ذكرياتكم والجامعة

[northstar]

ههههههههههههههه

ايش الذكريات الاليمه هاذي

يلا احكيكم
عني اسوا موقف في الحياه


ان دخلت العلوم اول يوم
بعد شحته ومرمطه من البنات عشان يرشدوني المهم


يوم دخلت وحضرت وخلصت
ماعرفت اطلع من المبنى
وليه نص ساعه واقفه قدام البوابه الي عندي الكفتريا على بالي مخرج


شافتني بنت شكلي محزن ومخزي
:)


قالتلي انت اولى <<< حسيت نفسي في الحضانه

المهم قلت ايوه اولى وعيوني مغرورقه بالدموع
من القهر والتعب والطفش<< ماكان عندي صحبات كل صحبات راحو جامعات اهليه
المهم خرجتني وهي وشلتها مسدحون ضحك عليه

:)

والحين اقسمت كل بنت جديده تجي تسالني اساعدها واوصلها بعد لين كلاسها
احس فيهم

[علي العسيري]

نورث والله موقف محزن لاتحسدين عليه

وتبين تساعدين البنات الجدد عشان لايصيرو في نفس الموقف

الله يرحم الي ربوك على الاخلاق العليه هذه ويكثر من امثالك يارب


عني انا اعو واعطيكم موقف سيء من ذكرياتي الجامعي :

من ذكرياتي مع الجامعه ايضا (( وهذه اكتبها عشان الطلبه المبتدئين ينتبهو لايقعو في نفس الخطء )) ان يوم من الايام لما كنت في المستوى 3 تقريبا نزلت جداوال الاختبارات وهذاك الترم حصل شي غريب لاول مره ولم يتكرر لاحقا (( شكلها تجربه وفشلت )) وهو انه في نظام الادوس حطو ايقونه خاصه بجدول اختبارات المواد التي في نفس الجدول تبعك فقط ,, وانا قمت طبعت منها جدولي وسافرت على جده وبدأنا ايام الاختبارات ,, وفي جده طبعا مامعي جهاز ولا اتصل بالانترنت نهائيا ,, والمهم كان في جدولي 6 مواد كان فيه اول ماده يوم الخميس ثم الاحد ثم الاثنين (2) مادتين ثم الثلاثاء واخر ماده وكانت مادة ( نظام الحكم في المملكه ) وكان اختبارها يوم الخميس على حسب الجدول الي اناه طبعته من نظام الادوس (( يعني الاربعا مافي شي مبسوط فرصه اذاكر مادة الخميس بتركيز شديد ,,,,, يبي درجه الاخ ))

المهم والله ياخوان اني يوم خرجت من اختبار المادة الثانيه يوم الثلاثاء وكان وقت خروجي الساعه 12 ظهرا قالي واحد في خاطري ليه ماتمر على الجدول الي معلق في مبنى الكليه يمكن غيروا موعد اختبار الماده او او .. الخ (( وااااه بس ليتني سمعته )) ,,, وقالي الثاني برضو في خاطري ياشيخ اترك عنك الوسوسه الحين كل المواد مشت صح على نفس الجدول وبتلخبط اخر ماده يالله بس الحق على الشقه وصل الظهر وحط راسك ونام البارح سهران مذاكر مادتين واليوم مختبرهم ورى بعض واحمد ربك بكره الاربعاء فاضي ماعندك شي ذاكر براحتك الليله وبكره وليلة الاربعاء

ويوم جيت يوم الخميس الساعه 10 صباحا موعد الاختبار المبنى 125 والف كل القاعات فوق وتحت ويمين ويسار ياجماعة الخير انا متاكد ان عندي اختبار للماده هذي اليوم وكل ماسالت دكتور قال ماعرف الله يعينك الكليه اليوم مسكره ورحت للجنة الاختبار وقامو يتريقون علي (( يقلون الماده سياسه الله يبعدنا عن السياسه ويضحكون بكل برود )) وانا كن الارض بتبلعني من هول الموقف ,,,

كان فيه دكتور ( عمري ) على ما اذكر الله يجزيه خير قال لي انه من كلية الاداب وماله علاقه بطلاب الاداره لكن والله انه تعاطف معي واعطاني رقم جواله وقال انا باشهد معاك انك حضرت ولكن صدمت ان فيه طالب جا وقال ياخي الماده ذي الي تسال عنها اختبرناها امس الساعه 10 صباحا انا كمان عندي نفس الماده ومتاكد اني اختبرتها امس ,,

عندها اسقط في يدي وبغيت اموت من القهر ,,,,,,

واطلع للشقه خلاص ابغى اسلم الشقه وارحل رحلتي من جده للدمام الساعه 4 عصرا

واقسم لكم بالله ثلاثا ان هذا الي حصل يوم ان وصلت المطار كانت الساعه 3 الاربع تقريبا وانصدمت مره اخرى وفي نفس اليوم (( مدري احد داعي عليه ذاك اليوم والا ايش )) قالي موظف الخطوط انت تبقى تطلع بوردنق الصعود للطائره على هذه الرحله وانت حجزك على بكره الجمعه !!!!!!!!

