حلم طالبة جامعة الملك عبد العزيز

[king net]

الله يعينكم يا البنات
اما التخين فا ممنوع عندنا وعندكم
اما الجوال مشي حالك
والشمس كلنا في الهوى سوى
المباني تعالو شوف مبنى 40 او 44 ناسي
المهم كان يربو فية مدري ايش وفجاة سار مبنى دراسي
عبارة عن مجموعة المونيم وفي درج لازم الواحد يطلع بسرعة عشان لا يطيح
ويلة كلنا نعاني
لكن متى التخرج

[fOfOoOo]

اصبر و ربك كريم ..

[رمروم]

بالنسبة للمباني عندنا الله لايوريكم بس مبنى زي الثلاجه في غرف والغرفة اللي جنبها نار ياحبيبي نار هذا طبعا ناهيك طبعا عن الكراسي داخل القاعات تقول اذا جلست عليها تطيح فيك وبالنسبة لمبنى القطب الشمالي اقصد مبنى 40 ياويلي منه يوم لما يكون بارد او اخوه مبنى 73 انصحهم يخلوها ثلاجه 40 او فريزر 73 .بالنسبة ل 81 الله يعين اخواننا في كلية الاقتصاد والاداره شوية يطيح بيهم . ممنوع التدخين يابنت منكوشة في كل مكان

[bent mankoosha]

كلكم مشكورين عالمرور والتعليق
( حسمي نفسي العاشقة المجيدية ابرك لي ) ادور مشاكل مع واحد

[fOfOoOo]

انا الان مشغول في تحضير قنبله نوويه بغرض ضرب هذه الجامعه الموقره

اللي يحب يشاركني تحضير القنبله يتفضل يجيب معاه شويه مكونات

[بسمة أمل]

وعليكم السلام ورحمة الله وبركاته..

أهلين منكوشة

عنوان موضوعك جذبني..توقعت شي غير!!

معك حق تحلمي ياستي..
وإذا بتسمحيلي بأعلق على اللي قلتيه..وبقترح حلول كمان<<

1-مشكلة الشمس..
معك حق..واللي يقهر الممرات اللي على بالهم ساقفينها مخلينها مفتحة..تقولي غربال!! يمكن اللي صممها يحسب جدة الطايف أو أبها!!
الحل:
شوفيلك كاب أو طاقية حلوة وشياكة..أو شمسية..
أو ريحي بالك وأعملي زيي..امشي في الظل اللي توفره الأشجار النادرة اللي عندنا ولما تشوفي الشمس غمضي عيونك
بس ماينفع يسقفوها..حننكتم مرة وحدة..ويضيع علينا الجو الحلو دحين..اللي في السنة مرة! الحمد لله

2-التدخين..
طبعًا لأ وألف لأ..يعني انتي شايفاها مزية للأولاد إنه كان مسموح عندهم؟؟ طيب بكيفهم..حابين يتكتموا..يمرضوا..يتشوهوا..يصيروا مداخن..يتخرجوا من الجامعة على مستشفيات على طول.. براحتهم! بس إحنا لأ..ولو لا قدر الله صار هذا الشيء والله لأدعي على اللي سمح بيه ليل نهار..
كفاية في السوق كاتمينا المدخنين الله يهديهم ويشفيهم..أو يحرقهم بسجايرهم!
وبصراحة: المدخنين ناس أنانيين..يفكروا بنفسهم وبس! وأنا أكرههم! واللي عنده سلّ أو ربو يكرههم.. وحتى الحيوانات والطيور والأشجار تكرههم..لأنهم بيلوثوا الهواء اللي ربنا معطينا هوا..
أثرتي حفيظتي عليهم!.. جايالهم بموضوع لوحده..بلاشي نقلب موضوعك..

3-جوال الكاميرا..
يعني أنا مع منع جوال الكاميرا عند البنات عشان عالأقل نرتاح شوية ونطمن ولا نشيل هم أحد حاقد مايخاف ربنا يقوم يعمل شي غلط..بس برضه الدكاترة مش منزهين.. يعني المفروض ينطبق المنع عالكل!
تخيلي يسمحوا بيه!! راح اداوم بالعباية طول الوقت
الحل:
كلمة مني وكلمة منك وكلمة من كل وحدة غايظها الموضوع هذا.. كل وحدة تروح لوكيلة كليتها وتقولها..ماراح ياكلونا أو يخاصمونا..صح؟
عالأقل نكون عملنا حاجة مو بس كذا ننقهر ونسكت!

4-إجازة الحوامل..
ما أعرف شي عن هذا الموضوع..بس ربنا معاهم.. الله يعينهم خصوصًا وقت الإمتحانات!!
بس برضه تكلموا..اعملوا شي..المهم مانقعد ساكتين

5-المباني القديمة..
الله يعينكم يا أهل الثامن والعاشر وماجاورها..
الحمد لله الذي عافانا مما ابتلاهم به..

