>>حتى وإن تألمت اجعل للوفا خاطر<<

[متاخره واااايد]

مساء الخير ياحلوين

ترى انا اول مرآآآ اكتب بدا القسم

واليوم جايبتلكم شي من خواطري اتمنى تعجبكم

الصراحه انا حطيتها بمنتدى قبل كده

وماراح اتكلم عن الردود

ابغا اشوف ردودكم انتو

اسمها <<حتى وإن تألمت اجعل للوفاء خاطر>>

سألتك يوم القا بيننا صار محدود

بتنساني ولاذكراي بالقلب موجود

جاوبتني والصدق فيك مهدود

اكيد ذكراك دوم بقلبي مردود......وشلون انسى احلى ايامي والوعود؟؟........

وشلون احد ينسى عمره والعمر معدود ؟؟؟

كنت ابي يكون هذا جوابك وكان

وضنيت رغم الفراق بالجواب بسعد

اتاري حسيت بكــلامك اني بالنسيان موعود

وفي لحظه ضاع الصبر مني وتحاشيت عيونك

ودرت عنك لجل اداري دموع حرقت من الالم خدود

هزيتني وش فيك؟؟ تدرين مو بإيدي تراني بالهجر مقيود

قلت بلحظه استهتار ندمت عليها طول عمري :

قصدك جبرت الهجر

لجل يصنع لك من سلاسله أقيود

خافني صوت الهوا وصوت نفسك المزيود

ومن غير مااناظرك وابين اني لك مشدود

حسيت انه بعيونك شراره كانت على عجزك دليل

قلت لك بأسلوب كبرياء خفاياه حب موجوع : على فكره لو تبي الهجران كنت جفيت ومن حياتي

اختفيت ..مايحتاج تجي لجل تعبر.. ولايمكن احساسي تصبر

وجيت تبي تقول لي احبك بس اسف غيرك ملكت؟!

تبي تقلي ابيك بس غيرك خذيت؟!

تقول لي عشقتك بس غيرك اناظر؟؟ّ!

مشكوور انك راعيت المشاعر...,,بس تظن انك كده راعيت المشاعر؟؟؟؟؟؟؟؟

قلت لي: اللي يحب يوفي حتى لو كان الوفا جارح للمشاعر

وانا قلت لك: شكل الوفا له عندك خاطر ...

عم السكـــوت واختفت انفاسك الحاره

بكل خوف التفت لقيتك اختفيت ومن حياتي انمحيت

ومــــــرت السنــين ......

وفي يوم رحت لجل فستان فرحي اشتريه وفي السوق ماأحس الاوتنسحب عباتي

واناظر تحتي واشوف احــلى ماخلق ربي ...بنت تقوول القمرو تبتسم لي

قربت منها وسألت حبيبتي وش اسمك ؟؟؟

الا اسمع صوت يناديني ..صوت ماقدر انساه .. صوتك؟؟؟ التفت وراي وشفتك

بس انت ماكنت تناظرني كنت تناظر البنت الصغيره وتنادي

مــعقــوله ما نساني؟؟؟؟

وسمى بنته بإسمي ؟؟!

مــعقوله كــلامه صحيح واني كنت فــيه عمر عاشه وماتنسى؟؟!!!

رجعت البيت ابكي ومرت الايام وانا فيك سهرانه

وكنت ابي ادق عليك ابي اتكلم وياك ولو مره

ابي لنهايتنا مثل ماأنت قلت يكون فيها للوفا خاطر والصدق بلا ميعاد

ابي للفراق بسمه تنحفر بالذاكره .... ماأبي النهايه تكون تجريح ودموع

ابيه وداع احبه فيهم الامل عايش ...

مسكت جهازي ودقيت عليك......