يهوه يعالم انا ماني ناقص ,,,,, ارجوك ,, تكفى , انا متاكد ان حجزي اليوم ,, قال معليش اعذرني والله الرحله فل طيب مافيه مشكله الرحله الثانيه الساعه 6 مساء قال برضو فل خليك على حجزك احسن لك لا يفوتك ترى مافيه رحلات كلها فل العالم بداية اجازه !!!

قفلت راجعا في ردهات المطار وخطر على بالي اتصل باخي وحبيي ابن العم والسمي (( علي العسيري )) موظف بالهيئه الملكيه بالجبيل وقلت له الي حصل معي ,,,, قال اعطني ربع ساعه واتصل في

شوي الا وهو يتصل ويقول خذ سجل عندك هذا رقم الحجز وعلى الرحله الي الحين
وعلى طول اروح لموظف ثاني واقص البوردينق والحق على الرحله ولله الحمد

المهم ان النتائج لما طلعت كانت نتيجتي في الماده الي فاتتني dn ومدري ايش الفرق بينها وبين ال f


هذا ماحصل معي واتمنى مايحصل لحد غيري

[ساكنه في بيتنا]

المشاركة الأصلية كتبت بواسطة banoota mnkoosha هههههههههههههههههههههههههههه يا ولد بلاش فضايح الذكريات يبغالها مجلد مو موضوع احكيكم عن اووووووول يوم في الجامعة ماني عارفة راسي من رجلي لا اعرف المباني ولا الطرق ولا شي كل اللي عملتو اني اخدت جدولي معايا واسال اي وحدة اشوفها قدامي ,,, وطبعا اول يوم مو كشخة الللللللللللللللللللللللللللللللللللللكشخة <<< وكانت اخر كشخة واهم شي في كشختي كنت لابسة صندل كعبه شوية عالي كعب مو حق مشي ولفلفة وتنورة !!! يعني يعني اول يوم يكون شكلي رسمي <<<<< هبالة زايدة المهم وصلت الجامعة بسلام ... طيب من ايت بوابة ما ادري قعدنا نسال لين ما واحد اشفق علينا ووصفلنا بوابة ( غربية 2 - القريبة من الهندسة وتصاميم البيئة ) واتوكلت على ربنا ودخلت ... خخخخخخخخخخخخخخخ اول بنت شفتها قدامي وريتها جدولي وقلت لها عندي محاضرة عربي بس فين المبنى دا ( مبنى 12 ) ؟؟؟؟ قالت لي جنب البوابة الشمالية ( القريبة من الكليات الصحية ) ياربيييييي مين بوابة شمالية ؟؟ كيف اوصلها !! قمت رجعت للبنت وسالتها عن البوابة ووصفتلي ... و هاتك مشي من الغربية الين الشمالية : 11: كانو شي في الشرق والتاني في الغرب .... والله رجلي مرة كانت تعورني واحنا دوبنا يا هادي ... وصلت المبنى والحمدلله جا دور الغرفة ... كان مكتوب 1204 او 1214 مو فاكرة ايش ! طبعا انفجعت ايش دي الغرفة الف وميتين وما اعرف مين فين الاقيها وجلست الفلف والمشكلة كل الغرف كانت زي كدة 01- 02 -03 .... شلت هم ايش يوصلني لـ 1204 تعبت من كتر الفلفة ... مسكت بنت وقلتلها : فين الاقي غرفة رقم 1204 ؟؟؟ والبنت فتحت فمها و قالت : ايش ؟؟؟؟ وانا بكل ثقة 1204 ما الاقي الا كككككككككككككككككااااااااااااااااااااااااااااااااا ااايييييييييييييييييييييييييييييييييييي قالت : شكلك جديدة وضايعة <<<<<<< وافضيحتاه انا : بالزبط ... ممكن تقولي فين لانو المحاضرة بدأت <<<<< ابو الدفرنة ياشيخة قالت : 1204 تتقسم جزئين ,,, 12 يعني المبنى ... 04 يعني الغرفة انا : كككككككككككككككااااااااااااااااااااااااااااااااااا اااااااايييييييييييييييييييييييييييييييي المهم شكرا يابت عفوا ... ورحت للكلاس .... ودخلت لقيت الاستاذة بتشرح نفس الشي ( تشرح الجدول وارقام الغرف ) خلصت المحاضرة على خير .... بعدها عندي في المبنى رقم 7 !!! يا فلانة فين رقم 7 ؟ شرحتلي ... طلع جنب البوابة الغربية يعني المشوار هداك تاني وانا لابسة كعب <<<<<<< محد قلك تتلقفي وتكشخي طول الوقت وانا امشي بشويش خايفة عالكعب لاينكسر ... لو اتكسر ايش حاعمل !!! آآآآآآآآآآآآآآآآآآآآآه يومها كرهت الصنادل كلها ,, من تاني يوم بنطلون و شوززززززززز وبحبل كمان لين دحين ولا افكر يوم اعيد المأساة اللي سارت

