كَمُستجدات وطالبات في كلية الحاسبات وتقنية المعلومات .. نبا اقتراحاتكم :$

[iRe]

لاه لاه كذا راح اندم اني بالفيصليه
ممكن تفهموني حبه حبه ،، يعني اللحين هالاشياء بتكون
وقت الدراسه ولا قصدكم بالاجازة
بسألكم اللحين في دورات تعملونها للتعريف بالقسم
تعلمونا عن اشياء ممكن تفيدنا في تخصصنا مصطلحات مهمه
برامج اشياء زي كذا ؟
اقتراحي زي همسه تكون في دورات بشهادات علشان تفيدنا
بالمستقبل :)

[الحمد الله على كل حال]

Ire
إيش رأيك بالعروض إلي مسوينها من جد خلتنا ننسى الصيدلة ههههههههههه

أنا عن نفسي نسيت الصيدلة والعقاقير وكمان ادعي ربي أنو اتحول حاسب

[iRe]

من جد والله ،، الحمدالله ربي عوضنا :)
يلا شدي الهمه وتعالي عندنا
اهم شي انت طلبت تحويل ولا لسى ؟

[لينا السيد]

طلب التحويل من فرع للتاني يكون في الاودس وﻻ نروح للعماده ؟!

[asma'a]

المشاركة الأصلية كتبت بواسطة الحمد الله على كل حال ياريت لو يكون في دورات إضافيه عن كل قسم مثل دورة. مثل المحاضرات للمجال الصيدلية نفهم نبذة عنو ماتكون محاضرة مملة لا نبغى عملي ويكون بنات الصيدلة هم إلي يشرحوا لنا على الأقل هما يدربوا واحنا نستفيد وناخد معلومة عن الصيدله وكمان مجال عن الصم والبكم مجال عن العلاج الطبيعي وطبعا الدورات تقام بمساعدت بنات القسم نفسوا بكدا يكون. بنات التخصص. يتدربوا بإعطاء المعلومة ويكون لهم ثقة بأقسامهم يأخذوا شهادات على دا الموضوع وكمان بنات الحاسب يأخذوا نبذة عن كل شيء خاصة بنات الحاسب لأن الحاسب يساعد كل المجالات وإلله الفكرة حلوة نكون فكرة إن العلم مو محصور بمكان واحد تكون الدورة لمدة 3 أسابيع لمدة يوم وكمان نبغى أول أسبوع دراسة ندلع دلع مثل الصيدلة يكون طرق الدراسة وكدا ناس تسهل لنا أشياء ؤشكرا على فكرة حبيته وقلبي تعلق فيه. وزفوني لبيته يأرب أنقبل ب دا القسم

ههههههههههههههههههههههههههههههههههههه اهم شيء المقطع الأخير فطستيني ضحك الله يسعدك

اممم فكررتك جميلة .. بس الكليات الطبية مو في نفس السوور حق شطر الطالبات .. ليهم مبنى خارجي قدام بوابة شمالية اللي جهة مبنى 12 .. وبينهم سكة وكذا وشارع وحركات ..

يعني دا ممكن يكووون شيء صعب .. وغير كذا لو مثلن كلمت صاحباتي حقون علاج يعملوو الدورة ماحيقولوو شيء بس المشكلة ع رمضان حيبدأوو الامتياز حقهم ..

ولوو حابة تستزيدي في مجال العلاج الطبيعي والتغذية والتمريض والمختبرات والأشعة فيه ملتقى بينعمل كل سنة .. انا حضرتو مررة وحدة بس .. يُكون في قاعة المؤتمرات ويعملوو بريزينتيشينات عن دي الأقسام (باللغة الانجليزية وفيه مصطلحات طبية :$ ) .. اسموو الملتقى العلمي مدري ملتقى كلية العلوم الطبية شيء زي كذا ..

لكن كفكرة ان شاء الله حنقلها لأروى وأشووف رايها ..

