أبغى مشورتكمـ في هالقرآر .. لو تكرمتوا :) ..

[M!Šs JỏJỏ]

+1^^^ =)

[فتى تثليث]

ماجد...
اولاً:ابغاك تستهدي بالله..
ثانياً:انا والله ما اعرفك الا عن طريق هالمنتدى الطيب وباين عليك انك انسان محترم وعاقل..بس صدقني مسألت انك ما ارتحت وانك ناوي تحول جداً طبيعية وفيه طلاب كثيير غيرك مروا بهالتجربة وانا واحد منهم..
انا ما الومك..صح انكم انصدمتوا بكمية المعلومات والمحاضرات والدكاتره..وما رح اضحك عليكم سنة ثانية سنة ضغط دراسي ونفسي كمان..
ماجد اخوي ترى عادي جداً تحس انك ما فهمت شئ من البداية..بس صدقني البداية بكل شئ مو هينة..
ماجد اذا بتسمع شوري..كمل هالترم..اذا حسيت انك حبيت الطب وارتحت بالكلية وهذي اهم نقطة بغض النظر عن الدرجات والمعدل كمل والله يوفقك..اذا مررررره ما ارتحت حول الترم الثاني لكلية الهندسة...
شف القرار راجع لك اولاً واخراً..وترا ما رح يتعب في الاول والاخير الا انت..شف اللي يريك واللي تشوف نفسك فيه وتحس انك رح تبدع فيه..والله يوفقك..

[THE HILL]

د ماااجد o_o ليييش بتحول !!

ترا كلها وساوس وشي طبيعي ما ترتاح عادي يعدي اسبوع اسبوعين شهر بس والله بعدها حتتاقلمـ ،،

انا اول ما دخلت اول يوم والساعه 8 بدات الدكتوره تششرح o_O رجعت البيت وبدات اوسوس اقول انا غلطت ف اختياري مو هوا التخصص اللي يناسبني وماانمت وحااااله !!،،

وبالنسبه لعدد الساعات ومدري ايش لا تخليها عاائق قدامگ وانت ان شاًء الله قدهآ :/ فين حمااسك اول !!


انا انصحگ تستخير والله يقدملك اللي فيه خيير

وفكر .. نقول مثلا حولت الاسبوع هذا لهندسه
طيب فرضا ما ارتحت فيها ،،، مستحيل ترجع طب ،،

لكن لو درست سنه وشفت الوضع وما تاقلمت حول ساعتها هندسه ،، والهندسه فيها اترام صيفيه ،، يمديك تعوض وبسهوله حكاية ضياع سنه ع كلامگ:)<



زي ما قلتلك الكل اول اسبوع يحس بضيقه وتوتر وندم •• الزبده هذا شعور طبيعي ••

[JuStice]

.

وعليكم السلام ورحمة الله وبركاته ,

مرحبًا ماجد (:

ما زلت في البداية على الشاطئ لسا وتفكر تحوّل !

عمومًا , نصيحتي لك : كمّل إلى نهاية الأسبوع وإذا ما ناسبك الوضع حوّل .. والله يوفقك

.

[losfer]

بتتعب كثير لو كملت الترم والسنة بمثل هذي الأفكار
ومع كل عك أو صعوبة تواجهك وانتا بتذاكر بتلقى هالموضوع في بالك من جديد عشان كذا افضل لك تنهيه من بدري ولا تقعد معلق

خليك صريح كل الصراحة مع نفسك بعد ما تستخير وإن شاء الله بتعرف طريقك
إذا انت فعلا راغب وحاب تدرس طب من جد كل اللي عليك انك تدعس شويتين على نفسك وتحط في بالك ان هذا طريقك خلاص ما عندك غيره وباب الخيارات اتقفل وبتلقى انك بعد فترة تعودت
انتا تبغى الأفضل لنفسك والأفضل ما راح يجيك وانتا مرتاح

مواد الماث والفيزيا في التحضيري أبدا ماهي معيار او وسيلة للحكم على مستوى الدراسة في كلية الهندسة
ومحاضرات اليوم كمان ماهي وسيلة حكم على مستوى الدراسة في الكلية
أنا اشوف انك لو حولت بعد سنة أو أكثر بعد ما تكون جربت وعرفت بكل وضوح ايش المناسب لك حيكون افضل من انك تحول الآن ويبقى في نفسك شي لكلية الطب وما تقدر ترجعلها

يمكن انتا متحسس من موضوع ضياع السنة عشان التجربة اللي حصلتلك قبل كذا
اذا طول الله في اعمارنا بعد عشرين سنة قدام هل بتفرق معاك كثير لمن تتذكر انك اخذت البكالوريوس عام 1437أو 1438 ؟
النجاح في الحياة عمره ما ينحصر في النجاح الأكاديمي وبس
الله يكتبلك التوفيق ويسهل دربك سواءاً كملت أو حولت وإن كنت اتمنى تكمل المشور معانا .

