تجمع المتقدمات على ماستر علوم الاحياء لعام 1435

[pretty as posy]

المرجع الاول الي اعتمدته كان : مقدمة في علم الوراثة للدكتتور جمال الدين نصرت بنات جدة تلقوه في مكتبة العبيكان اخر مرة رحتها شفته ذاكرت بس قوانين مندل منه ، كان باب واحد. والمرجع الثاني كان من ملزمه عن الوراثة السيتوللوجية درسناها لكن يكفيكم المرجع الاول لو اشتريتي الكتاب وذاكرتي منه لانه رائع وشامل لكل شيء

[91girl]

المشاركة الأصلية كتبت بواسطة pretty as posy افتكرت نفسي لما كنت السنة الماضية مثثلكم اسأل حبيت افيدكم ااختبار الوراثة كان عددد الطالبات كثير 50 تققريبا وقبلو عدد كببير لان كان ترتيبي الـ 11 و نسبتي كانت 80.89 واخر وحده قبلوها كانت 80.00 الاختبار سهل بالعربي وفيه صفحة اوصفحتين بالانجليزيي لكن سهل لو ذاكرتي تمام اعتمدت في مذاكرتي على ملزمتين الي درسناها : وراثة عامة + وراثة سيتولوجية المراجع حطو جينومات ومقدمة تقنية وكل هذه ماجابو منها شيئ جابو الاساسيات تقريبا اما بالنسبة للحيوان والنبات ذاكرو من كتاب مقدمة الحياه شامل ويكفيكم الميكرو ما اعرف مرجعهم القبول يعتمد على المذاكرة بصراحه لو اجتهدتي رح تقبلي لازم من دحين تبدأو وبالتوووفيق ونصيحتي لك (يارب حقق حلمي ) شايفتك مترددة مو عارفة تختاري لكن لا تدخلي عشوائي او تقولي مافي امل بالقسم الفلاني او اي شيئ انا كنت زيك بدخل نبات عشان القبولل يه سهل من ناحية العدد دايما الي يقدمو قليل ، بعدين غيرت رايي واخترت الوراثة لاني حابة القسم مع ان كنت مترددة وشايفة انه شبه مستحيل وشوفيني انقبلت وعقبالكم ، انتي ادخلي القسم الي حابته واجتهدي فيه وبالتوفيق .

ياشيخة ربنا يوفقك فدراستك ويسهل عليكي كل صعب زي منتي تحاولي تسهلي على البنات.....

[91girl]

لو سمحت اخت pretty as posy بسالك سؤال ازا ممكن؟؟ هما حطوا ال 10 بالمية حق الكلية ولا مايحطوا يعني ابغا اعرف كيف توزيع الدرجات بصفة عامة

[pretty as posy]

اهلين

توزيع الدرجات يكون كدا : 60 على المعدل و40 على الاختبار يعني حاولي قد ماتقدري تجاوبي كويس بالاختبار

وبالتوفيق لكم وان شاء الله ربي يكتبلكم القبول : )

[pretty as posy]

ونسيت اقول شيئ مهم الي تسجل مثلا حيوان وفجأة غيرت رايها تبغي تحول او تختبر مع بنات النبات مايرضو شروطهم صارمه من الان حددو الي تبغوه

فيه نقطه مهمة كمان اذا دخلتي اختبار الحيوان من البداية يمررو ورقة تكتبي فيها التخصص الي تبغيه (فسيولوجي حيوان - طفيليات - خليه وانسجة -لا فقاريات)

والوراثة (وراثة ميكروبية ، وراثة نبات ، وراثة حيوان ، تقنية حيوية ) بس قالت لنا ان مواد الوراثة كل البنات يدرسو نفس الخطة

[فوق تفكير البشر]

بنات جبت في اختبار الستيب 48 تتوقعوا فيه امل يقبلوني

[pretty as posy]

اانتي سجلي ماحتخسري شيئ لو قالو مستوفية الشروط معناها قبلوكي .

وفيه شيئ اسمه دورة بديلة اظنها بفلوس للي ما اجتاز الستيب اسالي عنها افضل يعني تقدري تسجلي لا تضيعي الفرصه.

[airi]

السلام عليكم و رحمة الله و بركاته
شكرا (ياربي حقق حلمي) على هذا التجمع و بإذن الله الكل يستفيد ...
أنا ناوية أسجل ماسر مسار وراثة لكن وحدة من صحباتي اختبرت العام و قالت أن الاختار في أسئلة ما قد مرت عليها ..
ياريت اللي عندها خلفية تطمنا لان انا خريجة جامعة ام القرى و و مناهجنا طبعاً مختلفة يعني مثلا ما عندنا مادة وراثة سيتولوجية
لكن عندنا وراثة عامة و تقنية حيوية.
و شكرا (pretty as posy) على المعلومات المهمة (:

[العلا مرامي]

بسم الله الرحمن الرحيم

السلام عليكم و رحمة الله و بركاته

هذي أول مشاركة لي في المنتدى و اللي اتمنى يكون منتدى جامعتي في يوم من الأيام

أنا مثلكم بقدم إن شاء الله هذي السنة على الماستر ... و اتمنى احد يفيدني و يجيب على أسئلتي ...

بداية أنا محددة ثلاث تخصصات ... و أبغى أي معلومة عنهم ...

الأول : تقنية معلومات ...
الثاني : نظم معلومات الحاسوبية ...
الثالث : إدارة المعلومات ...

الاسئلة كالتالي :
هل يوجد سكن لطالبات الماجستير في الجامعة ؟؟

هل ألحق أقدم على الماستر هذي السنة لو كان اختباري الستيب 2 / 7 /1435 هـ ؟؟

هل هناك أفضلية لقبول أبناء الجامعة و خريجيها قبل غيرهم ؟؟

متى يبلغ المتقدم باختبارات المفاضلة ؟؟ قبل اسبوع من الاختبار مثلا و لا يتأخرون ما يبلغون بدري ؟؟ لأني من خارج جدة ...

هل أقدر اختار الثلاث تخصصات و ارتبهم حسب أولويتي و لا هو اختيار واحد فقط لا غير ؟؟

انا اختبرت قدرات السنة اللي راحت هل لازم اختبر هالسنة و لا اختبار السنة اللي راحت يكفي ؟؟

لو أحد يعرف كم قبلوا السنة اللي راحت في التخصصات المذكورة ؟؟

و أخيراً : ليش ما فتحوا إلى الآن التقديم ؟؟

و شكراً :)

[airi]

بنات كيف أحدد المسار وقت التسجيل لاني شايفة التسجيل حيكون على ماجستير علوم الاحياء بشكل عام ما في مسارات