نزول أسماء الدكاترة في الشعب للبحث .. مسار الموارد البشرية

[d7om_1]

المشاركة الأصلية كتبت بواسطة الفتـى الذهبـي يا مشرفنا الغالي على وزن وطنا لو تروح تسجل في الكلية يقلك ما فتحت الحذف والاضافه لكن بعض الطلاب كهربتهم فولتها عالي مو مثلنا يادوب لمبة درج تصبر وحط على الجرح ملح

وأنت الصادق ع بطارية دامها لمبة درج ولو الكهرباء فولتها قوي عندنا كان في أشياء كثيرة خذيناها وهي أصلاً من حقنا
لكن صبراً جميل والله المستعان

المشاركة الأصلية كتبت بواسطة شموخ رجل حنا نفس شعورك طال عمرك لاكن هذولي راعين الواسطات الي يسجلون قبل تفتح الشعب اصلا وموو شرط انك تروح الجامعه واسطتك تمشيك وحنا لين افتحت الشعب حصلناها مليانه يعني شعب تقفل قبل تفتح

أعاننا وأعانكم الله
فعلاً البعض مش لازم يروح للجامعه ... مع قهوة الصباح تنزل له ... آه ياقلبي

المشاركة الأصلية كتبت بواسطة شموخ الوايلي شي قهر ويرفع الضغط الشعب مقفلة قبل فتح الحذف والاضافة وربي اكبر ظلم ؟ ليش كذا؟ اللة لنا وبعدين اللي معة واسطة وضبط وضعة مستحيل راح يتكلم ويقول انة نزل المادة قبل مايفتح الحذف والاضافة ؟

دامك أنت مقهور وأنا مقهور ... فاسأل الله أن ياخذ حقنا منهم لو فعلاً تلاعبوا في الشعب على كيفهم

المشاركة الأصلية كتبت بواسطة الدريبي1 ياجماعة الخير قولوا لا إله إلا الله انا اليوم الصباح فتحت قائمة الشعب الدراسيه وحصلة مواد البحث عند 3 دكاترة علي القحطاني طاهر الدباغ عبد الله نصير وكان عند الدكتور عبد الله نصير شخص واحد بس من 5 أشخاص اخذت شوي وطلعو 3 بصراحه انا توهقت قلت وشلون يختارون الشعب وهم ماعندهم الحذف والإضافة مثلي ؟ المهم طرت في بالي مسألة اارسال معامله الكترونيه ارسلت لهم وما كملت دقيقة إلا هم ضايفين المادة لي رحت اشوف الشعبة حصلتها مقفله .. والحمد لله عز وجل اني كنت اخر واحد في هالشعبة .. . . وهذا اللي صار لي .. . . بالتوفيق للجميع

اسأل الله أن يوفقك يالدريبي ... أرسلت معاملة الكترونية وأضافوها بهالسرعه ... وش هالحظ معك ما شاء الله تبارك الله
لو أنا مرسل معاملة الكترونية والله ما يجيني رد إلا عقب يومين ... الحظ الطيب والله

المشاركة الأصلية كتبت بواسطة أبو فاتن كثرة الشكوى بالمنتدى ماتنفع ( وإن كانت أحياناً تفريغ هموم ) لأنها لن تأتي بنتيجة لكم لأنها تبقى في إطار الأماني والحسرة على البن المسكوب دون عمل مايجب عمله يجب على كل متضرر اتخاذ إجراء فعلي ( عارفين إنه ماعندك أحد في تطبيق الانظمة طبعاً ) ولكن على الأقل ليقل القائل منكم أنني حاولت وفعلت ولا يقل تمنيت وتحسرت على كل متضرر يرى مارآه في التلاعب الحاصل في قائمة الشعب أن يبعث برسالة أو إيميل لمن له سلطة إدارية في الجامعة ويقل فيها ماهو مبرركم ..؟ ماهو ردكم ..؟ ياسعادة الـــ ... إذا عُرف مايجب فعله بالأساليب النظامية وتم اتباعها .. يسهل الحصول على الحق المستحق ولو بعد حين وإن لم يستفيد هذا الجيل الحاضر .. سيستفيد قطعاً جيلٌ قادم آخر تمنياتي للجميع بالتوفيق

أولاً أسعد الله مساك أخوي ابو فاتن ... وأسعدني مرورك يالغالي ... ولو أدري كل شوي أكتب موضوع عشان تشرف مواضيعي
وثانياً يا ابو فاتن في الجامعه أشياء كثيرة تمنيت أني أسوّيها فيها وهي من حقوقي لكن بعد المسافه بين الغرب والشرق هو السبب لخضوعي للأمر الواقع
لكن أعجبني ما في الأقتباس التالي

ولكن على الأقل ليقل القائل منكم أنني حاولت وفعلت ولا يقل تمنيت وتحسرت

وهذا ما أفكر فيه

[عادل مظفر]