[مدحدر]

د.ماجد
اتوقع فيه قاسم مشترك بيننا .. وأنت سيّد العارفين
كلنا ضاع من عمره سنه ، وطارت بالهواء .. لكن صدقني يا ماجد
لو تبي تفكر بهالطريقه وبهالاسلوب وتبي تحسبها على عديد السنين والساعات راح تتعب كثير صدقني
وكلنا مرينا بنفس التجربه وانت عارف كيف ان التجربه الي مرت علينا صعبه ، واتمنى ان ما احد يمر فيها
مو مهم متى تتخرج ؟؟
المهم : مين انت مابعد ماتتخرج ؟
واذا تبي تحسبها على التخصص والكليه !!
انا ما ادري اي عقل واي منطق .. يقبل انك تحكم على نفسك من اول محاضره او محاضرتين !!
مهما كان يا غالي ..
اذا تبي نصيحتي خذها واذا ماتبي .. حقك
لكن انا اقول كمل .. ولا توقف
وبعد ترم .. تعال وكلمني
انتظرك اذا الله اعطانا وعمر وعافيه بعد نهاية السمستمر لاتنسى :p
مغليك / مدحدر ..

[Dr.Passed]

دكتور

القيت كم نظره على الموضوع و كل ما اجي ابا ارود اخد وقت شويه افكر واحط نفسي محلك...لو كنت محلك محسيب الكليه....شوف قدي ايه يتمنو محلك وقدي ايه انتا تعبت عشان تاخد دا المحل...ما جا بسهوله

ما جا الا بعد سهر و تعب و غربه وحرق اعصاب...واحنا كلنا لازم الا في شي في حياتنا ربنا سخرنا لي...شي نقدر نبدع و نتوق في عشان نفيد غيرنا..انا اقولك احساسك دا اول يوم احساس طبيعي انا وصحباتي نفس الشي ...قاعده في الكلاس وكلي شويه مخي يشرود...مستغربه من كل شي...شي طبيعي...انتا لاتحط في بالك انك منتا متقبل وضعك الجديد او غير قادر لأنك إن شاء الله تقدر بس انتا محتاج وقت تتأقلم ...

الطب صح ضغط ومشوار وساعات بس احنا اخترنا دا المشوار....احنا اخترنا حياتنا كده..

بالله مو شي حلو انك تساعد المرضى و الضعفاء بإذن الله...تنقذ حياه شخص؟؟ تقوم في نص الليل عشان عندك مسؤوليه كبيره...عشان مريضك يرتاحلك وتحتوي و تشفي بإذن الله؟؟ مو حياه حلوه انو الواحد يختلط بالناس ويساعدهم ويدفع عنهم الألم ويرسم الإبتسامه فيهم؟ ما تحس انو كل التعب دا الي احنا نتعبو ولسا حنتعبو يستحق هادى النوع من الحب و الإهتمام الي حننشرو بهمتنا العاليه بين الناس؟؟ مو احساس حلو انك مسؤول عن مشاكل الكتير؟ بس مجرد فكره انو المرضى حتعتمد عليك و انتا حتسوي بوسعك انك تحسن حياتهم بإذن الله؟....انا كل ما أيأس افكر بكل الأفكار دي..

أنا انسانه امكن اكتر وحده ممكن احس بضغط و اقعد ابكي ايام الإمتحانات ويجيني اكتئاب و انهيارات و اعصب و تسير فيا البلاوي كلها...ايام الثنوي كنت كل يوم في الطوارئ بس خلاص شي و اتعايشت معا مو معنا انو الطب محيكون مشوار متعب وشاق جددددداااااا...بس انا عارفه التمره الكبيره الي حلاقيها بعدين...عشان كده مستعده اسوي اي حاجه عشان اعدي الطريق دا..

و انا اتمنى انك تفكر مليون مره قبل ماتفكر تحول..

هو قرار صعب...بس في النهايه كل شي نحققو في حياتنا يكون من الله ثم من ارادتنا..
لو حطيت لنفسك هدف خلاااااااااص!!

