استفسار عن زيت دابر املا&فيتامين لإطالة الشعراا تم التعديل اا

[Bashaer x]

بنات تدرون الدعاء افضل من اي زيت او دواء
(ان الله على كل شيء قدير)

ابيه يطول شبر بشهر هههههههههههههههههههه

[بشائر يحيى الزهراني]

قص سنتي واحد من الشعر في اكتمال البدر تطول الشعر
هل هذا صحيح يااخواتي الكرام ؟

[غزاله ومايصيدونها]

Bashaer x
من وين يبعونه ذيل الحصان
حمستيني ابي اشتريه
ههههههههههههاا

[Bashaer x]

غزالا ههههههههه أنا دايمن أخذه من عطارات الي بالشاطيء وآخر مره شريته من عطارة حبة البركة في حي السلامة انتبهي تاخدين التقليد

[Bashaer x]

وكيف املا اللحين معك أنا بطلته بس برجعله
اول ساعتين احط زيت الحصان وبعده ادهن معاه زيت املا ساعتين وبس

[غزاله ومايصيدونها]

ماششي حالوا دابر املا هههههههههااا
بسس شلون افرق بين الاصلي والتقليد مافي علامه وعلبه شلون لونها
في فرق بالعلبه او اي ششي

[غزاله ومايصيدونها]

او يياريت تحطين لي رقم محل حبة البركة لاني انا مو بالسلامه ومااعرف مكانه بالضبط
فااتصل واسئل وين محل بالضبط

[جنون الطفولة]

الشعر وحكايتي معاه حكآآآية ,
كان طويل إلى آآخرر ظهري , وجيت يوم حفلة تخرجي في ثالث ثانوي أنا وجارتي وصديقة طفولتي ,
قلنا لأمهاتنا رايحين نسشور ونقص شوية , قالوا اووكي ,
ورحنا الصالون وقصيت شعري مدرج وإلى رقبتي

على قول ماما (الشعر يتفجع) لأنه بعدها وربكم ما قربت مقص من شعري وماطول في 7 سنوات إلا لآخر ظهري مرررررررررره يعتبر قليل , وتعبان وحالته حالة




بررب

[جنون الطفولة]

رحلة العلاج الطويلة ,
استخدمت كل انواع الزيوت اللي تخطر في بالكم ,
دابر أملا , نارجين , حبة البركة , زيت اللوز حلو ومر ,
زيت بالفلفل الحاررر , زيت بالثوم , زيت السمسم .. الخ
وغيرت أنواع الشامبو واستخدمت شامبو اندونيسي من العطار (اسمه شامبو ميتال)

بصراحة ماحسيت في واحد أفادني لوحده , لانه ماكنت استخدم الواحد منهم لوحده ,
يعني كنت فالاسبوع احط 3 مرات زيوت , كل مرة واحد منهم..

وحمامات الزيت كانت بالتحديد
- دابر أملا .. أبو ريحة معفنة هو اللي يسود الشعر , بس مرة شعري كان يتساقط لمن اخد شاور بعده
- زيت بالفلفل الحار .. دا احس حبيته وحلو وأحسه ينعش الفروة +
طلعلي شعرات صغيرة صغيرة .. دحين لمن امشط شعري صارت طايرة لانه طولت
- زيت بالثوم .. وهذا طفشت منه لانه يعمل ريحة وكنت احطه السبت مثلا عشان ع الويك اند مافش ريحة واقدر اخرج براحتي ,
- سمن ابو شوكة وملعقة ومعاه زيت عافية ومعاه محلب مطحون .. هذا حسيته روعه بس نسيت كيف اعمله , اخر شي عملته من سنة تقريبا .. تلقوه بالنت ,

وبقية الزيوت كانت ترطيب لمن اخرج من الحمام ومن الشاور ,
بس احط مسحة خفيفة بأطراف اصابعي , للفروة + الأطراف


أما الشامبو الأندونيسي حسيت عليه وقف التساقط , سعره 19
ومدري ليش مارجعت اشتريت منه بعد القارورة الثالثة
كمان لمن تستخدموه رجوه عشان فيه فالاخر زي المادة اللزجة لو ما رجيتوه (زيي في أول علبة) حتنفجعوا لمن تشوفوا المادة اللزجة < انا ماكنت فاهمة الهرجة فالاول

[جنون الطفولة]

بالنسبة لقص أطراف الشعر ,

أنا سمعت انه مرة كويس , وبالذات لو أمك تقصه + يوم يوم 14 ليلة 15
لا تسألوني ليش , مدري هي خرافات ولا صدق ,

عاد أختكم في الله لها سنة ونص أو سنتين , حاطة موعدي بعد كل دورة شهرية <عشان ما أنسى
اتروش واتعطر واتدهن , وأروح للوالدة ربي يحفظها , وأعطيها المقص ,
تسمي بالله وتعمل اللازم وبتقصه قد العقلة ,

النتيجة
امممم ماحسيت بفرق كثير ,
ألين اتوقع هي ماما طفشت , تقولي يابنتي خلينا نقص التعبان كله ..!!
قبل 3 شهور مسكت المقص قصتلي نصه دفعه وحدة وبعدها حسيت بتحسن
وصلى الله وبارك ,