تخصص الفيزياء ..محتاجه مساعدتكم وخبرتكـم

[ريم جده]

المشاركة الأصلية كتبت بواسطة طيبة المدينة ارجو المساعدة: لكل طلاب وطالبات الفيزياء الي عنده معامل الفيزياء لجميع السنوات الرجاء وضعها في المنتدى لتحميلها لاني والله في حاجه لها لوظيفة فنية مختبر حيث يكون القبول بناء على اتقان المعامل ودخول اختبار للمعامل؟

أختي .. حطي طلبك في موضوع جديد عشآن الكل ينتبه لك وممكن يسآعدك ..
بالتوفيق ^ ^

[LeLou]

و عليكم السلام و رحمة الله و بركاته..

أول حاجة مبروك تخرجك من التحضيري << فين الفيس اللي يحتفل؟؟..

ثاني حاجة..
أنا و بصراحة تااامة راح أكون صريحة معاكِ و أقول لك كل شي في بالي عن قسمنا المصون ..

أول حاجة: التخصص حقيقة مو صعب بس مو سهل..

ثاني شي: طبعًا في ناس بتتخرح بمعدل واطي و بتحول و بترسب كثير..
لكن السبب الحقيقي إللي راح تعرفيه لما تتخصصي هو أنه فعلا و حقيقة التخصص مو سهل أبدًا..
و لكن التخصص مو مشترط نسبة على اعتبار أنه مافي طلب عليه..
و راح تلاحظي الدفعات كلها قليلة و أحيانًا أقل من 20..
فعشان كذا الناس بتستسهل و تدخله و هي بصراحة و مع احترامي الشديد غير مؤهلة و قدراتها لا تؤهل لتخصص دقيق و معقد زي الفيزياء ..
فــ شي طبيعي أنهم راح يرسبوا و يحولوا و إن كملوا و اتخرجوا راح تكون معدلاتهم واطية و أحيانا تكون واطية من الأساس،، يعني من التحضيري معدلاتهم أقل من 3..

ثالث حاجة: حقيقة القسم مكركب جدًا و يجيب الهم بس التخصص جدًا رائع و لو تحبيه لا تحطي الموضوع دا عقبة أو حجة لك أبدًا..
لكني قلته من باب العلم بالشيء..

رابع حاجة: بالنسبة للوظيفة..
زي ما قلت القسم دا فيه عجز في عدد الخرجين خصوصًا المتفوقين..
و فيه عجز في الدكاترة و المعيدات..
و القسم دا عمومًا اللي بيتخصصوه كثير في كل دول العالم مش بس هنا..
فإذا إنتِ ناوية تشدي حيلك و تتخرجي بتفوق بإذن الله تضمني وظيفة المعيدة لأنه عندنا عجز فتاااك..
و أولا و أخيرًا الوظيفة بيد رب العالمين فلا تشيلي هم دا الموضوع كثير..

حاجة أخيرة// برضو عشان أكون صريحة معاكِ احنا المواد إللي بندرسها ما تكفي انها تطلع طالب متخرج من بكالوريوس فيزيكس..
في مواد اختيارية المفروض تكون اجبارية،، و مواااد غير موجودة من الأساس حتى كمواد اختيارية ..
زي تقنية النانو مثلا و الفيزياء الفلكية،، هذي المواد المفروض تنحط مواد اختيارية و غير موجودة..
فعمومًا النقطة إللي أبغى أوصل لك هي لو تبغي تعملي حاجة في الفيزيكس لا تعتمدي بس على إللي بتدرسية في الجامعة،، لازم تقري كتب و تشوفي مراجع و تقوي ثقافتك..

أتمنى ما أكون قلت لك حاجة تحطم بس أنا قلت لك الحقيقة إللي أنا شايفتها..
لكن التخصص بجد رائع و أنا أعشقه بشكل ما تتخيليه،، فلو تحبي التخصص اتوكلي على ربنا..
و أولا و أخيرًا أنا أنصحك بالاستخارة و الاستخارة ثم الاستخارة..
و أخلصي النية لربنا و بإذن الله هو يكتب لك إللي فيه الخير..

و عمومًا أنا راح أرفق لك في الخطة الدراسية و توصيف المقررات عشان تعرفي احنا بندرس أيه..
بس الخطة فيها غلط إللي هو أنه Math 202 ثلاثة وحدات دراسية مو أربعة..
و في مادة ناقصة إللي هي أمن و سلامة مختبرات Chem 200..