6-المشي وتعبه..
كوشة عيوني..في اختراع خطير اسمه سيارات..والتذكرة بريال
وفي اختراع ثاني اسمه جزم رياضة..من يوم مادخلنا الجامعة حذفنا من قاموسنا كلمة شياكة وأناقة..وحطينا بدالها:
رااااااااااااااااااااااااااااااااااااااااااااااااا اااااااااااااااااااااااااااااااااااحة..

[chocolata]

أول شي السلام عليكم ورحمة الله وبركاته
ثاني شي صح لسانك يااحلى منكوشة..
يعني بجد اللي بيصير فينا مو قليل..
بس اسمحيلي اوصف شوية الثامن ده..(ايييييييل للسقوط)
اول شي مبنى كله بسس.. تخيل وانت بتختبر في امان الله تلاقي بسة تمر من تحت رجلك ايش تسوي في هذاك الوقت..
ثاني شي..الكلاسات مقرفة وصغيرة وماتكفي الطالبات وغير كده والله انه الارض فيهامااعرف ايش يسموها كده الارض محفورة زي التصدع واللي مو مصدقني يروح يشوف كلاس(815) و (816) شي يخوف صراحة..
ثالث شي المبنى مظلم وحالته حاله وابدا لايصلح للدراسة ابدا ابدا..

واهم شي انه مبنى الاداب تبع الاستاذت (الجوهرة) مافي احسن منه (زي كأنه جدة مول) ولمن ندخل نجلس فيه ننطرد شر طردة..
ليييييييش؟؟؟
ماقلنالهم يسوولنا مبنى بمستوى مبنى الجوهرة بس على الاقل مبنى نقدر نقول انه مبنى في جامعة..مبنى نقدر نجلس فيه ونحس انه احنا بجد في مكان دراسة..
مو مبنى خرابة..

حتى الرابع ايل للسقوط..العاشر ايل للسقوط..

وكمان شي انا نفسي اعرف هما لمن يقفلو اجزاء من الجامعة ونشوفهم بيصلحو فيها ايش بيسوو بنرجع ومانبشوف اي تغيير..
(الله يصبرنا بس)

نجي عند الجوالات..
يا يمنعو عند الكل يايسمحو للكل وبعدين حتى لمن صدر القرار بسمح بيعه لسه عندنا ممنوع وبيتصادر يسحبوه عندنا ويسيبوه للاستاذات..كده مايسير وغلط..

وسلامتكم واسفة على الاطالة ولازم بجد يشوفولنا حل..

[mulan]

bent mankoosha

و عليكم السلام و رحمة الله و بركاته

شكرا أختي على هالموضوع

بالنسبة للمدخنين عادي الجامعة واسعة أبعد عن المدخنات و انتهينا >>لكن أفضل لو ما يكون في مدخنات
أما كميرات الجوال أنا أشوف أنها مو ضرورية و اذا سمحوا بها >> عاد كل و حدة و ضميرها>> بس طبعا مو من العدل أنهم يسموحوا فيها للدكاترة و احنا لأ

"بليز سقفولنا الجامعة"
ليش أنا أحب نور الشمس >> أشتري مظلة و نظارة و تطلعي ستايل رهيب

"واسمحوا بالبسكليتــــــــــــــــــــــــــــــات"
ايوة و النينجا كمان >> دباب

لا أمزح قلك دبابات ههههههههههه

و المباني من جد تعبانة لكن لو شفتي الكليات و عملتي مقارنة بينها و بين الجامعة بتقولي احنا في عز و الحمد لله >> لكن برضوا اش يصير يعني لو حسنوا في المباني و الكلاسات على الأقل بندعيلهم إن هم عدلولنا فيها..صح يا صبايا

شكرا مرة ثانية خيتو على الموضوع و آسفة على الاطالة

[قمر هالكون]

السلام عليكم

اختي الغاليه

انا معاك في كل الي قلتيه

وخصوصا حكايه مبنى الاشباح

اقصد

المبنى الثامن

بجد خراااابه

بس لي اعتراض بسيط

تاني شي ويمكن الشي اللي الكتير حيوقف ضدي فيه لما التدخين يكون مسموح للشباب بس, يا ريت يسمحوا بيه لينا حتقولوا شي غلط حرام حقول عالجميع مش محلل لفئة واحدة

المفروض انك تطالبين بمنعه على الشباب مو تطالبين بالسماح فيه عندنا

والشي بما انه محرم شرعا

المفروض ما يسمح فيه لا للشباب ولا للبنات

اسفه على الاطاله


اختك
قمر

[bent mankoosha]

الخامس مبنى الآداب التعيس الآيل للسقوط ( التامن)... احذفوه, انسفوه, دمروه,انقلوه عند الأولاد, سوا اللي تسوه بس ما اشوفه تاني عندنا

بنات كيف بس التامن بعد ما ع د ل و ه؟؟؟؟؟؟؟؟

الصراحة يجي منهم