سؤال عن أستاذة الأحياء

[Mirinoxd]

غيرتها لنفس سببك بالزبط
كان في يوم لوحدو وماحبيت اطلع كل يوم عشان ساعه وحدة بس
وغيرت رحت لسالينا صديق, سالينا طيبة لكن شرحها سريع مرا وبالانقليزي بس الحمدلله كنت استفيد منها واحلى حاجة انها هي بنفسها تبا تخلص بسرعه
وكانت المحاضرة ساعه ونص وهي كانت تخلصها في اقل من ساعه وتخرجنا
سويت بحث للشعب وشفت منى ماعندها الا شعبة وحدة بس الي هي انتو بس للأسف :(
استني لين تنزل اسماء كل الدكتورات وشوفي الدكتورة الي يناسبك وقتها وانقلي عندها او ممكن تتغير منى وتصير تدرس اكثر من شعبة

[Yasmina95]

المشاركة الأصلية كتبت بواسطة ranumg طيب استازه نيفين احياء كيف كويسة ولا لا =(

نيفين صحبتي تقول مرة مو كويسة

[Emiz]

المشاركة الأصلية كتبت بواسطة dr.mariam معالي تقرا .. طيوبة ك شخصية بس ك شرح ماحتستفيدي منها اي شي .. بالنسبة ليا مافتكر حضرلتها محاضرات الا بالبداية وبعدين سحبت عليها .. الجميل انها ماتحضر ولا تهتم مين يحضر ومين لا عادي .. تقدري تسحبي وتشوفي دكتورة تانية لو تحبي براحتك

ما عمرها حضّرت ؟ و الا كم مره بس و بعدها بطلت تحضّر ؟

و اي وحدة كمان درست عند معالي ياريت تجاوبني

[الفتاة الغامضة]

السلام عليكم ..
قصدكم دكتورة معالي المصرية !

[Dr.mariam]

ما عمرها حضّرت ؟ و الا كم مره بس و بعدها بطلت تحضّر ؟ و اي وحدة كمان درست عند معالي ياريت تجاوبني نقرتين لعرض الصورة في صفحة مستقلة

افتكر حضرت مرا وحدة بس بالبداية وبعدها خلاص

[Sahary]

ترا الاحياء ابدا ما يفرق مين يدرسك لانه حفظ! يعني مو زي كيميا و احصاء. بس إن شاء الله تكون كويسة.

[ArWaA Banabilah]

المشاركة الأصلية كتبت بواسطة mirinoxd غيرتها لنفس سببك بالزبط كان في يوم لوحدو وماحبيت اطلع كل يوم عشان ساعه وحدة بس وغيرت رحت لسالينا صديق, سالينا طيبة لكن شرحها سريع مرا وبالانقليزي بس الحمدلله كنت استفيد منها واحلى حاجة انها هي بنفسها تبا تخلص بسرعه وكانت المحاضرة ساعه ونص وهي كانت تخلصها في اقل من ساعه وتخرجنا سويت بحث للشعب وشفت منى ماعندها الا شعبة وحدة بس الي هي انتو بس للأسف :( استني لين تنزل اسماء كل الدكتورات وشوفي الدكتورة الي يناسبك وقتها وانقلي عندها او ممكن تتغير منى وتصير تدرس اكثر من شعبة

طيب عندي سؤال .. كيف تسوي بحث للشعب ؟؟

[sereeno]

طيب بنات مين تعرف د.الهام شفيق حقت كيمياء
أحس الاسم غريب وماحد جاب سيرتو أخاف يكون تدريسها سيئ وأورط خلاص جاتني عقدة من الي ما يعرفوا يشرحوا

[Positive]

طيب كيف اقدر أغير شعبتي
والله شايلة هم
دائماً يجوني استاذات مو كويسات :(

[Yasmina95]

بوسيتيف

زي ماقالت mirinoxd

تطبعي جدولك وتخلي الاستاذة حقتك توقع لك عليه انها موافقة عالنقل
و تروحي عند الأستاذة اللي تبي تنقلي عندها و توقع لك عليه
وتروحي للشؤون بعدها و يطبعوا لك عالورقة وياخدوها

و بكده صرتِ رسميا خلاص عند الدكتورة اللي تبيها :)

الشغلة بسيطة و سهلة ولا تخافي و تتوتري :)