][ الإعتـراض على نظـآم مُحاضـرات السنتـرآ | لنجد الحل هُنـآ | ][

[ليـنا]

انا لســـه داخله على المحــــاضررات المسجله الي يقولو فيها

وفي محاضرات مهي مووجووده


مثل محاضرات علم نفس جنائي مهي موجوودة ابدا


ومحاضرة علم نفس نموو موجود منها محاضرة واحده فقط لاغير


النظااااام هادا الي اخترعووه لازم يتراجعوو فيه لأن العقل لايقبل به


قال خميس وجمعه قااال

وشرح مااااافي

هادا النااااقــــــــــص

[miss-busy]

قسم مدري إيش أقول

فيني بكوة مو راضية تطلع ؟؟


متى تتجمع الأصوات ومتى توصل ؟؟ اليوم راح نبدا اللقاء الأول


ألين يصير شي معتبر راح نكون أنهينا اللقاءات الـ 3 كلها


والجامعة أكيد متوقعة ردة الفعل هذي ؟؟ وحاسبة لها حساب


أحسهم راح يعطونا طبل ويقولوا خذوا طبلوا زي كل مرة ينزل فيه قرار راح نسمع وفي الأخر نمشي كلامنا


والله ألم .. ألم


الشكوى لله بس


فعلا من الألم ماعاد عرفنا نضحك ولا نبكي


أتصور الأستاذات اليوم راح ينهالوا بوابل من الاعتراضات وراح يروح اللقاء الأول في هذا الموضوع



صبر جميل والله المستعان


كيف سمحت لهم أنفسهم يعتمدوا قرار مثل هذا وهم باقي مارتبوا أمورهم

فين المحاضرات المسجلة اللي قالوا عليها ؟؟

فين التقويم اللي يقول ان المحاضرات ( اللي أصبحت لقاءات ) راح تبدا يوم كذا ؟؟

فين الاعلان اللي يقول ياطالبات ابدوا بحضور المحاضرات المسجلة لأن مالكم محاضرات لكم فقط لقاءات نقاش ؟؟؟


فين هذا كله عنهم قبل ينزلوا القرار ؟؟؟



وكلت أمري إلى الله الذي حرم الظلم على نفسه


حسبا الله ونعم الوكيل

[الطالبة التى دافورة]

انا معاكم كمان كيف ارسل رقمي الجامعي على مين

[حبيبة الكل]

مشكورييييييين وربي يعطيكم العافية
كيف يقرروا هدا القرار واصلا عندهم مشكلة بنظامهم حق السداد
يعني لحد الان في ناس ما تسددت رسومهم
ومادام ما تسددت يعني ما في جدول
يعني ما في سنترا
يعني بتروووح المحاضرات عليهم
وترى انا من الناس الي الرسوم مو راضية تتسدد
ورحت الجامعة تقول في مشكلة
طيب شلون وكيف يعني كلها 3 لقاءات وتروح علي
المفروض ما دام المشكلة من عندهم يستنوا الين ما يحلوا مشكلتهم
طيب انا مو فاهمة هي 3 لقاءات بس ؟!
ولا كل اسبوع 3 لقاءات ؟؟
وبعدين المحاضرات المسجلة هي حسب المنهج ولا لا ؟؟
كل هدي اسئلة لازم يجاوبونا عليها
بالتوفيييق

[nour al3mr]

الله يسعدكم في كم رد لفت انتبـآهي ببعض العبارات :)

إن كان النظـآم متغيـر و رؤيتكم أنه ماهو بصالحكم فَـ أسعـوا باللي مُتاح لكم
و هذا هو التوكل على الله .. لأنه يفوض الأمـر له و في الوقت ذاته يآخذ بالأسبـآب

لكن الاعتراض و التحسب و البقاء مكتوفي الأيدي هذا اعتبـرهـ توآكل
ومثل ما سبق وقلت .. ماهو شرط يتخدوا اجراء سـريع و فـوري
لكن في الأخيـــر صوتكم بيكون له أثـــر .

---

الاسم و الرقم الجامعي ممكن ترسلوهـ ليـآ و بأجمعهم إن شاء الله و أرسله للي بتتولى مسؤولية الذهـآب إن شاء الله
في إحدى الأخوات الله يجزآهـآ خيــــر أقدمت على ذلك و إن بيعاونها آحد منكم فحيـآهـ

[Rosery]

في أخطاء كثير حصلت بدون تفكير وحسن متابعه منهم

أنا باستنى بس أول لقاء عشان أفهم السالفه من الآخر قبل أحكم عليهم

بس دامهم ألغوا المحاضرات ، لازم يكون مبدأهم ( العدل )

إلغاء محاضرات الانتساب = إلغاء رسوم الانتساب

تخفيض عدد محاضرات الانتساب = تخفيض رسوم الانتساب

وأنا من الأشخاص للي توهم يدفعو الرسوم

واتفاجأ بأن الحذف والاضافة أمس كان آخر موعد لهم

[لحن الوجود]

وأنا معكم لازم يوصل الصوت


مشكوره

:-)


...

[أميرة نفسي]

للأسف هم أصلا مو موضحين للكل فالخبر انتشر ممن لديهم علم فقط

لماذا يطبق هذا النظام على الطالبات فقط بينما الطلاب موضوع لهم "تسجيل في دورات السنترا " من خلال الاوديس

ونحن الطالبات واضعين لنا كأول سطر وفقرة المحاضرات المسجلة

طيب لو المحاضرات المسجلة للمواد العامة مثلا حرة او الزامية تكون الاسئلة موحدة بين الشعب لا مشكلة فيها
لكن مادة من التخصص قام بشرحها استاذ ويضع اسئلتها استاذ آخر

ثم من قال ان من السهل التقيد بمحاضرات مسجلة لو كان ذلك سهل لكنت تابعت البرامج الجميلة التي لم يتسنى لي متابعتها من التلفاز

[sweez]

اللي يدو في الموية مو زي اللي يدو في النار لحد يزعل من كلامي وازا تبو تحزفو مشاركتي كيفكم انتو وضميركم

انا اعتبر الموضوع دا مجرد تسكيت للبنات عشان محد يتكلم وانا وانتو عارفين من جواتنا انو لو وحدة اخدت اسماء كل البنات ووصلت اعتراضهم محا يسير شي وانتي قلتيها بنفسك محا يكون في ردة فعل مباشرة والله ما يسير



احنا نبا ردة فعل مباشرة وقرار يتلغي بدون نقاش زي ما حطوه بدون نقاش
والمحاضرات سواء مسجلة من زمان او حتتسجل جديد الموضوع مرفوض عارفة ليش؟
لاننا بندفع فلوس مو شوية عشان ينشرحلنا اون لاين من حقنا نتواصل مع اللي بيشرحلنا نسأل ويتجاوبلنا ترى ابسط حقوقنا

مع احترامي لمبادرتك لحل الموضوع بس انتي كدا ما بتحليه انتي بتغطي عليه وبس :)

[ريموووو2010]

إن شاء الله احاول اجي

بس ياليت الاعتراض باعادة الشرح بالسنترا ما نبغا الشرح بالجامعه لانو احنا الي بجده لالزم نفكر باخوانا واخواتنا الي بره جده فارجو الاعتراض يكون بسبب رجوع السنترا كما كانت ولاحد يقول الشرح والحضور بالجامعه لانهم اتوقع هم الي حالهم اصعب من حالنا