هنا تجد جميع ما يخص الدورات التأهليه لجميع المستويات (طالبات)الفصل الثاني 1429/1430هـ

[lovely aroma]

فرنسي
مع دكتورة ماثرsyntax
مع دكتورة خولة applied
seminar
سمانتكس
practicum462

لكن المحاضرات ما حضرت غر مرتين بس استفدت كتير من المرتين دي ان شاء الله الاسبوع هذا والجاي ناوية احضر كل المواد واي شي احسه مفيد بحطه هنا

[lovely aroma]

بالنسبة للسنتاكس موقع الدكتورة ماثر

www.kau.edu.sa/mmalrawi
تروحو على cv


Courses:


LANE 334 : Externals-Syntax
هناك تنزلنا المنهج وكل شي يعتمد على الورق اللي تحطو يعني مع دكتورة ماثر ما نشتري كتب نذاكر الورق ونحفضه ونفهم طريقة الدياقرام وبس يعني سهلة على الرغم اني ما حب طريقة الاوراق هذ لانها كلها اختصارات وانا احب الشرح الكثير الاختصارات تلخبطني شوية
المحاضرة اللي حضرتها معاها اتكلمت عن form vs. function

مثلا

the dog chased te cat
the dog =np
chased=v
the cat=np
دا هو form

بالنسبة لنفس الجملة من ناحية الfunction
the dog chased the cat
the dog=s
chased=p(PRIDECIATOR
the cat=o


-------------------------------------------------------------
كمان اتكلمت عن تصنيف الكلام يعني نجي مثلا للفاعل في الجملة اي كلمة نقدر نستبدل بيها الفاعل وتطلع صحيحة في الجملة تجي في نفس التصنيف حتى في الديتيرمنرز
when ever we can replace the word by another one thet means they
come under the same category
the dog
his dog
my dog
a dog
joens dog
your dog
the,his,my,a,your,joens كلهم det حتى جونز يجي هنا تحت نفس التصنيف حتى لو هو اسم عادي
الاسم ممكن يصنف على انه ديتيرمنر في هذي الحالة
-------------------------------------------
كمان اتكلمت على phrase structure rules
np+vp=s
det+n=np
v+np=vp
--------------------------------------
افضل طريقة مع دكتورة ماثر انه تكتبي نوتس في المحاضرة بعدين تضيفيها على الورق اللي تعطينا هو قبل لا تنسيها هع هع لانه لو نسيتيها الورق بينسيكي زياادة عشان كذا انا حسئل البنات على الاشياء اللي فاتتني واكتبها قبل لا تطير
-------------------------------------------------
التدريب العملي1 مع دكتورة سوزان
تبغى cv
ويقولو انه الترم اللي راح جابت في الاختبار اسئلة عن السي في فالي ما سوتها بنفسها ما جاوبت هع هع ما اادري منجد والا مو منجد بس لازم نشتغل بامانة على امل انه ننجح
انا عندي وحدة جاهزة بس البنات قالو ما ينفع هي طريقتها اللي تبغاها مختلفة
وتبغى طبعا برنتيشن
وتبغى ترجمة قصة قصيرة اقل شي 4 صفحات
اللي قد اخذت دي المادة ياريت تفيدنا لانه عندي رعب مستطير منها
--------------------------------------------------
الابلايد
يا سلام على دكتورة خولة تجنن حبيتها بس المادة حفظ لكن ي ما قالتلنا قالت اول ماتروحو وانتو لسة فاكرين اش قلت اشرو على كتابكم واكتبو ملاحظات انا على ايش ركزت لانه بعد فترة الواحد ينسى والاشياء اللي ركزت عليها هي اللي تجي في الاختبار
انا فاتتني محاضرة ندمت عليها ندممممممممممممممممممم
مررررررررررررررررررررة مهم نحضر معاها ونكتب اللي بتقوله حتى لو كان شي تافه لانه لاحظت انها كل شوية ترجع لنقطة تكون ذكرتها وانا ما اعطيتها اهتمام
بس انا متفائلة مرة من ناحية دي المادة لانه اذا قرات في البيت واشرت على المهم والي ركزت عليه الدكتورة وقت الاختبار بتكون مجرد مراجعة
--------------------------------------

[داانه]