ماقدر اقول غير

سبحانك ربي اني كنت من الظلمين

[d7om_1]

المشاركة الأصلية كتبت بواسطة الدريبي1 ياجماعة الخير قولوا لا إله إلا الله انا اليوم الصباح فتحت قائمة الشعب الدراسيه وحصلة مواد البحث عند 3 دكاترة علي القحطاني طاهر الدباغ عبد الله نصير وكان عند الدكتور عبد الله نصير شخص واحد بس من 5 أشخاص اخذت شوي وطلعو 3 بصراحه انا توهقت قلت وشلون يختارون الشعب وهم ماعندهم الحذف والإضافة مثلي ؟ المهم طرت في بالي مسألة اارسال معامله الكترونيه ارسلت لهم وما كملت دقيقة إلا هم ضايفين المادة لي رحت اشوف الشعبة حصلتها مقفله .. والحمد لله عز وجل اني كنت اخر واحد في هالشعبة .. . . وهذا اللي صار لي .. . . بالتوفيق للجميع

المشاركة الأصلية كتبت بواسطة yesyes أرسلت معاملة من أمس بخصوص اضافة مواد وذكرت اني خريج لكن للأسف ما عندك أحد ؟؟؟؟؟؟؟؟؟؟؟؟

المشاركة الأصلية كتبت بواسطة d&g انا مرسلهم معاملة الكترونية يوم السبت الساعه ٨ الصباح إضافة مادة البحث والتدريب لكن للاسف ما اضافوها حتى الآن طامري ياجامعتنا بالبركه

وش السالفه ؟؟؟ عشان كذا أقول حظك قوي يالدريبي ما شاء الله عليك في دقيقة وأضافوا لك ماده (عيني عليك بارده) ولا نشكك في كلامك أخوي.. لكن كيف يهمّلون ناس وناس ينفذون معاملاتهم .. هل هذا يعقل ؟
هذا الأخوان في الأقتباس من أمس وفيه اللي من يوم السبت مرسل معاملة الكترونية وللحين ولا أحد معبرهم
صبراً جميل والله المستعان

[بـــحّـــار]

بالنسبه لتجربتي

كنت الاحظ وجود طالب او طالبين في مادة البحث فقلت خليني اجرب واسوي معامله الكترونيه والحمد لله تمت اضافتي عند الدكتور عبدالله نصير بناء على طلبي وفي اقل من 10 دقائق تمت الاضافه

[البدر_15]

نرجو من احد الاخوان الدريبيي او بحار يعطينا الصيغة اللي ارسلها
والحالة الاساسية والفرعية ربما الخطأ من عندنا او من طريقة ارسال المعاملة

ارسلتوا للاستعلام والاستفسار ولا طلبات كليية الاقتصاد

شاكر ومقدر

[خلف]

الله يجيب الخير...

[d7om_1]

المشاركة الأصلية كتبت بواسطة البدر_15 نرجو من احد الاخوان الدريبيي او بحار يعطينا الصيغة اللي ارسلها والحالة الاساسية والفرعية ربما الخطأ من عندنا او من طريقة ارسال المعاملة ارسلتوا للاستعلام والاستفسار ولا طلبات كليية الاقتصاد شاكر ومقدر

^
^
^
+1

[sa3ad11]

ياشباب الوضع كان كالاتي فتحت ثلاث شعب للبحث
القحطاني والدباغ ونصير وكانت باللون الازرق مفتوحة يعني
لكن الحذف والإضافة مغلق عن طريق الأوديس الكلام هذا بعد الفجر قلت في نفسي الصبح يمكن يفتحوا الحذف والإضافة في الصباح شيكت لقيت طالب واحد فقط مسجل شوي الا الثاني مسجل قلت خلني ارسل معاملة ارسلت معاملة بطلب الاضافة في الشعبة c عند الدكتور نصير وتم الرد فوراً بان الشعبة ممتلئة شيكت لقيت انه فعلاً ٥ من ٥ طلاب لذلك ما خطر في البال انه الواحد يرسل معاملة في حالة الشعبة مفتوحة بمعنى تقدر تسجل الحين عند الدكتور القحطاني او الدباغ عن طريق ارسال معاملة فوراً
طبعاً أنا ما قدرت اسجل لانه كنت بعد الأخ اخر واحد سجل

تحياتي للجميع

[d7om_1]

^
^
^
^

المشاركة الأصلية كتبت بواسطة d&g انا مرسلهم معاملة الكترونية يوم السبت الساعه ٨ الصباح إضافة مادة البحث والتدريب لكن للاسف ما اضافوها حتى الآن طامري ياجامعتنا بالبركه

شكلك أستعجلت يوم السبت

[سعد الحويزي]

أنا الماهد نزلتها من الأوديسة بس ما ادري عند اي دكتور تكفون كيف اعرف انها عند الدكتور الفلاني