ممكن طلب شرح الباب 3 في الحوسبة

[asma'a]

حبيبتي درييم :$

ولا يهمممك ي عسل من عنووني :$

بس معليش دحين حشرح شابتر 3.. عشان البنوتة عندها اختبار بكرة.. :$

----------------------------

سوسووو

طيب ي بطتي ...

هذي أهم الأشياء اللي في شابتر 3..

حمسك من كل جزئية مثال وحشرحه..

شوفي ي بطتي مثال 3.1..

يقولك خزني رقم 7.. في 8 خانات باستخدام الـ unsigned..

هذا الشيء أسهل حاجة في دا الفصل... لأن مافي اشارات.. فحنحولو لباينري بالطريقة اللي تعلمناها في شابتر 2.. وإذا طلعت الخانات اقل من 8.. نضيف أأصفار عاليسار.. لأن في الاعداد الصحيحة الأصفار عاليسار ماحتأثر عالرقم..

في ذا المثال حيطلع الناتج 111.. وعشانو أقل من 8 خانات حنضيف 5 أصفار عاليسار..

................

في الـ unsigned.. إذا حولناه لباينري وطلع أكثر من عدد الخانات المطلوبة.. وغالبا يطالبنا ب 8 خانات.. يعني لو طلع الناتج أكثر من 8 خانات.. لن يتم تخزين الرقم.. وهذي الحالة تسمي overflow..


----------------------

مثال 3.3 ..
يقلك الرقم متخزن بالباينري.. طالب منك الرقم بالديسيمال.. حتحوليه عادي زي شابتر 2..

-----------------------------------

بالنسبة للـ sign & magnitude..

هنا الإشارة حتكون مهمة.. فلازم نحجز للإشارة.. آخر خانة عاليسار.. والـ (0) حيمثلنا الاشارة الموجبة والـ (1) يمثل الإشارة السالبة..

شوفي مثال 3.4..
يقولك خزني الرقم +28 في 8 خانات..

في البداية وقبل كل شيء.. حطي 8 خانات ع جمب.. _ _ _ _ _ _ _ _

آخر خانة عاليسار حطي فيها الإشارة الموجبة.. _ _ _ _ _ _ _ +

دحين حولي رقم 28 للباينري ومثليه في الـ 7 bit الباقية.. حيطلع الناتج 11100

عبي الفراغات .. 11000 _ _ +

الخانتين اللي عاليسار حتعبيها أصفار.. عشان تكمل 8 خانات..

ملاحظة ... + = 0 <== بس عشان تفهمي معايا وتعرفي إنها خانة خاصة بالإشارة حطيتها بالموجب..

يعني الناتج الأخير حيكون 00011100

----------------

متى حيطلع overflow..؟؟

مثلن طلب منك تمثيل رقم في 8 خانات..

طبعن وحدة من الخاانات دي حتكون خاصة بالإشارة..
وال7 الخانات الباقية حتكون لتمثيل الرقم..
فإذا حولتي الرقم لبااينري وطلعت الخانات أكثر من 7.. حيكون overflow.. يعني ماحيتم تخزينوو.. لأن القيمة راح تكون غير صحيحة..

---------------------------

مثال 3.6..

هنا يقولك رجعيه لديسمال.. هوا أعطانا 01001101

زي ماقلتلك آخر خانة عاليسار حتكون للإشارة..

يعني الصفر اللي عاليسار تشيليه وحطي ع جمب انوو الاشارة موجبة..

وحتحولي 1001101 للديسمال بنفس الطريقة في شابتر 2..

وحيطلع الناتج +77..

ملاحظة : ex. 3.7 حل الكتاب غلط .. الناتج الصحيح -33..

بررررب ^_^

[SoSoooo B]

ياناااااااااااااااااسو عليكي وربي انك مرررة عسل
ربي يخليكي ويوفقك دنيا واخرة وماشاء الله شرحك رووعة زي صاحبتو
بانتظارك

[أسطورة الريف]

الله يسعدك يارب

[dreamwhite]

مررررررره شكرا يااعسل اوكي انتظرك وانا بعد بكرا اختباري معهاا ..

[SoSoooo B]

دريم اشبك بكرة الاختبار من 12 الى 1 ؟؟؟

[asma'a]

الـ two's complement ..

مثال..: جيبي الـ two's complement من 011010..


ينحل بطريقتين ..

أول طريقة..

two's complement = one's complement +1 ..

طبعن أول شيء نجيب الـ one's complement من الرقم وبعدين نجمعه مع الواحد..

الـ one's complement هو عبارة عن flip.. يعني بدل الواحد تحطي صفر وبدل الصفر تحطي 1..