وبالنسبة لبنات الحاسب احنا بنفكرر ننفذ فكررة الأولاد منفذينها ماشاء الله تبارك الله .. وهي عبارة عن شيء اسموو "تجربتي" .. يعني يجيبوو ناس بيهرجوو عن تجربتهم في مجال معين .. واذا ماخاب ظني دا الشيء بيكون كل أسبوعين عندهم .. فإن شاء الله نحاول ننفذها ونشووف حتى لوو تُكون من فترة لفترة عشان ماتملوو وكذا وفي نفس الوقت تستزيدو وتستفيدوو واحنا نستفيد معاكم كمان :$ ..

وع أول اسبوع الدراسة تررى انا كنت علاج طبيعي وماتدلعت هههههههههههههههههههههههه

بس مدري اذا كلية الصيدلة يدلعوو وحركات .. <== أعرف وكيلة الكلية شكلي بخربها عليهم :p ..

امممم ي شيخة صدقيني حتنبسطي معانا ..

والله كُليتنا حلوة ماشاء الله .. بس أهم شيء لا تُحطي المعدل في بالك وفكري قد ايش تطوري نفسك في مجالك .. وحتبدعي بإذن واحد أحد ..

الله يفتحلك وينوورلك طريقك ويسهلك كل خير ي رب ..

بالتوفيق ي عسل

دمتـِ بخير

المشاركة الأصلية كتبت بواسطة ire لاه لاه كذا راح اندم اني بالفيصليه ممكن تفهموني حبه حبه ،، يعني اللحين هالاشياء بتكون وقت الدراسه ولا قصدكم بالاجازة بسألكم اللحين في دورات تعملونها للتعريف بالقسم تعلمونا عن اشياء ممكن تفيدنا في تخصصنا مصطلحات مهمه برامج اشياء زي كذا ؟ اقتراحي زي همسه تكون في دورات بشهادات علشان تفيدنا بالمستقبل :)

هههههههههههههههههههه مُش حتندمي ولا شيء ان شاء الله :$ ..

ودي الأشياء نباها وقت الدراسة كتغيير روتيني .. بدل مانُكون حبيسين الكتب ونندم بعد التخرج انو مارفهنا عن نفسنا وتطورنا في مجالات أخرى :$ ..

بالنسبة للمصطلحات .. ممكن تلاقو مصطلحات لكن مش كثيرة يعني أشياء خاصة بالبرمجة وحيكون سهل عليكم تتعلموها وقتها .. مو زي المصطلحات الطبية اللي اذا ماعرفتيها تضيعي وكذا .. يعني لا تشيلي هم اللغة والمصطلحات حيكون شيء سهل ان شاء الله ..

بالنسبة للدورات دي أشياء بتُقام فعليا .. يمكن مالاحظناها غير السمستر اللي فات عشان صار عندنا مبنى وصرنا نقدر نتصرف بحرية أكثر من الدفع اللي قبلنا .. فلا تخافو دا الشيء ان شاء الله حيزيدوه ع الأترام الجاية ..

إذا عندك فكرة نشاط أو موضوع معين برنامج معين حابة تتعلميه خبرينا :$ ..

بالتوفيق ي ستي

دمتـِ بخير

[asma'a]

المشاركة الأصلية كتبت بواسطة لينا السيد طلب التحويل من فرع للتاني يكون في الاودس وﻻ نروح للعماده ؟!

والله ي قلبي ماأعرف :p ..

بس أنا حولت عن طريق العمادة عشان كان الأوديس مقفل عندي عشان كنت معتذرة وقتها

فإن شاء الله يجي أحد ويفيدك :$ ..

بالتوفيق

دمتـِ بخير

[الحمد الله على كل حال]

صارحة مافهمت إيش الأشياء إلي تبيها وكمان كيف الطريقة مافهمت صراحة
بس صراحة حبيت الاهتمام
ومتاملة بأشياء حلوه حتكون في دي الكلية

[نبض الابتسامة]

سسسجل واحد حااسب

ماشاء الله فكرة حللوة

بالذات فكرة كيناري كار تبع المانجا وكذا >>> ان شاء الله الاسم صح

بس ششسمه عندي اقترحين صغير >>> اقترحين تصغير اقتراح

ليش ما يكون تطبيق الفكرة بالتواصل هنا او فيس او ايميل وكذا

عششان الفيصليه يقدروا يششاركوا

ووشسمه غير كذا بالجامعه يادوب الواحد يغلق محاضاراته ويرجع

ووبس ترى هو اقتراح عجبكم خذوه م عجبكم نو بروبلم



^^^^^ ترى كلامي ذا للانشطة اللي مش نظامية يعني بينا احنا البنات

ماادري اذا انتو تبغوا الانشطة نظامية تابعة للعمادة او لا

[ƨɱƨɱ]

فكرة جميلة ...
ودي أقترح بس ما براسي شيء ...=(
كنت بسال بس في شيء عندكم بالكلية اسمه نادي القراءة اوشيء زي كدا يعني ؟!

