حفلة التوديع أم .... حفلة "التقليع" ؟!!

[انعم من النواعم]

متى حفلة تخرجكم بالضبط الربوع هذا ولا اللي بعدوو..!!
والساعه كم ..؟

وفين مكانها قاعة الجوهره ..؟!

وبس^^

[عزة نفسي_تكفيني]

وعليكم السلام ورحمة الله وبركاته



الله يعينكم من جد مالهم داعي موعد الحفله وقت الاختبارات مررهـ يقهر

بالله بأي نفس بتفرحوا

انا اختي تخرجت من كليتكم وحضرت حفلتهاا كانت في الجوهره وفي الصباح لكن كانت حلووهـ

والموعد ماكان حلوو قبل الاختبارات

مني عارفه ليش هم بيعملوا كذا

احنا كليتنااا عاملينهاا بعد الاختبارات والنتائج هذا اهم شي على الاقل نكون مرتاحين نفسيا

لكن الموعد والمكان مااأدري بس اتوقع بالجوهره

لا تزعلوا نفسكم ااهم شي تنبسطوا مع صحباتكم وتفرحوا بتخرجكم

انبسطوا زي ما تبوا وماعليكم منهم

موفقين يارب

[صَهِيْل أُنْثَى]

ياااهلا

احنا تخرجنا 1429 هـ وعملوا حفل التوديع على قولتهم في قاعة الاميرة الجوهرة
اصطحبت اختي معي في حين الحفل
وفي وقت تنظيم الزفه الله لايوريكم صيااااح على البنات واوااامر .. اللي ينظموا المسيره استاذات ودكتورات بس بصراحه الاخلاق ضااااربه بقوووة حتى في اوقات الحفل يالطيف
حاولنا نطنش حتى اخر لحظه .. وبصراحه تفشلت من اختي لما شافت المستوى المتدني من الاخلاق هناك الا من رحم ربي ..
كالعاده الكراسي الاماميه للعماده والطاقم تبعهم .. من ( د) و ( ا ) ..
حضروا الامهات وهن اللواتي كن يظهرن الفرح الحقيقي لبناتهن كانوا يقبلوهن بإبتسامات صادقه ودموووع الفرح اثرت فيناااا .. كنت اتمنى ان تكون امي متواجده معي .. لكن ولله الحمد اختي ربي يسعدها ماقصرت قامت بالدور
اهم شيء حاولت اسعد نفسي وانا في كومة الهموم والقلق من الامتحانات اللي كان موعدها على الاسبوع القادم من بعد الحفل !!
كان الكثيييييير من الطالبات غائبات عن الحفل بسبب استعدادهم للامتحانات .. انا من كثر احباطي حضرت وطنشت الدنيااا لكن كان الهم بداخلي ماانكره ..
والى الان لما اتذكر الحفل احمد ربي اني حضرت ع الاقل مااحرمت نفسي من لحظة تخرجي من كلية العنا والقلق !
رغم اني ماحضرت ايام حفل الثانوي .. والمراحل اللي قبل ..
لكن حضور حفل الكليه الزمت نفسي رغم انواع الاحباطات ... لانها مرحله تعليميه اخيره في نظري!
ولله الحمد والمنة
فالكم التوفيق :)

[a7la donia]

All Softness

برافو إنك سجلتي مهما كان ماراح نخليهم يفسدو علينا وراح نفرح غصبن عن الكل

ندو جدة

ميرسي ياعسل عالدعوات الطيبة "كثري منها"
ويوفقك يارب وينولك الي ببالك وعقبال عندك ان شالله

د. كنوز

بجد كسرتو خاطري ... مهما كان ظروفنا أحسن من ظروفكم
الله يعينك ياقلبي .... ويسهل أمورك ... بس لازم تحضري الحفلة عالأقل نفتكر شي حلوو من هالكلية

[ضحية تخصص&]

هلا ياحلوين.. انا خريجة كلية التربيه لعام 1429 وبحكيكم عن (حفلة تودعينا) كانت بقاعة الاميرة الجوهرة طبعا الصباح لين الظهر وهددوا بعد وحده محد يجلس يالقاعه واللبس طبعا نفس الشروط ماتغيير شي من ذيك السنين محتشم وطويل.. ومطربه مافي كانوا حاطين شريط اناشيد وزفونا عليه وكان في فرقة عرض من الجامعه سوت ابريت كان حلو وفقرات ممله كالعادة... وكانا بالفسحه وزعوا علينا وجبات بصحن... وممنوع تتحركي حتى قاموا البنات يرقصوا قاموا الاستاذات وكانه حرب وجلسوا يجلسوا البنات ويخاصموا... وانتهت 12الظهر... بس مافيها شي حلو غير المسيرة ووجود صحباتك... اتمنى لكم التوفيق ...