رغم السنين مادريت اني بفتكر رقمك

وكأني توي كــلمتك

رقمك مثل حبك بالذاكره محفور

قبل لايرن ترددت ومن الخوف قفلت

خفت لاتسأل :منو انتي؟

ويموت الامل بالذكرى فـيني

وتراجعت عن الاتصال .. ومرت الايام

وبيوم زواجي وانا بغرفتي اتجهز

نادتني اختي لجل اسلم على صديقاتها

إلا وحده منهم كأنها افتكرت شي

وجلست تحكي وتقول تصدقون يابنات قبل يومين توفى واحد يعرفه ابوي

الله يعافينا كان فيه سرطان بسبة التدخين .....

مادري انا وش حصل فـيني وانقبض قلبي وافتكرتك يوم تدخن وانا فيك اصرخ واقول :في يووم هذا

التدخين بياخذك مني ويقربك للموت

وانت تضحك قلت: لوبقرب من الموت هذا بسبب بعدك

وقلت لك :لا على كده الموت عنا بعيد وجلسنا نضحك ......

بعدها انتبهت للبنت اكثر واهي كفت الحكايه البنت تقول:تصدقون لما رحت العزا سمعت زوجته تحكي ام

المرحوم تقول قبل لايموت كان يردد اسم بنته ويناظر الباب وكأنه منتظرها تجيه والغريب ان بنته

بجنبه .... تصدقوووون اسم بنته مثل اسم اختك ياوريف( وريف هذي اختي )

وريف قالت : قصدك وعد؟ ( وعد اختي الصغيره )

قالت البنت لا اختك العروس مو اسمها ورده؟ ايه بنته بعد اسمها ورده

انا الصدمه من هالدنيا طيرتني ورجعتني لزمان اول لحب(ن) سرقه مني القدر

وانفاسي اختفت ...كملت البنت اما امه صارت تبكي بصوت وتقول انا السبب سامحني ياولدي اهو جاني

يقول يبيها وانا اللي رفضت وعاندت وقلت ماتاخذ الا اللي انا اختارها واللحين ولدي مات من غير مايشوف حلمه ....

تصدقون كان يحب وحده وامه ماوافقت ومن كثر حبه لها سمى بنته عليها

وقبل لايتوفى كان يناديها .....

انا دمـــوعي فلتت مني وصرت اتنفس بصعووبه والبنت لاحظتني وسكتت

والكل يناديني ورده وش فيك؟؟؟

صرخت وقلبي يرجف نــــايف ؟؟؟؟؟؟؟؟؟؟؟؟؟

البنت تفاجأت قالت ايه كان اسمه نايف تصدقي لي ساعه ابي افتكر اسمه بس ماحضرني

بعدها مادري وش حصل ماحسيت بحالي.. واغمى علي

ماعرفت ليه في لقانا الاخير فيك ماتوصيت ولا بتعبك حسيت وزدت على جروحك مني جروح

بس ماقدرت استحمل تروح روحي وانا اناظر

وكان الالم اكبر من اني احط السبب للقدر وبغيت ألوم فيه احد

مالقيت احط وجعي غير في اللي انوجعت فيه ..وهو انت

ظنيت في صدقك معي وقتها انك ماتبيني وانك بإيدك محيتني

وماحسبت حساب رهبه الموقف وكيف قدرت رغم حبك تناظر محبوبك والجرح تهديه..

كيف تفهمه انك تحبه وشاريه ..ورغم كده اخترت غيره تماشيه

كيف قدرت توقف لجل تقول لـ هنا وطريقنا انتهى ..واخترت من يواصل وياك باقي الطريق

ااااااااااه لو يرجع زماني وألتقي فيك ثاني كان احضنك لين أعيى وإن عييت ابقى بحضنك لجل اشفى

تدري وش عرفت وانت مني بعيد صار الدمع لي اقرب الخلان

والبسمه مثل المطر بأوقات ومواعيد

ولاهلت دقايق بثواني تنمحي

عدى عمري وانا كنت فيك ألوم وكل تعبي ارجيه فيك

مادريت انه تعبك ضعف تعبي وانك لقاي ترتجيه؟؟؟؟؟؟؟؟؟؟؟؟؟؟؟؟؟؟؟؟؟