ماشالله عليكي Lovely

الله يعطيك العافيه يارب

خليني أكمل من بعدك

وأبدأ بالسمينار

الشبترزاللي معانا من 1 الي 12 وشبتر 5 مو معانا
قالت الدكتوره الأسئله حتكون

1/ اختيار من متعدد
2/ فراغات
3/ 2 او 3 مقالي


وعندنا شبتر 6 و 7 و8 و 9 تقريبا فيه امثله كثير للفهم,,,>>just read it
بس طبعا مو كل الشبتر فيه جزئيات مهمه

دا بالنسبه للسمبنار



الأبلايد:

لافلي كفت ووفت

بس أقدر أضيف جزئيه بسيطه

شدوووو حييلكم بهادي الماده

الأسئله دسمه شوي

متنوووعه بس نصيب الأسد من الأسئله المقاليه

الفصل الأول مهم لانو القاعده الاساسيه اللي من خلالها حتفهمي المدارس التلاته اللي بنيت النظريات على أساسها

والشبترين الأخيره مهمممممممممه لانو الدكتورة جابت أغلب الاسئله منها

>كلام الطالبات الي اخدو الماده

*

السيييره النبويه ياريت اللي حضرت تفيدنا




النقد

كمان ما حضرت

بس عالعمووم

اسئله دكتورة سهام مقاااليه

يعني حطي يدك في الاختبار ولا تسيبيها الين يسحبو منك الورقه

الله يعين الجميييييع يارب



وأخيرا

الأدب الحديث حرتب أفكاري فيه

لانو دي الماده الوحيده اللي حاسه اني لسى مشتتة الذهن فيها

[lovely aroma]

مرة افدتيني في السيمنار يا دانة شكككككرا لانه ماني عارفة اش عندنا ولا حضرت لسة
النقد انا اخدته الترم اللي راح كنت عاملة لنفسي دفتر كتبت فيه كل الاسئلة المهمة ذاكرت كل شي كل شي من قبل الاختبار باسبوع بس اليوم اللي قبل الاختبار سبت كل شي ومسكت الدفتر وجات الاسئلة شبه مطابقة للي اعتمدتها في المذاكرة الحمدلله باختصار اهم الاسئلة الي ذاكرتها كانت
why plato banished poets out of the republic?
"all poetical imitation are ruinous to the understanding of the hearers"explane
what is the name of plato's philosophy?explane
what is the mimatic thory?
دي اهم اسئلة بلاتو المقالية
-----------------------------


دحين سدني
kinds of poetry to sidny??
the four charges that sidny defended against poetry??
the 8 subdivision of pure poetry according to sidny??
poen-vates-poets explane
دا السؤال حتقولي ايش قال سدني عن دي الثلاثة المصطلحات واش معناها وكذا يعني
contrast between history and poetry and philosophy?
دحين دور ارستوتل واهم اسئلته هي
kinds of poetry to aristotle
according to aristotle,what are the important characteristics for tragedy?
دا السؤال اجابته طوييييييييييييلة لو ذاكرتيه ما تحتاجي تذاكري كل عنصر لوحده وممكن يجي سؤال عن البلوت لوحده ممكن يجي عن الكاراكترز ممكن السبيكتاكل او الكوروس وكذا يعني سؤال شامل
the difference between the historians and he poets?
the definition of tragedy?
catharsis in greek?or what does he mean by purgation or catharsis
why did aristotle focuse o tragedy rather han epic?
what are the 4 quaniive parts of tragedy?
the difference between tragedy and epic
what are the moods o imitation?
---------------------------
لونجاينوس
what is the most ignoble fault?
the 3 ignoble fault/the 3 vices/faults /defects that militates against sublimity?
what r the 2 essential things to any critical treatise?
sublime part genius part art ,explane غالب الاسئلة زي كذا
is there any art which can teach sublimity?
define sublimity
what is the true sublime
what is the amplification?
what makes sublimity of style?
the five sources of sublimity?
------------------
درايدن
dryden's main concern
the essay settles into 6 set speaches arranged in 3 pairs,explane
the 3 unities 1st talked about by ancients ....
درايدن يبغاله ينمسك الورق ويتذاكر يومين عشان هو حفظ طشني صراحة لانه ما اعرف احفظ
-----------------
كولوريدج
the 2 essential things of poetry
typs or sorts of poetry o nature
كمان الفرق بينه وبين وردسورث
دا اللي عندي هنا الباقي ضاع تذروه الرياح هع هع
اهم شي عند دكتورة سهام انك تكتبي اسم الكاتب واسم الكتاب تحته خط في المقدمة وتجاوبي اجابة مرتبة
اللي يضيع الدرجات معاها ولاسف عرفت المعلومة دي بعد الاختبار انه هي تبغا لمن تكتبي اسي تكون منجد اسي يعني مقدمة تحطي فيها اسم الكات الكتاب وز ماتقولي ثيم يعني النقطة الاساسية ي اجابتك بعدين البودي تشرحي فيه الاجابة بعدين خاتمة وانا ما كنت ادري كنت اجاوب زي العصف الذهني اللي يجي على صفحة مخي ارميه على صفحة الاختبار هههههههههه اصلا ماكان في وقت انمق اجاباتي ركة اني حليت