هههههههههههههههههههههههههههههههههههههههههه
والله انك تحفه يابت


انا قبل ما تبدا الجامعه سألت بنت خالي عن الجدول وخليتها تفهمني هو ورحت معاها وورتني المباني الله يسعدها يارب ويهديلها بنتها وزوجها ساعدتني كتيييييييييير ..


بس من جد مبنى 12 دا آآآآآآآآآآآآآآآآآآآآآآآآآآآآآآآه منه .. الله ينتقم منه شر انتقام


انا عكسك من اول سنه و المخالفات شغاله معايا << كتبت تعهدين اول سنه مره عشان لابسه بنطلون من غير لابكوت ومره مني فاكره ليش


والى يومك هادا وانا كلللللي مخالفات

لاب توب من غير تصريح وجوال بكاميرا و وووووووووووووو .. << احس بحماس لمن اخالف النظام

[ساكنه في بيتنا]

المشاركة الأصلية كتبت بواسطة قلب البحار أما أنا صار لي فصل في أولى جامعة في أول يوم بشهر رمضان معروف انه الاوقات للمحاضرات تتغير , طبعا أنا صحيت بد ري زي العادة ورايح على محاضرة الكيمياء , أدخل القاعة وماني مستوعب للان شي , اطلع الكتاب وأطالع بالدكتور أشوفه متغير , قلت يمكن حقنا استاذن لانه كان يغيب كثير , المهم جلست اطالع في وجوه الطلاب كلها وجيه جديدة بعد عشر دقايق استوعبت اننا في رمضان :) استاذنت من الدكتور وطلعت والطلاب فكو ضحك علي

ذكرتني بنفسي

انا كمان عملتها كنت متأخره عن المحاضره ومني فاكره في ايت كلاس وما ادري جدولي في راح رحت خمنت الكرس ودخلت وجلست في اول كرسي قابلني بما اني متأخره الا شويه الآدميه تطالع فيا بطريقه غريبه وانا اساسا باين على وجهي علامات الازبهلال لاني باسمع كلام غريب اول مره اسمعه ..


الا اكتشف اني في محاضره علم اجتماع .. وانا اساسا كليتي اقتصاد منزلي ايش جاب لجاب ما ادري

المهم قلت يا بنتي كملي بلا فضايح شويه المحاضره تغلق

الا اشوف الادميه تطلع الكشف و تنادي الاسماء ومرررررررره كنت خايفه تقولي انتي اسمك مو معانا ولا شي بس الحمد لله عدت على خير ,, اول ما قالت غلقت المحاضره مسك الباب وجرررررررري

[banoota mnkoosha]

ههههههههههههههههههههه تحفة ... مرة موقف يفشل

احكيكم عن شي ...

دحين انا كل يوم لازم امر من مكتبة الخورازم عشان اروح للمبنى الجديد ...
جنب المكتبة في لوحة معلقة عالجدار عن قسم الاحياء اظن احياء حيوان ...

وكل يوم اقرأها مكتوب عليها :

عائلة الحربي ؛ هذه العائلة موجودة في المملكة العربية السعودية ...

وطول الطريق من اللوحة للكلاس .. اجلس افكر ! ايش معنى عائلة الحربي يعني
واكيد حتكون في السعودية وافتكر اللوحة كان فيها صور بس ما كنت ادقق ؛؛
وكل يوم على دا الوضع

لين مرة انتبهت للمكتوب :

عائلة الحرابي ؛ هذه العائلة موجودة في المملكة العربية السعودية ...

خخخخخخخخخخخ ابو التناحة والعباطة