و بالتوفيق يا عسل و أي استفسار عندك ما يردك إلا لسانك ^^..
و أعتذر على الإطالة||~

[Optimistic Sona]

.
.


LeLou
شكررًا كبيرة لك
صح مو أنا منزلة الموضوع بس كان نفسي أحد يحطنا في الصورة
نعرف سلبيات وإيجابيات القسم ، من ناحية انو مكركب ويجيب الهم
توقعت هذا الشي ولا ما كانت سمعة القسم بطالة كدا =(

الله يكتبلنا اللي فيه الخير =)

[LeLou]

^
^

شوفي هو المشكلة أنه مافي اهتمام..
لكن سمعته البطالة أحسها في جهة و السبب في جهة أخرى..
يعني هو ماخذ سمعة بطالة مو بسبب الشي البطال الحقيقي اللي فيه..

عمومًا هو التخصص حلو و لو من جد تبغي تبدعي فيه دا الشي المفروض ما يكون عقبة بالنسبة لك..
أنا أحبه و أحس أنه لأني أحبه المفروض أنه أنا إللي أبحث من غير ما أستنى شي من القسم..

عمومًا ربنا يكتب لكم إللي فيه الخير||~

[Optimistic Sona]

^


اممم معاكِ حق ، بالتوفيق للجميع =)

[dreamy g!rl]

LeLou

فعععلاً تسلمي على ردك الاكثر من وافـي ..

من زمان حابه اشوف زي كذا رد شامل ويجاوبلي على كل اسئلتي

انشغلت بالاجازة ونسيت الموضوع وتوني افتكر .. بصراحه اسعدتيني بطرحكـ

حبيت فيكي الصراحه والحياديه ..أخذت فكرة واضحة بدون أي تزييف ..لا زياده ولا نقصان

وبخصوص انه القسم مو مرتب .. فعلاً اتمنى انهم يهتموا فيه اكثر ورح يشوفوا الاقبال ..

برضو لو القسم ينتبه لحكاية المواد الي قلتي عليها انا من زمان مطلعه على الخطة وصحيح كلامك

النانو جدا مهم انه ناخذه كماده على الاقل كماده اختيارية

وفيه كثير اشياء غيره المفروض يركزوا عليها



برضو حكايه التدريب ..اتمنى انه يزيدوا التدريب لانه هذا الي رح يساعدنا في مابعد التخرج وحتى

لايكون حجة على عدم توظيفنا بحكم انه ماعندنا خبرة كافيه في التدريب

>> هذا الكلام ينطبق برضو على جميع تخصصات العلوم الاخرى

ومن ناحيه الاستخارة .. انا حاطة هالشي في بالي واستخرت

ورح استخير ثاني وثالث لما احس باطمئنان وانشراح للتخصص المناسب بإذن الله


مرة ثانيه اشكرك وكل من اتحفني بأي معلومه او تشجيع هنا .. فعلا تسلموا كلكـم

واتمنى من باقي الطلاب والطالبات المشاركة وطرح رأيهم ورح اكون جدا ممتنة


موفقيــن كلكـم واستمتعوا بما تبقى من الاجـازة

[LeLou]

المشاركة الأصلية كتبت بواسطة dreamy g!rl lelou فعععلاً تسلمي على ردك الاكثر من وافـي .. من زمان حابه اشوف زي كذا رد شامل ويجاوبلي على كل اسئلتي انشغلت بالاجازة ونسيت الموضوع وتوني افتكر .. بصراحه اسعدتيني بطرحكـ حبيت فيكي الصراحه والحياديه ..أخذت فكرة واضحة بدون أي تزييف ..لا زياده ولا نقصان وبخصوص انه القسم مو مرتب .. فعلاً اتمنى انهم يهتموا فيه اكثر ورح يشوفوا الاقبال .. برضو لو القسم ينتبه لحكاية المواد الي قلتي عليها انا من زمان مطلعه على الخطة وصحيح كلامك النانو جدا مهم انه ناخذه كماده على الاقل كماده اختيارية وفيه كثير اشياء غيره المفروض يركزوا عليها

العفو يا عزيزتي،، ما عملنا حاجة ..
خخخخ هما ترى حتى لو اهتموا الناس عندها كلمة الفيزياء فيليم مرعب..
كل ما قلت لأحد فيزياء وجهه انقلب كانه شاف كائن فضائي ..
\\
//
أصلا في غير المواد هذي كثير ناقصة،، و مواد المفروض تكون متطلبة لمواد و هما مو حاطينها متطلب..
عادمين الخطة الصحة و العافية ..
الله يعين بس...
لكن نصيحتي لك لو بالفعل راح تتخصصي فيزيكس قبل لا تاخذي المادة اسألي الدكتورة أيش المواد إللي لازم تاخذيها قبلها لأنه زي ما قلت لك ممك تكون في مادة مو حاطينها متطلب..
و اسألي عن المواد الاختيارية أيش اللي راح ينفعك و بجد مهم لأنه في مواد مالها داعي..

برضو حكايه التدريب ..اتمنى انه يزيدوا التدريب لانه هذا الي رح يساعدنا في مابعد التخرج وحتى لايكون حجة على عدم توظيفنا بحكم انه ماعندنا خبرة كافيه في التدريب >> هذا الكلام ينطبق برضو على جميع تخصصات العلوم الاخرى

أممممم،، في تدريب ميداني و في تدريب تعليم الفيزياء هذا مادة اختيارية..
و أظن فيما أظن انك إنتي تقدري تطلبي تدريب في مستشفى بس مو متأكدة..

ومن ناحيه الاستخارة .. انا حاطة هالشي في بالي واستخرت ورح استخير ثاني وثالث لما احس باطمئنان وانشراح للتخصص المناسب بإذن الله مرة ثانيه اشكرك وكل من اتحفني بأي معلومه او تشجيع هنا .. فعلا تسلموا كلكـم واتمنى من باقي الطلاب والطالبات المشاركة وطرح رأيهم ورح اكون جدا ممتنة موفقيــن كلكـم واستمتعوا بما تبقى من الاجـازة

ربنا يوفقك يا عسل و يسهل لك إللي فيه الخير||~

[dreamy g!rl]

المشاركة الأصلية كتبت بواسطة lelou العفو يا عزيزتي،، ما عملنا حاجة .. خخخخ هما ترى حتى لو اهتموا الناس عندها كلمة الفيزياء فيليم مرعب.. كل ما قلت لأحد فيزياء وجهه انقلب كانه شاف كائن فضائي .. \\ // معك حـق .. انا من الان لما اقول ابي اتخصص فيزياء الكل يناظرني كأني اتجننت هههـ أصلا في غير المواد هذي كثير ناقصة،، و مواد المفروض تكون متطلبة لمواد و هما مو حاطينها متطلب.. عادمين الخطة الصحة و العافية .. الله يعين بس... لكن نصيحتي لك لو بالفعل راح تتخصصي فيزيكس قبل لا تاخذي المادة اسألي الدكتورة أيش المواد إللي لازم تاخذيها قبلها لأنه زي ما قلت لك ممك تكون في مادة مو حاطينها متطلب.. و اسألي عن المواد الاختيارية أيش اللي راح ينفعك و بجد مهم لأنه في مواد مالها داعي.. امممم , انا كنت شايلة هم من هالناحية .. ان شاء الله اسأل ولا توهقت الي هنا بالمنتدى مايقصرووون >> تسليـك من الحين أممممم،، في تدريب ميداني و في تدريب تعليم الفيزياء هذا مادة اختيارية.. و أظن فيما أظن انك إنتي تقدري تطلبي تدريب في مستشفى بس مو متأكدة.. ايوا انا كان قصدي على التدريب الميداني .. سمعت انه 6 اسابيع وبنظري هذي مو كافيه حتى نكون مستعدين كفاية وخصوصا في الوظايف الي يحتاجلها تدريب اكثر ربنا يوفقك يا عسل و يسهل لك إللي فيه الخير||~

آآآآآمين وياكي يا الغالية ومشكوووورة على تجاوبكـ ..

[Optimistic Sona]

^


حتى أنا لما أقول فيزياء يحسسوني إني شي عجيب
وبعضهم يقولولي ترا اللي يخش فيزياء يصير مجنون خخخخ
يالله ان شاء الله احنا نكون وجه خير ع القسم ويتعدل <اهم شي الثقة خخ


دريمي إذا رسيتي ع الفيزيكس خلينا نتواصل

[dreamy g!rl]

^^

ان شاء الله اكيييييد

ومبرووووك على التسكين اخيراً تسكنا على خيــر >> ماشاء الله كلللنا بنفس الكلية ههههـ

موفقهـ يآآرب والله يوجهنـا للتخصص الانسب لنـا