بشأن اعتماد برنامج التشريح التقني والأنسجة

[خجل~]

بانتظار رد الجامعة على انسان راقي

[إنسان رايق]

شكراً لك د.عماد الحسن على اهتمامك وعلى توجيهك كما عهدناك محب للخير للكل جعلها الله في ميزان حسناتك والله يرزقك من حيث لاتحتسب [size="6"][/size]

[إنسان رايق]

كما وعدتكم في انتظار رد عميد كلية الطب وكان الرد كالتالي : فيه مخاطبات حالياً من القسم مع هيئة التخصصات وأخرها بداية رمضان وانه فيه لجنة بترسل بعد العيد بهذا الموضوع وان شاء الله نسعى في حل هذي المشكله طبعا انا ماطلعت معاه برد يبرد الخاطر مجرد وعود وان شاء الله يحقق الله المراااد هذا بالنسبه لعميد كلية الطب .
بعد كذا حاولت اتواصل مع د . محمد بادود لانه هو المسؤول عن هذا البرنامج وماقدرت بس اتصلت على د. سعد المحياوي وكان جداً متعاون وتنقاشنا بوضع البرنامج وتصنيفه وقال لي فيه مراسلات بهذا الخصوص في الايام الاخيره وفيه خطاب مفصل ارسل للهيئه وكتب معروض من شان تصحيح الوضع
وطرحت عليه فكرة اضافة تدريب للي تخرجوا بالمستشفيات واضافة التدريب من ضمن الخطة طبعا اعجب بالفكره وكان مؤيد لها وقلت له نبي نقرب وجهات النظر بين الهيئه وبين الجامعه قال ماعندنا مشكله احنا بنسوي اللي نقدر عليه من الناحيه هذي عادي وقال لي بعد العيد ان شاء الله تعالوا مكتبي وبنكلم د. بادود وبنجمع المراسلات القديمه وبنشوف توصيات الهيئه وبنحاول نوصل لحل .
هذا اخر المستجدات وسلامتكم ,,,
اللي علينا اللحين اننا نجتمع ونحدد متحدث بإسمنا ونتابع المعاملات ونشوف الهيئه ايش توصياتها ونحاول قد مانقدراننا ونوصل للتصنيف وهذا اللي نبيه .
اللي متواجد من الاخوان والاخوات بجده بعد العيد يكون التنسيق معاهم والله يكتب اللي فيه الخير ...

[طموحه وبس]

الله يسهل الامور
وبالنسبه للدكتور محمد باداؤد انا اقولك ماحتطلع منه بشي لان من وقت كنا ندرس واحنا نتكلم معاه ومعى رئيس البرنامج الاساسي د.حامد صالح (اساسا البرنامج باسمه بس بسبب انتقاله الى كليه طب رابغ تحول البرنامج للي بعده مركزا).
لكن برضنا مانبغى نيأس, واحنا موجودين بالخدمه

[jojaty]

الله يسهل اموركم
ويفرجها عليكم

[بسام قاروت]

الأخ إنسان رايق - أشكرك يا غالي على جهودك والله يجعلها في موزاين حسناتك ..
وأشكر جميع الإخوة والأخوات على جهودهم
واضح أن هناك من لايريد لهذا البرنامج أن ينجح ويأخذ مكانه بين التخصصات الصحية
وإلا فثلاثة أشهر كافية جدًا لتقييم هذا البرنامج وتطويره فما بالك بثلاث سنوات
على كل حال إن استمر الوضع كما هو عليه فدراسة هذا البرنامج اعتبرها ليست مجدية بحد ذاتها عمليًا
لكنه جسر لدراسة الدكتوراة وإكمال الدراساات العليا
وعلينا أولاً وأخيرًا أن نبتغي بدراستنا وجه الله جل وعلا قبل كل شيء، وأن نخلص له العلم والعمل ليوفقنا وييسر أمورنا
ولا بد أن نطرق بابه جل وعلا أولا ثم نطرق أبواب الوزارات والمسؤولين ولا نيأس وأن يجتهد كل واحدٍ منا على قدر استطاعته
وفقكم الله لكل خير

[إنسان رايق]

اشكرك اخوي بسام على المرور وان شاء الله نتقابل الترم الجاي واتشرف بمعرفة الناس اللي مثلك.
وعندي كم سؤوال بخصوص البرنامج وهي كالتالي :
اللحين اللي يدرس ماجستير تشريح العام هل هو مصنف من الهيئه ام لا ؟
السؤوال الثاني : الخطة الدراسيه حقت العام هي نفسها للخاص او لا ؟
السؤوال الثالث : جامعة الملك سعود فيها نفس البرنامج او لا ؟ وهل هو مصنف ام لا ؟
نبي نجمع المعلومات هذي ونسوي مقارنه عشان لو حصل ووافقوا على تعديل الخطه نبي نشوف وين النقص
وسلامتكم ...
وشاكر للجميع على المرور وياليت كل واحد فينا يستجد معاه شي يعلمنا والله ييسر اللي فيه الخير .

[إنسان رايق]

تكفووون لايرووح الحماس ومااشووف احد رد على اسئلتي
والى اللحين محتار انا ادرس البرنامج هذا واكمل اجرأت القبول ولا لا ؟
على الاقل نبي نعرف وضع الخريجين وايش صار معاهم

[خريج طموح]

الخلل في الجامعه والقسم ما احد كلف نفسه وراح للهئيه يتفاهم معهم تطنيشششش عيني عينك ،،، انا سنتين وانا اطارد الموضوع لما قابلت الامين العام للهئيه وقالي تحت الدراسه قبل ثلاثة اشهر وكلمت
محمد بادواد ود عبدالمنعم الحياني كم مره ولافيه فايدة كلمت اجتمعو الخرييجين السابقبن عند عميد الطب وعطاهم مواعيد وهميه
الهيئه مافهم ايش التخصص ،، اخر خطاب ووصل للجامعه يقولون الهيئه هذا البرنامج مايؤهل للعمل في قسم الباثوجي على بالهم احنا اطباء
التصنيف اللي مفروووووووض يصير اخصائي اول تشريح نسيجي ويعمل في قسم مختبرات الانسجه
شدو حيلكم سنتين وماطلع شيء معانا ،،، اضغطو على العمييييد سوى تجمعات اكتبو خطاب رسمي بالسرعه في التصنيف

[بسام قاروت]

أشكرك يا أخ (إنسان رايق) والشرف لنا بمعرفة أمثالكم
بالنسبة لسؤال عن توفر هذا التخصص في جامعة الملك سعود
بحثت ووجدت أنه متوفر باسم التشريح ( وليس التشريح التقني والأنسجة )

ويحصل الخريج على المسمى التالي

لكن لا أعلم عن وضع تخصصهم ، هل هو معترف به أم لا؟