[a7la donia]

hanadi1409

حبيبتي مين قالك إنا مابنسويلنا حفلة خاصة على مزاجنا ... ولا إنا أصلا بحاجتهم وبحاجة حفلاتهم..

والحفلة الي بيسوونها تراها بفلوسنا ... ماهم دافعين شي من جيوبهم ... حتى الهدايا الي يوزعوها علينا

احنا دافعين قيمتها

والبنت الي ماتدفع ماتدخل الحفلة لو ايش...

والقاعة الله يخلي الحكومة مجانية ... وحتى لو كانت على حسابنا راح يزيد ... ماشالله عددنا مو شوية

بس حتى لو سوينا حفلات خاصة ... بتضل هذي الحفلة ليها ذكرى أفضل وصدى أقوى بقلوبنا

أذكر يوم كنا بالثانوي سوتلنا المدرسة حفلة (يعني المعلمات سووها) سوولنا فطور بوفيه

واخر يوم بالاختبارات سوولنا غداء ذبايح وجابولنا حلويات وكوفي ... وسمحولنا بالشطة والبيبسي

وقعدنا يومتها بالمدرسة للساعة 4 العصر ...وكانت من أجمل الأيام الي عشناها بالمدرسة ... وعمرنا مانسيناها

وبعدها سوينا حفلة التخرج كل واحدة على طريقتها ... وعزمنا بعض

بس ظلت حفلة المدرسة أحلى ذكرى لينا كلنا .. (مع إنا كنا زعلانين منهم)

وفي كل جهة يعملو حفلة حسب امكانياتها وتقديرها وذوقها

يعني مثلا في التربية العملي سوتلنا المدرسة حفلة ... بصراحة من جد أحرجونا ...

ماعرفنا اشلون نردها ... مع إنا ماقعدنا معاهم غير شهر ... (بس هذا أسلوبهم في التعامل)

وهذي جامعة ماعندها إمكانية تعمل حفلة على مستوى لائق حبيتيين؟

صارلنا سنين نكرف معاهم ... (واخر شي يقولو أي حاجة زي ماتجي تجي)

وبالنسبة إنه دايما يعملوها بالصبح .... السنة الي فاتت حضرتها لكلية العلوم وكانت بالليل

بس يلا عادي ... ماعاد يفرق معانا شي

أصلا مأخذو راينا بجداول الاختبارات ... والكل يصرخ ويبكي ...

تبيهم ياخذو راينا بالحفلة ....

وتسلمي ياقلبي على ردك وتفاعلك

وعقبال عندك يارب ..

[a7la donia]

ميسم

الله يجبر بخاطرك ياقلبي

وميرسي عالدعوات الحلوة .... والله يوفقك ويسعدك

نورتي الموضوع

[a7la donia]

نعم من النواعم

الحفلة الأربعاء هذا 19/6 في قاعة الأميرة الجوهرة ... متى الوقت : مادري (كل ماسألتهم قالو مدري)
لاتقولو بتحضري ترى زحمة مافيه مكان .... (أمزح ياقلبي حياك الله )

عزة نفسي_تكفيني

شفتي اشلون عزة نفسي ... بس انتي من أي كلية؟(جامعة ولاتربية؟)
بس مدري ليه أنا جاني احساس إنها بتطلع حلووة (الحفلة يعني)

صَهِيْل أُنْثَى

بجد أنا معاك .. هاللحظات ماتتكرر وتظل ليها ذكرى عند الإنسان بحلوها أو مرها
مبروك عالتخرج بعد الزحمة ... بس أنا حضرت حفلة العام كانت حلوة والبنات يرقصو وماخذين راحتهم
إن شالله حفلتنا بعد تزبط
ومشكورة على ردك الجميل ... استفدنا من خبرتك

[a7la donia]

ضحية تخصص&

أهم شي تخرجتو وافتكيتو ... بجد والله خوفتوني ان شالله مايصير معانا كذا
وشاكرة لك تفاعلك ومرورك ياعسل

بس عندي بشرى لكل الخريجات من كلية العلوم .... أمس قالتلي السكرتيرة حقت القسم انه فيه مطربة
وانهم غيرو رايهم عشان البنات زعلو ويبغو مطربة .... وبيجيبو مطربة
والله مع إنها ماتدري عن شي .... بس قلت ان شالله هالمرة عندها خبر ويكون كلامها صحيح

أهم شي قالتلي قولي للبنات يدفعو .... قلتلها ان شالله بقلهم

فيالله شدو حيلكم وهالله هالله بالكشخة ياآخر العنقود من دفعات التربية

[شعاع الاماكن]

الله يوفقكم جميعاً وتنبسطو كلكم,,,,,,,,,,,,,