[asma'a]

المشاركة الأصلية كتبت بواسطة الحمد الله على كل حال صارحة مافهمت إيش الأشياء إلي تبيها وكمان كيف الطريقة مافهمت صراحة بس صراحة حبيت الاهتمام ومتاملة بأشياء حلوه حتكون في دي الكلية

امممم شووفي ي بطتي ..

احنا بكليتنا كل فترة مثلا بيعملوو دورات تعليمية .. ومررة مثلا بيعملوو أنشطة ترفيهية وكذا.. وبما انو صار عندنا مبنى لحالنا .. فالحمدلله تيسرت الأمور

شووفي مثلا زي فكررة كيناري .. انوو نتعلم الرسم بالحاسب .. انو شيء مررة حلوو وممتع ..

منها تاخذي دورة في دا المجال وتستمتعي فيه بدل ماتدفني نفسك في الكتب والدراسة :$ ..

يعني تغيير روتين وجووو وتفتحوو نفسكم للدراسة وتستفيدوو في نفس الوت :$ ..

إن شاء الله تُكوني فهمتي عليا ..

وكُليتنا حتعجبك وع ضمانتي ان شاء الله :$ ..

بالتوفيق

دمتـِ بخير

المشاركة الأصلية كتبت بواسطة نبض الابتسامة سسسجل واحد حااسب ماشاء الله فكرة حللوة بالذات فكرة كيناري كار تبع المانجا وكذا >>> ان شاء الله الاسم صح بس ششسمه عندي اقترحين صغير >>> اقترحين تصغير اقتراح ليش ما يكون تطبيق الفكرة بالتواصل هنا او فيس او ايميل وكذا عششان الفيصليه يقدروا يششاركوا ووشسمه غير كذا بالجامعه يادوب الواحد يغلق محاضاراته ويرجع ووبس ترى هو اقتراح عجبكم خذوه م عجبكم نو بروبلم ^^^^^ ترى كلامي ذا للانشطة اللي مش نظامية يعني بينا احنا البنات ماادري اذا انتو تبغوا الانشطة نظامية تابعة للعمادة او لا

فكررتك جميلة ..

ودي تعتمد أكيد عليكم وع حماسكم ..

وإن شاء الله حنحاول نعمل أشياء داخل المنتدى وتستفيدوو منها ي رب ..

بس مبدئيا نحتاج أفكار وأنشطة نظامية .. وماحتكون تابعة للعمادة .. حتُكون تابعة للكلية بإذن الله ومن تنفيذ طالبات زينا ..

ولوو عندك فكررة للمنتدى برضوو خبرينا :$ ..

بالتوفيق ي ستي

دمتـِ بخير

-----------------------

المشاركة الأصلية كتبت بواسطة ƨɱƨɱ فكرة جميلة ... ودي أقترح بس ما براسي شيء ...=( كنت بسال بس في شيء عندكم بالكلية اسمه نادي القراءة اوشيء زي كدا يعني ؟!

انتي اجمل :$ ..

عادي في أي وقت تجيكي الفكررة خبرينا لسى باقي وقت ع الدراسة ..

بس نحتاج نجمع أفكاار دي الفترة عشان لما تبدا الدراسة يُكون باقي التنفيذ بس ..

وبالنسبة لنادي القراءة دا شيء تابع للجنة الاجتماعية ..

وصح كمان فيه قروب تابع لهم للتعليم .. يعني مثلا بيخططو يتعلموو ع شغلة معينة ويبدأوو يقروو عنها ويجتمعوو سووى يتناقشوو في المواضيع اللي قروها وجمعوها ..

بانتزار أفكارك في أي وقت تيجي فيه :$ ..

بالتوفيق ي قلبي

دمتـِ بخير