يعني 011010

حتصير 100101

دحين نجمعها مع الواحد ..
100101
+
1
------------
0 وترفعي الواحد لفوق الصفر.. وتجمعي صفر + 1 = 1.. والباقي حينزل زي ماهو..
فـ حيصير الناتج
100110 = two's complement

ملاحظة.. الأستااذة قالتلنا انو 1+1 = 10
و 1+1+1 = 11

الطريقة الثانية (أسهل من الطريقة الأولى) حتمشي من اليمين لين تشووفي أول خانة فيها 1 في العدد اللي أعطاكي هوا.. 011010 ..
وفي المثال حقنا.. أول واحد اللي بالأحمر 011010
من بعد أول واحد تعملي flip .. يعني حتغيري الصفر لواحد والواحد لصفر..
حيطلع الناتج.. 100110

.........................

في صفحة 51 حلوة الملاحظات اللي كاتبها..

يقولك اذا تبي تخزني أي عدد.. شوفي اذا كان العدد موجب.. حتحوليه لباينري عادي.. وحتزودي أصفار عاليسار إذا طلعلتلك الخانات أقل من عدد الخانات المطلوبة في السؤال..
لكن إذا كان العدد سالب.. حتحولي العدد أول شيء لباينري.. وبعدين تجيبي التوزكومبلمنت منوو.. وحيتم تخزينه بالتوز كومبلمنت..

ملاحظة.. فقط في الـ sign & magnitude.. تحجزي خانة للإشارة..

شووفي مثال 3.12..

يقولك يبا يخزن 28 في 8 بت.. حتحوليه عادي لباينري.. وتزودي الأصفار لو طلع عدد الخانات أقل من 8.. وهنا زودنا 3 أصفار..

ملاحظة.. عشان ماتلخبطي ي بطتي.. في حالة كان الرقم موجب.. راح تعامليه زي الـ unsigned.. تحوليه لباينري عادي.. وانتهى الموضوع..

لكن في الحالة السالبة زي مثال 3.13
حتحوليه أول شيء بالطريقة العادية.. وبعدين تجيبي التوز كومبلمنت منوو..

------------------------

الـ overflow هنا.. حيكون نفس اللي قبل.. إذا طلع عدد الخانات أكثر ماحيتم تخزين الرقم..

------------------------
دحين حقولك كيف ترجعيه لديسمال من باينري..

أول شيء تعرفي إذا كان العدد موجب أو سالب.. من آخر رقم عاليسار يعني (0 أو 1).. بس زي ماقلتلك هنا بس تحتاجي دا الشيء عشان تعرفي متى تستخدمي التوز كومبلمنت.. يعني حتتعاملي مع 8 خانات عند التحويل لديسيمال (بشكل أوضح.. ماتحذفي الخانة الثامنة وتتعاملي مع 7 خانات زي الـ sign & magnitude..)

شوفي معايا مثال 3.14.. 00001101

مدام العدد موجب.. راح تحوليه لديسيمال بالطريقة العادية..

لكن شوفي معايا مثال 3.15 .. 11100110

هنا انتي عرفتي من الواحد اللي عاليسار انو العدد سالب..

حتجيبي التوز كومبلمنت من العدد.. عشان ترجعيه لأصله..

وحيطلعلك 00011010

ونجيب الديسميال منوو.. وبعدين في الاخير نحط جمب الناتج (-).. لأننا عرفنا ان العدد سالب من السؤال.. حيطلع الناتج -26

معلومة : لما تجيبي التوز كومبلمنت من العدد مرتين يرجعوو لأصلوو..
يعني مثلن لو جبتي.. التوز كومبلنت من العدد 00011010
حيطلعلك 11100110
ولما ترجعي تجيبي منو التوز كومبلمنت حيرجع للأصل اللي هوا 00011010

إن شاااء الله تكووووني فهمممتي علياااا :P ..

بعد ماأشرررررح آخرررر نقطة بنزلك أجوبة كم سؤال من البروبلمز عشان تختبري نفسك فيها وتشووفي كيف فهمك ^_^..

برررررررررررب :$

[عزتي مالها حـد]

^

!!
متأكده من 12 لـ 1??????انا شعبةdb

[عزتي مالها حـد]

اسماااء الله يوووفقك يآآرب

[asma'a]

أسطوورة وسووسوو ودرييييم وعزتي :$

ولوو احنا في الخدمة :$

دحين حكمل شررررررح ولوو مافهمتوو شيء اسألووو.. ومايردكم إلا كيبووردكم :p..

بررررب :$

[الفيصل الأخير]

في مكتبة دار حافظ يوجد كتاب بنك المعلومات للمادة
الدكتور يجيب أسئلة منه
وهو يفيد في المراجعة ويعطيكم نماذج كتيرة للإختبار