أنا و الله لو أقلك ماتصدق

خالي ماشاء الله اتخرج قريب من كليه الطب و الله كنت شايله همو كل دي السنين...دايما يلعب و يخروج و يقعد معانا كتيييير ولا كإنو ورا شي..كان ماخد راحتو على الأخر....ماشاء الله تبارك الله لا الاه الا الله اتخرج وشوفو ماشاء الله..بس هو منظم وقتو ومزاكرتو بطريقته و الله ما ضغط نفسو...اقلك ما اشوفو يزاكر ابدا بس ايام الإمتحانات مايرود على احد ويسحب على العالم كلها..يسك على نفسو الباب و يقعد يزاكر...انا ما بقلك قصر و لا تعب نفسك انا بس باقلك take it easy

من جد...لا تاخد الأمور كده بجديه...انتا ماشاء عندك لغه...غيرك ماعندو...ماشاء الله لا الاه الا الله ما دخلت طب الا عشان معدلك عالي...يعني ماشاء الله تقدر تنتج ازا تبغى ...ما عندك مشكله...


القلق و الهم دا الي انتا بتمر في دحين صدقني كلنا بنمر في بس ساكتين ....هي مجرد فتره كده المشاعر تجاه الجو الجديد ملخبطه و لسا منتا قادر تستوعب وتتأقلم بسرعه...



فكر في كل الكلام دا...كمان انتا ما تبغا تسيب الكليه و تحول وفجأه تقفل عينك و تفتحها تلاقي نفسك هندسه و تنفجع انتا كيف اخدت كده قرار....دايما اسوي زي كده في قرارات كتيره في حياتي و اتمنى ازا الزمن يعود الى الوراء..you have to know what you really want

انا اقلك على حاجه ...

جيب ورقه و اكتب اسباب رغبتك في الطب و اسباب رغبتك في الهندسه...وشوف ايت اسباب تقنعك اكتر و ثم استخير و استخير و استخير و اسأل امك ( قلب الأم يعرف و يشوف قدام سبحان الله..)

اتمنى انك تفكر مزبوط...مو من اول محاضره تشرود كده....شي طبيعي جدا...انا متأكده الكل حس بدا الإحساس ...عايدي طبيعي جدا


اتمنى اني اكون افدتك و اتمنى انتا تفكر مزبوط...انتا ماوصلت هنا بسهوله

[محمد الداود]

::
د مآآجد ..
( فعسى أن تكرَهوا شيئاَ ويجعلَ اللهُ فيه خَيراً كثيرا )
أسأل الله أن يرشدك لمآ هو خيرٌ وأنفع لـكـ ..

[اميره بضحكتي]

وعليكم السلام ورحمة الله وبركاته


اناراح انصحك بما اني طالبة من نفس دفعتك
نصيحه لا تسحب المشوار لسعى في اوله لا تستعجل
يكفي راحت سنه وانت متحسر عليها ( معني انا ما اشوفها ضاعة )
كل شي في البدايه راح يكون غريب لكن مع الوقت راح نتعود

دحين تلقى طلاب الهندسه يقولوا نفس الكلام

الشغله كلها مسألة تعود

وزي ما قالوا الاعضاء الي قبلي حفظ من غير فهم ما ينفع
وانت حاول تلقى لنفسك طرق تسليك وانت تداكر وتثبت المعلومات في راسك

حاول تشوف مقاطع في اليوتيوب ممكن تساعدك في الاناتومي
حتى احنا الي في علوم طبيه تطبيقيه عندنا اناتومي والله حتى انا شايله
هم هدي الماده بالمره بس ماراح اخليها تضيع حلمي ^^


اسفه على الاطاله ^^


واتمنى لك التوفيق وان شاء الله نشوفك دكتور كبير ^^

[Dя.βℓυε ₥αя[G]яiττα]

أعجبتني كلمة كتبتهآ وآحده من الأخوات

النجاح لايُقدم على طبق من فضة د.ماجد !

لمآ دخلت كلية الطب بعد تعب التحضيري قد ايش كنت فخور بنفسك ؟
ولمآ تتخرج بإذن الله قد ايش بتكون فخور بنفسك بعد التعب اللي وآجهته طوال مسيرتك ؟

دكتور مآجد ..
قوة الشخص تتحدد أمآم أمر وآحد فقط ..
موآجهة الصعآب ..
مو إنت الوحيد اللي تحس بكذآ .. يآما ناس بكو من هم وضغط الدراسه بالرغم من انهم كآنو ولا زالو الأفضل ..
وهذآ إن دلّ .. فـ بيدل على حرصهم على مسيرتهم التعليمية <3



وموضوع التحويل اذا قررت عليه ..
أنصحك ..
استخير ثم استخير ثم استخير ... ثم استشير <3
{ وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ }