تكاليف الزواج تقسم ظهور العرسان ؟!!!

[شرووق]

بصرااحه وجهة نظري زي وجهة نظر نسيم ...من 40 لـ 50 ...وغالبا 40 هوا
اللي ماشي الحين اكثر شي ..

[يلدرم]

المشاركة الأصلية كتبت بواسطة نسيم الوجود شوكرن على الموضوع ..ولا تكبرونهــآآ ترآ المهور مو غآليه

الموضوع لا يخص فقط المهور وانما تكاليف الزواج

على العموم مايشعر الا المجرب

[AnoOosa NoOoSa]

والله منجد الله يـــــعينكـــم ويــفتحها علــيكم
بس ايش تسوو عاد
هادي عادات وتقاليد مانقدر نغيرها

[فاقدة أبوها]

صحيح كلامك التكاليف الباهظة هي بتخلي كثير من الشباب يؤجلوا زواجاتهم الى أجل غير مسمى

وياريته على المهر ووبس,إلا الذهب وايجار الصالة والطقاقات والفرقة والكوشة والتقديمات والهدايا والعشا وووو <<خبرة بحكم زواج اخواني في فترات متقاربة.

مع اننا في منطقتنا المهور لاتتجاوز ال40ألف وأقل اذا كان العريس من نفس العائلة لكن لما تعطي
امها وابوها بيزيد ويمكن تتجاوز ال60الف غير تكلفة الحفلة كاملة يعني بتصرف 100ألف ع الملكة بس!!

هذا قبل البيت والأثاث والسيارة وتكاليف الفرح!


طيب والشاب اللي راتبه اربع او خمس الاف من وين يجمع هالمبلغ!


اكيد حيعتمد على القروض ويدخل في دوامة السلفيات من بداية حياته!

وطبعاً هذا كله غير صحيح المفروض اننا نتبع سنة النبي صلى الله عليه وسلم فأكثر النساء بركة ايسرهن مؤنة فإيش الفايدة نتسلف ونتعب ونصرف مبلغ وقدره عشان الناس وبعدين تمحق البركة من حياتنا!


وانا اختلف معك أخت نسيم الوجود بأنك تحددي مهر معين لأنه البنت مو سيارة ولابيت ولاأمة مملوكة تنعطى للي يدفع أكثر!
والرسول صلى الله عليه وسلم يقول (اذا اتاكم من ترضون دينه وخلقه فزوجوه الا تفعلوا تكن فتنة في الأرض وفساد كبير)

وعلى فكرة البنات الحين واعيين مو مثل أول ..

والله يوفق الشباب والبنات ويرزقهم الزوجات والأزواج الصالحين ..

[نسيم الوجود]

المشاركة الأصلية كتبت بواسطة يلدرم الموضوع لا يخص فقط المهور وانما تكاليف الزواج على العموم مايشعر الا المجرب

بالله عليكــ <


يـــآ أخي الكبير يلدرمـ على اني تعبآنه من المحآضرآت ومن وقفة معملــ اليومـ وريحة البنزين اللي قآبه فيه ورجعت البيت وانا دآيخه ومآ نظفت نظآرتي من غبآر اليومـ القميلـ وفتحت المنتدى..... الا اني شفت ان الموضوع يتكلمـ عن ( تكــــــــــــــــــــــــــــــــــآليـــــــــــف الزوآج )وعآرفه انو مو بس عن المهور


انـــــآ تكلمت عن النقطه الاهمـ والاكملـ والاجملـ والاحلى والامثلــ <<صدى الملاعب


صاحب الموضوع يقولـ في احد ردودهـ ان عزوف الكثير من الشبــــآب بسبب المهور اللي وصلت الى عشرطعش الى مدري كمــ ؟؟؟


فأنـآ حبيت اعلق على هالنقطه .........وان المهور مالهـــآ دخلـ ابد لان الغالبيه عند الناس الى الحين حولــ 40 وان شوآآذ من النآآس همـ اللي يوصلوهـآ للقمر همـ وطلبآتهمـ المخيسه بقوهـ في بعض الاحيآن ...هذولي همـ اللي يستحقـــــــــــــون حمله ( خلوهـآ تعنس )


امـآ تجون تهيجون علينــآآآ كلنـآآ في المنتديآت ومسوين فيهـآآ انا اللذي ومهورنـآ في الــ40 وتقولون :خلوهــآ تعنس الا خلوهــ يعفن...مع احترآمي للجميع





شآكرين لكمـ حسن الاستمــــــآع









نسيمـــ

[نسيم الوجود]

المشاركة الأصلية كتبت بواسطة فاقدة أبوها وانا اختلف معك أخت نسيم الوجود بأنك تحددي مهر معين لأنه البنت مو سيارة ولابيت ولاأمة مملوكة تنعطى للي يدفع أكثر! والرسول صلى الله عليه وسلم يقول (اذا اتاكم من ترضون دينه وخلقه فزوجوه الا تفعلوا تكن فتنة في الأرض وفساد كبير) وعلى فكرة البنات الحين واعيين مو مثل أول .. والله يوفق الشباب والبنات ويرزقهم الزوجات والأزواج الصالحين ..

آنـــآ حددت على اسآس شي وآقعي حوآليني وغآلبية النآس كدهــ مهورهمـ ...

والله معليش اللي يبغــآني يتعب شوي عشآني ....مو يآخذني ببلاش ..يتعب بس بشي معقولـــ ...


انا معــــــآكمــ والله معآكمــ فيما معنى الحديث ان ايسرهن مؤونه اكثرهمـ بركة <عسآني ماقلبته بس

لكن مــــــــآ أتخيلــ انو يجي يومـ من الايآمـ وآحد يدفع ريآلين ويقولـ لابوي بآخذ بنتكـ ...معليييييييش وين قآعدين ..ساعتها بحس اني مهمشه بقوهـ


بعدين بقولـ شي ...كل واحد يقول تعب ومدري ايش وغالي يروح يطآلع في امه ...على التعب اللي تتعبه بعد ماتزوجت وجابت عيال وربتهم وكبرتهمـ والضغط والسكر اللي جآهـآآ بالله مآ تستاهلــ مهرهآ يوم تزوجت يكون ملايين مو كمـ ريآآآآآآآلــ زي ماتقولو

انا لو علي اخلي ابوي يسوي عرس ثاني لامي ويدفع مهر مرهـ ثانيه تقديرا لهـآآ


خلاص يلاآآآ كلــ وآحد ينقي عروسته زي النآس ويتعب عشانهـآ الحين شوي عشان بكرهـ تعرف قيمتهآآ اذا ربت عياله احسن تربيه وقال الناس هذا ولد فلان بن فلان









نسيمــ

[دنيا الولهـ]

السيارات مو غااااليه ولاشئ
بس مهور البنات هي اللي تكسر الظهر
ههههههههههههه
يعطيك العافيه اخوي الله يعينكم من جد تحزنو

[بيو كيميائية ^_^]

المشكلة مو بس البنت اللي تتشيرط إلا الأهل بعد

إحنا في منطقتنا المهور قبل الغلاء 20 و25 ألف دحين صارت 25 و30 ألف وأكثر البنات 25 ألف إلا قليل اللي يكونوا أكثر من كذا

والصالات أغلى صالة ب25 ألف وفيه بستة وثمانية آلاف

بس الناس برضوا يسرفون بشكل غير طبيعي

يعني زوجك راتبهـ ضعيف وأنت تبي التفشخر ليش وافقتي عليهـ

أنا أهمـ شيء عندي أسافر لاأبي أسوي زواج في صالة أفراح ولا خساير ولا شيء في بيتنا عائلي أحلى وأوفر

ولا أبي مهر غالي بعدين يكرهني ولا أبيهـ يتسلف ولا حاجة






قبل كانت مهورهمـ قليلة ومافيهـ مثل هالصرف وعايشين أحلى عيشهمـ

مو مثل الحين

[*{سيموو]

الزواج مسؤلية كبيرة تبدأ من الإختيار وتنتهي بالفراق إما بموت أو طلاق..
فإذا الشاب ما يقدر يتحمل تكاليف المهر والبيت والمعيشة بمستوى هذا الزمن.. يعني زمان جدتي راااح ولا احد يقدر يقول ان الغلط من البنت او من اهلها اي اب بالعالم مراح يوافق يزوج بنته واحد يالله يأكل عمره.. لإن ورا البنت أولاد في المستقبل.. فليش يتزوج ويظلم نفسه وبنت الناس معه.. الرسول صلى الله عليه وسلم بين الحل ووضحة..

وحكاية ان المهور غالية.. كل واحد وعلى قد مقدرته لا يتقدم لبنات مهورهم غاليه.. فيه بنات كثيييير مهورهم معقوله مثل ما قالو 40 و50 و30..

وحكاية حفلة الزواج والعشا الطقاقه ودي الاشياء يسمونها مستلزمات لابد منها.. اذا الوحده ما احتفلة بليلة عمرها متى راح تحتفل ( وانا ضد المباااالغه >> للمعلومية فقط )

وفيه بنات ما يهمهم الفرح والحفله ومهورهم معقوله.. يعني فيه خيارات كثيره

والشباب إلي كل ما جا طاري الزواج قالو المهور غاليه والاجارات مرتفعه والدنيا صعبه.. نقولهم قال صلى الله عليه وسلم: يامعشر الشباب من استطاع منكم الباءة فاليتزوج ومن لم يستطع فاليصم..

وكل اللي يجي من الله خير.. لا تعلمون قد يكون خير لبعض الشباب ان عسر الله عليهم الزواج.. وقد يكون امتحان وابتلاء ليتميز الصابر عمن اختار طريق الشيطان ليرضي رغباته..

تحيآآتي

[كفو وجاد]

المشاركة الأصلية كتبت بواسطة justice . صراحة شي مرة مو طيب .. وخلي كل من تشترط مهر مرتفع وتكاليف زيادة في بيت أهلها .. ويا محلى الزواج من برا .. ما يكلف كتير بالإضافة إنو تلاقي بنات أصيلات ربّات بيوت بمعنى الكلمة ويوقفوا مع أزواجهم في بداية حياتهم , هدا غير إنو فيه بعض التقاليد والعادات بتصير في الزواجات ما لها داعي .. مجرد تكاليف مُبَالَغ فيها على ضهر العريس ! والله المستعان . .صحيح اكثر الشباب عزفوا عن الزواج من اقاربهم لاني سألتهم كان ردهم الاقارب عقارب !!

المشاركة الأصلية كتبت بواسطة مايلي مد رجولك على قد الحافه يعني اذا الواحد على قد حاله لايدور بنات الناس المتشرطين ومااتوقع في ناس مئة الف الين ذحين الا المتحجرين ولا الاغلب مايتعدى الخمسين الف

الحين واحد صديقي الروح بالروح
زواجه قريب
يقول يايحيى صرت تجيني أحلام عن تكاليف الزواج مكسين دفتر معاه وآله حاسبة
من جد حالة يرثى لها وما يجي البيت يحط رأسه وينام من كثر التعب
ومن التكاليف صار عنده اكتئاب وباقي ما وصل على زوجته ؟؟!!
شاكر لك مرورك تحياتي العطرة