كل ماتريد معرفته عن قسم كلية الاقتصاد المنزلي (تغذية) سؤال ،، وجواب مع cinnabon

[rnd]

و عليكم السلام و رحمة الله و بركاته ...

سؤالي :

لو تخرجنا من ( بكالريوس ) التغذيه مارح نطلع أخصائيين تغذيه ..

و لو أخذنا (ماجستير) تغذيه .. نطلع فنية تغذيه ..


هذا الكلام سمعته من البنات اللي متخصصات تغذيه ..

هل هذا الكلام صحيح ولا لا ..؟

لأنه في دكتورة عندنا لمن أخذنا ( مدخل الى الاقتصاد المنزلي ) قالتلنا انه اذا أخذتوا ماجستير تغذيه تطلعوا (أخصائية تغذيه ) ..

يعني ممكن تشتغلي بمستشفى أو عياده زي كذا ..

أتمنى تفيديني أي كلام هو الصح ؟


و مشكوووورة مقدمـاً ..

:)

هذ

[cinnabon]

المشاركة الأصلية كتبت بواسطة rnd و عليكم السلام و رحمة الله و بركاته ... سؤالي : لو تخرجنا من ( بكالريوس ) التغذيه مارح نطلع أخصائيين تغذيه .. و لو أخذنا (ماجستير) تغذيه .. نطلع فنية تغذيه .. هذا الكلام سمعته من البنات اللي متخصصات تغذيه .. هل هذا الكلام صحيح ولا لا ..؟ لأنه في دكتورة عندنا لمن أخذنا ( مدخل الى الاقتصاد المنزلي ) قالتلنا انه اذا أخذتوا ماجستير تغذيه تطلعوا (أخصائية تغذيه ) .. يعني ممكن تشتغلي بمستشفى أو عياده زي كذا .. أتمنى تفيديني أي كلام هو الصح ؟ و مشكوووورة مقدمـاً .. :) هذ

هلا اختي

ايوا صح لما حنتخرج من بكالوريوس التغذية محنطلع أخصائيين تغذية وانو نطلع فنيين

وعشان تطلعي أخصائية تغذية لازم تاخدي الماستر

[memestudent]

السلام عليكم
لو سمحتي ممكن تقوليلي الفرق بين التغذية في الاقتصاد المنزلي والتغذية الاكلينيكية اللي في التقنية الطبية وشكرا

[cinnabon]

المشاركة الأصلية كتبت بواسطة memestudent السلام عليكم لو سمحتي ممكن تقوليلي الفرق بين التغذية في الاقتصاد المنزلي والتغذية الاكلينيكية اللي في التقنية الطبية وشكرا

هلا أختي وعليكم السلام

بالنسبة للفرق مهو كتير لأنك لو طالعتي خطط الاتنين بتلاقي اغلبية المواد زي بعضها

بس اللهم انو بتكون الدراسة في التغذية الاكلينيكية بالانجليزي ويدربوا اكتر ويتخرجوا اخصائيين تغذية

أما التغذية في الاقتصاد المنزلي بيدرسوا موادهم اغلبو بالعربي مع انجليزي ويدربوا اخر الترم بس يومين في الاسبوع ويتخرجوا فنيين تغذية

[SeNyoOrEtta]

السلام عليكم .. مشكورينـ وجزاكم الله خير ..

سؤالي هل الاقتصاد المنزلي للعلمي بس تصميم وتغذيهـ ؟؟

ومعليه اذا السؤال ماله داااعي .. !!

[cinnabon]

المشاركة الأصلية كتبت بواسطة senyooretta السلام عليكم .. مشكورينـ وجزاكم الله خير .. سؤالي هل الاقتصاد المنزلي للعلمي بس تصميم وتغذيهـ ؟؟ ومعليه اذا السؤال ماله داااعي .. !!

هلا وعليكم سلام

ايوا بس للمسار العلمي

[ساكنه في بيتنا]

المشاركة الأصلية كتبت بواسطة senyooretta السلام عليكم .. مشكورينـ وجزاكم الله خير .. سؤالي هل الاقتصاد المنزلي للعلمي بس تصميم وتغذيهـ ؟؟ ومعليه اذا السؤال ماله داااعي .. !!

وعليكم السلام و رحمه الله و ربركاته .. اسمحيلي ارد عنك سينبون

$ الغذاء و التغذية .
$ نسيج و ملابس .
$ مسار تصميم داخلي .

دي هيا تخصصات القسم العلمي للاقتصاد المنزلي ..

[cinnabon]

المشاركة الأصلية كتبت بواسطة ساكنه في بيتنا وعليكم السلام و رحمه الله و ربركاته .. اسمحيلي ارد عنك سينبون $ الغذاء و التغذية . $ نسيج و ملابس . $ مسار تصميم داخلي . دي هيا تخصصات القسم العلمي للاقتصاد المنزلي ..

خدي راحتك اختي ساكنة في بيتنا

برضو نحنا نحتاج خبرتك ازا كنا غافلين عنها

[3boOorh]

اختي ابي اسالك كم سوال ضروري واتمنا منك الاجابه ع اسالتي اول شي انو انا طالبه متخرجه بشهاده علمي وونسبتي مرررره حلوه ما شاء الله بس دخلت ادبي وانا الحين سنه تحضيريه ومعدلي الترم الاول حلو والله يسهل الترم الثاني بس ماني عارفه اش اتخصص وانا نفسي موووت في اني اكون اخصائيه تغذيه وشفت الردود وشفت انوا في امل اني اكون اخصائيه تغذيه وعادي ما عندي مشكله باخذ الماستر وحتى لو بره بس كم عدد السنوات يعني مره حطول و ابي اعرف لو بسافر بعدين حيكون ع حسابي ولااقدر بعثه اذا جبت معدل حلو ان شاء الله وحيكون له مستقبل بعدين زي الي يتخرج من الكليه التقنيه الطبيه .....وهل اقدر اكون في ذي كليه التقنيه دحين من غير ما اسحب يعني اتخصص فيه ولا احول بس ما اسحب لاني قبل كذا سحبت من العلمي والدراسه في كليه التقنيه سهله ولا صعبه وكلها انجليزي ولا لا .... وابي اعرف اش ممكن يكون الاسهل ولاحسن ولاضمن ولامثل ههههه بين كليه التقنيه الطبيه ولا الطريقه الي حسويها وكم سنوات الدراسه وكم ممكن يكون الدخل اذا اتوظفت باذن الله يعني بختصار ابي اعرف الطرق الي ممكن اكون فيها اخصائيه تغذيه وانا ادبي الحين من غير ما احول ويكون اضمن واحسن والله العظيم حوسه ...واتمنا الرد سريعا في انتظارك وجزاك الله الف الف خير

[DANiA]

انا خريجة تغذية اتخرجت الترم دا,
صح زي ماقالو نعتبر فنيات..
لا كن كملو دراستكم وبالتوفيق سواء تغذية ولا فنون ... :)