[داانه]

العفووووووو لافلي

وتشكري على افادتك بالنقد

[lovely aroma]

وييييييييي شكله ما في احد غيرنا انتساب انا ودانة بس اللي انتساب كل الزحمة الي في الجامعة كانو يتمشو شكلهم ههههههههههههههههههه
ما شاء الله الشباب يساعدو بعض ويحطو اش اخدو تلاقيهم مع بعض دايما بس البنات لاء
تعالو اش دا اثبتو العكس

/ّ(>_<)ّ\

[داانه]

اي والله من جد
احس انو نتكلم مع بعض ولا احد داري عننا
بس لسى فيه امل
امكن البنات لسى يجمعو

نأمل ذلك
المووهم
كيفك لافلي ان شاء الله معنوياتك مرتفعه

خلينا نتكلم شوي عن الأدب الحديث

Drama>>Arms and The man
novel>passage to India
Poem>Sailing to byzantium and The desert Places
short story>The story of an hour

دا اللي الى الأن اتكلم عنهم الدكتوور

الثيم مهم بكل وحده منهم لانو هوا افتتاحيه الاجابه على اي سؤال

ارمز اند ذا مان مهم الكوتيشن

سؤال الكوتيشن (quotation)
يطلب فيه غالبا

who said_to whom-the meaning or the theme

وطبعا ارجعوا لموقع سبارك نوتس عشان يساعدكم

اييوه الملزمه تبع دكتور احسان تلاقوها بمكتبه دا الاصلاح

الملزمه ككتاب مساعد ومافيها القصص

ووو..

دمتم ســــــــــــــــالمين

[lana]

lovely aroma و داانه
الله يعطيكم العافية ويجزيكم كل خير
يابختكم اتمنى احضر الدورات واستفيد وافيد لكن للاسف ضروفي ماتسمح :( بس بحاول على اخر يومين بالدورة

[][_ غــــــيــــــر _ ][]

السلام عليكم ورحمة الله وبركاته ..
بداية الله يعطيك العافية وتم اضافة رابط لـ موضوعك في ملتقى المنتسبين بـ موضوع :-

جميع المواضيع والملاحظات الـمـمـيـزة للدورات التأهيلية " الفصل الثاني .."
" دمــــــــ ـ تم بــــــــــــ ـود "

[مايا]

السلام عليكم ..
شكرا لكم اخواتي على ما قدمتوه ... ربي يسهل عليكم ويوفقكم مثل ما تيسروا وتسهلوا علينا ..
بالنسبة لي ما اقدر احضر الدورة ..لاني من خارج جده ..
هذه المواد الي عندي..
Lane 332 01 الصوتيات s.m.w.. 18.00 19.10 .12 1207
lane 333 01 الصرف s.m.w.. 19.30 20.40 .12 1207
lane 334 01 النحو s.m.w.. 15.00 16.10 .12 1207
lane 341 01 مقدمة في الادب . S.t... 15.00 16.50 .12 1206

احضرت الكتب .. وابغى اعرف منكم الفصول اللي معنا من كل كتاب ..
واذا فيه ملخصات او اوراق اضافيه..!

اختي لافلي شكرا بالنسبه لمادة السنتكس ..وننتظر البقية