي فكرة مناسبة نوعاً ما

امم لا ما سبق ودرست عندهم بس زرتهم كثير ، بحكم عملي وأيضاً سألت وبحثت عن الماجستير الخاص فيهم بسبب اني كنت ابحث عن فرصة بديلة لجامعة الملك عبد العزيز

كنت أبي أقدم عليهم لأن دراستهم باللغة الإنجليزية وخريجينها مطلوبين بالشركات كما أن الجامعة تساعد خريجينها للوصول لفرص العمل ، يعني تقدر تقول عجبتني فكرتهم واهتمامهم!

لكن ما حبيت آخذ المحاسبة أو الإدارة المالية تحت تخصص "إدارة الأعمال"! لأن لما سألت دكتورة نسرين عن تخصص المالية ولو حبيت آخذ مسارين مع بعض (مالي وموارد بشرية) ويعطوني شهادة دبل ماستر

وقالت ان بالامكان احصل على هذا الشي ، وان الأقسام تختلف عن بعضها في أربعة مواد فقط يعني ترم واحد! أما بقية الخطة راح أدرس إدارة أعمال بحت..

يعني فعلياً راح أدرس إدارة أعمال، وأنا أعشق قسم المحاسبة

بالإضافة إن إدارة الأعمال مسار محاسبة ممكن يتخصص فيه أي طالب حتى لو تخصصه في البكالوريوس أحياء!

بشرط يدرسون سنة تحضيرية في البزنس كتمهيد يعني

بينما جامعة الملك عبد العزيز دراستها في التخصص فقط وأصعب وأكثر فائدة ولا يقبلون الا تخصص محاسبة

وانا حابة أدرس شي أحبه ويفيدني مو بس آخذ شهادة ماستر والسلام!

هذا سبب تسجيلي في جامعتنا وعدم انتسابي لكلية إدارة الأعمال..


بالنسبة لجو الدراسة فهو جيد نوعاً ما ويختلف حسب الأشخاص ونظرتهم له ، عني أنا أول عقبة واجهتها هو كلاسات مشتركة مع الرجال الترم اللي خلص هذا..

نزلت لصالة الكافتريا وكان البنات في جهة والرجال في جهة بينهم بارتشن زي المطاعم زي ما يصير في الغرفة التجارية وقت الندوات والمحاضرات المشتركة ^_^


كنت في زيارة عمل لمقر الكلية وشاهدت هذا الشي ولما سألت عنه، قالوا إن المسألة مؤقته

وأتوقع الترم الجاي راح يكونون منفصلين

بس تقدرون كمان تسألون عن هذا الشي إذا يضايقكم

وبص

[Waiting]

المشاركة الأصلية كتبت بواسطة ستايل أنا كمان قدمت عالماستر إدارة أعمال جامعة الملك عبدالعزيز ولم يتم قبولي على شان كدا ابغى اعرف شروط القبول في الكلية دي والمنحة الملكية كم تشمل من البلغ المطلوب وكمان ابغى اعرف لدحين يتم التسجيل بالكلية دي

أولا الله يعوض عليك بقبول أفضل إن شاء الله

ثانياً شروط الكلية سألت عنها من فترة واللي أذكره الان:

المعدل بس ما اذكر كم الحد الأدني ، بس أول شي سألتني عنه دكتورة نسرين المعدل

إختبار التوفل الخاص بهم


ثالثاً رسومهم:

قالت لي 1000 ريال رسوم فتح ملف والدراسة بـ 100,000ريال

وقالت بعد انه حسب تسجيلي للمواد ، كأنها كانت تلمح أدرس الماجستير بالتقسيط المريح على فترة 5 سنوات

تقول كل ما سجلتي مادة تدفعين مبلغ وهكذا وانتي ورغبتك لو تبي تمشي على الخطة أو لا



بالنسبة للمنحة فهي تغطي 50% من التكلفة الإجمالي فقط

وبص

أتمنى أفدتك

[khaledalharby]

جزاكم الله خير على الموضوع المفيد
حبيت اسال مافيه دراسة للماجستير بالعربي تخصص محاسبة في الكليات المذكورة والمعترف بها من وزارة التعليم العالي غير جامعة الملك عبدالعزيز وتكون في جدة