الهيئة السعودية للتخصصات الطبية

[سكون الورد k.a.u]

المشاركة الأصلية كتبت بواسطة كوكتيل حسب معلوماتي ان المنتسب والمنتظم يخضعون لإختبار هيئة التخصصات وفي حال عدم اجتياز الاختبار يعاد لمره واحده وفي حال لم يجتازه ايضاً يضطر للتقديم من جديد ودفع الرسوم واعتقد انها 1500 ريال والله اعلم

انا هذا كله اعرفه ...

لكن ماعدااااا ان الانتساب نفسهم نفس الانتظام !!

لان معلوماتي تقول ان حنا اقل منهم ومانقدر نصير اخصائيين الا بعد الماستر !!!

وهذا اللي مجنني لان الماستر بطلوع الروح عشان ممكن يصير لك نصيب فيه !!

[سوار الغلا]

لو سمحتووو وضحو لي الموضوع اكثر موفاهمه اش السالفه واش الفايده بالله اشرحوووولي الموضوع وكيف تخصصات كيف يعني ؟؟ >> اول مره اسمع بكدا

[بنوته...]

دا التدريب بيكون بعد اخر سمستر صح؟؟

قود لاك

[سكون الورد k.a.u]

المشاركة الأصلية كتبت بواسطة سوار الغلا لو سمحتووو وضحو لي الموضوع اكثر موفاهمه اش السالفه واش الفايده بالله اشرحوووولي الموضوع وكيف تخصصات كيف يعني ؟؟ >> اول مره اسمع بكدا

اذا تبين تتخذين المسار الطبي وليس التربوي ... يعني تصيرين اخصائية نفسيه بالمستشفى ، الصحه النفسيه ، مستشفى الامل .... الخ

فأنت ِ يلزمك تخضعين لاختبار الهيئة السعودية للتخصصات الطبية وهذا الاختبار يكون بعد ماتنهين البكالوريوس حق علم النفس والاختبار هذا يكون بكل شي آخذيته بالبكالوريوس وباللغه الانجليزيه واذا نجحتي فيه فإنت ِ بهالحاله تقدرين تقدمين ملفك على ديوان الخدمه وتاخذين سرى وتحترين وظيفتك اخصائية نفسيه في أحد المنشئات الطبيه كما ذكرت سالفاً ...

وطبعاااا هذا الاختبار ماراح تختبرينه الا بعد ماتاخذين دورة تدريبيه بالمدة اللي تبينها اتوقع مو اكثر من سنه في آحد تلك المنشئات المذكورهـ أعلاهـ ..

وبس سلامتك

^_^


دمتم بود

[سكون الورد k.a.u]

المشاركة الأصلية كتبت بواسطة بنوته... دا التدريب بيكون بعد اخر سمستر صح؟؟ قود لاك

لا ياقلبي ...

التدريب اللي تقولين عنه هذا عبارهـ عن مادة عندنا بالخطه تدريب 1 وتدريب 2 ... وانت ِ تقصدين تدريب 2 .. هذا متطلب دراسي عشان تنهين مواد البكالوريوس وماله شغل سواء تبين تربوي ام طبي ! لكن مو هذا موضوعنا ^_^

موضوعنا يتمحور في مابعد البكالوريوس .. اقري ردي على الاخت سوار الغلا وتفهمين السالفه

^_^


دمتم بود

[سكون الورد k.a.u]

وانا ابيكم تعرفون شغله وحده بس ...

ان سبب كتابتي للموضوع هذا ... هو ؟؟

اني ابي اعرف هل هذا الاختبار يشمل الانتظام والانتساب وتعليم عن بعد ... ام فقط الانتظام ؟؟؟

وانه على الانتساب والتعليم عن بعد الحصول على درجة الماجستير لكي يصبح أخصائي نفسي ثم يخضع لاختبار الهيئة السعودية للتخصصات الطبيه ..

ولا زال السؤال حااااائراً

دمتم بود

[كوكتيل]

يا اختي الفاضله بإختصار ان الي عندي خبر عنه لأني سألت واستفسرت كثير يختلف الوضع لكن مو مهم موضع انتساب وانتظام ابداً المهم كم مدة التدريب وتختلف المسميات مثال باحث نفسي واخصائي نفسي والي يجعله مختلف من مسمى لأخر هو الفرق في الدرجة العلمية الحاصلة عليها وفترة الخبرة بمعنى بكالوريس + تدريب 6 اشهر له مسمى و ماجستير + تدريب معين له مسمى وهكذا

ان شاء الله قدرت افيدك وتحياتي لك

[المبتعث]

وعليكم السلام ورحمة الله وبركاته . . .

حياكم الله جميعاً . . .

موضوع يستحق النقاش وشيء طيب ومفيد للجميع إننا نتناقش فيه ، وما قصرت الاخت احساس ، أفادت وأجادت ، لكن لدي شيء أحب أضيفه ، سبق أن سألت عن هذا الموضوع بالنسبة للانتساب فأفادوني بما هو آت ( أن طالب الانتساب دراسته أكاديمية بحته ـ يعني ما فيها عملي وتطبيق ـ وعلشان تعتمد يجب أن يتدرب الطالب بعد التخرج في أي مستشفى معتمد للتدريب وبفلوس طبعاً ـ ويحضر شهادة بذلك بعدها يجب عليه الاختبار بهيئة التخصصات وهنا تكمن المشكلة وهي أن الاختبار باللغة الانجليزية وهو عباره عن خمسون سؤالاً وبمدة ستون دقيقه ـ يعني يا تلحق يا ما تلحق ويجب عليه أن يكون ملم باللغة الانجليزية إلمام كامل حتى يتجاوز الاختبار وفي حالة رسوبه في الامتحان يستطيع الاعادة بمبلغ رمزي أعتقد اربعمائة ريال ما ني متأكد ، وهناك تقريباً ثلاث محاولات للاختبار بعدها يفتح الله ـ وتصير الشهادة مالها أي قيمة ـ ( يعني نبلها ونشرب مويتها ) .
الجدير بالذكر أنه بعد ما تفتح لك الهيئة ملف بأي مستشفى وتجد صعوبة في التعامل معهم ، لا يمكن تسحب ملفك إلى مستشفى آخر .
الجدير بالذكر أن أحد طلاب جامعة الملك عبد العزيز والذي تخرج قبل فصل دراسي من الآن لا يزال عالق بمدينة الملك فهد الطبية بالرياض وهناك محاولات لنقل ملفه بمستشفى الملك خالد الجامعي على أمل أن يخرج من هذه الازمة . ..
آمل ممن لديه إضافة أن لا يبخل علينا بها . . .
شاكراً للجميع حسن تعاونهم

[سكون الاعماق]

المشاركة الأصلية كتبت بواسطة احساس سكون الاعماق من شروط الهيئه الصحيه للحصول على رخصه مزاوله المهنه للاخصائي النفسي التدريب 3 شهور - الحصول على دوره سي بي ار (تؤخذ في يوم واحد) وبعدها يتم تسجيلك عندهم لكن ماعندي علم هل نخضع لاختبار الهيئه او لا ؟ سواء منتظمين او منتسبين

شكرا لك اختي احساس لاحرمت الاجر..


وطالما ان هذا الموضوع فتح لدي سؤال اتمنى اجد من يفيدني ليحقق امنيتي ووالله انني لن انسى صنيعه ماحييت...حقيقة انا ارغب في ان اكون اخصائية نفسية ولكن ليس في مستشفى انما في دار ايتام اوالاحداث اواي دار للرعاية الاجتماعية فهل يتطلب ذلك كل هذه الطلبات من الهيئة الطبية .بالمختصر هل تكفي شهادتي البكالريوس للقبولي اخصائية في احدالدور ام لابد من اجتيازاختبار الهيئة الطبية ...

[سكون الورد k.a.u]

المشاركة الأصلية كتبت بواسطة كوكتيل يا اختي الفاضله بإختصار ان الي عندي خبر عنه لأني سألت واستفسرت كثير يختلف الوضع لكن مو مهم موضع انتساب وانتظام ابداً المهم كم مدة التدريب وتختلف المسميات مثال باحث نفسي واخصائي نفسي والي يجعله مختلف من مسمى لأخر هو الفرق في الدرجة العلمية الحاصلة عليها وفترة الخبرة بمعنى بكالوريس + تدريب 6 اشهر له مسمى و ماجستير + تدريب معين له مسمى وهكذا ان شاء الله قدرت افيدك وتحياتي لك

واللي فهمته من كلامك انه ممكن اصير اخصائيه اذا:

حصلت على درجة البكالوريوس بمعدل عالي و اخذت فترة تدريب كافية (اتوقع اني راح آخذها سنه ان شاء الله) ثم بعد ذلك اخضع لاختبار الهيئة السعودية للتخصصات الطبية .

واتوقع ان سنة التدريب راح استفيد فيها من ناحية تقوية لغتي الانجليزيه يعني آخذ دبلوم انقلش + اتحاور واتخاطب مع موظفات الجهة التي سأتدرب بهاااا

لو الشي هذا صحيح عز الله ان القلق اللي فيني بيروح وأقر وءآمن وارتاح واصب جااااام تركيزي على الاعتناء بمعدلي اكثر من ذلك ^_^

الف الف الف شكر لك ... وعز الله انك افدتني ... وتحاياك اوصلت

لاخلا ولاعدم


دمتم بود