دكتور عماد وكل الاعضاء انا في حيرة

[الدرهـ]

جوري انا جاءتني وظيفة تعليميه في سنين الاولى من التخرج تقريبا تعاقد محو الاميه ومارحت كانت بعيده عن مقر سكني طلع اسمي واسم زميلتي بنفس الدفعه هي راحت وانا لاا .. الحين ماشاء الله بنفس مقر سكننا جاءها
نقل الله يوفقها ..

اما انا بعد مارفضت جاءني فرصتين معلمه بديله في قريتين اقرب من االقريه الي تركتها الي جاءتني بس كانت (مؤقته ) اي الان لم اتوظف

وحتى الان تثبيت المعلمات البديلات لم يشملني ..

و الحمدلله على حال ..

[miss lulu]

استخيري أول شي

إمكن صح شغلك بعيد ومتعب

مين عارف بعد كدا تنقلي لجامعة الملك عبد العزيز ^_^

ومنها تكسبي خبره كمان

عندي قريب لي تخيلي ساكن في جده ودوامه في ينبع

مستوعبة كيف المشواااااااااااار

وكمان ناس كتير هنا ودوامهم في رابغ

انت شوفي الوضع معاك ارتحتي في الشغل كان بها ما ارتحتي سيبيه وربي ان شاء الله يعوضك بأحسن منها

وفعلاً زي ما قالتلك الاخت طموحه وبس والاخ بكالوريوس حاسب

وان شاء الله بعد كدا تقدمي على الماجستير وتنقبلي ^_^

اما الست الكبيره فله ربي يسعدها ههههههههه

بالتوفيق ،،

[جوري الحنونه]

ويسعدك يا الغالية تفرحني ردودوكم مرة .

[اكنان السعادة]

قسم بالله ان دموعي كادت تنزل بسبب هالعجوز والحليب الحليب حقها صحيح الناس باقي فيهم خير ,,,, استخيري
وبالتـــــــــــــــــــــــــــوفيـــــــــــــــ ــــــــــــق

[عماد الحسن]

ماشاء الل تبارك الله ،، مبروك عليكم القبول في الدبلوم والقبول في الوظيفة
كثرة الخير يجعل الإنسان محتار بينهم لكن الله يسهل لكم الأفضل ، أنصحك كما ذكر الاخوان بقبول الوظيفة والله يعينكم على المشوار كل يوم، أنا رحت قبل شهرين لمحافظة الكامل (في زيارة المشرفين التربويين لبعض المدارس) واتغديت فيها مع زملائي وشفت مبنى الجامعة عندهم وهو عبارة عن فيلا كبيرة وعدة مباني وجاري توسيعها في الفترة القادمة.

البلد حلوة وصغيرة وسكانها طيبين جداً وهم من قبيلة سليم المعروفة، وفي الأسبوع الأول راح تلاقي معاك عدد من الموظفات والطالبات يترددوا يومياً من جدة وممكن تتفقي معاهم، وبعد فترة بسيطة ممكن تقدمي نقل لجدة ولا تنسي إن عملك هناك مهم وهو في قسم القبول ومستقبله طيب إن شاء الله وبعدين راح تكوني واسطة لنا في جامعة الكامل، استخيري الله وقرري المناسب لكم والله يوفقك.

[سامر77]

ماشاالله تبارك الله
زمان في مثل يقول عصفور باليد احسن من عشرة علي الشجرة
والله يوفقك

[احلام يقظة]

في رأيي مشكلتك مش الحيرة بين الدراسة والوظيفة انتي معترضة أصلا عالمشوار البعيد وأمل التحويل في نظرك ضعيف لأنو العاطل عن العمل يرمي ملفه في كل مكان ولما يحصل تبدأ الحيرة ربنا يعينك ويوفقك ويكتب لك الخير يارب. قلبي معاكي.

[جوري الحنونه]

طيب يا اخوي عماد ولا يهون الاخوان ماهي مهام مشرفة القبول والتسجيل ؟