التخطيط الاستراتيجي تعالو نشتكي عند العميد

[okتعبان]

طيب ياجماعة مانبي كلام نبي حلوووووول

[بو ماجد]

السلام عليكم جميعاً
خلونا نبدأ نتفاعل مع الموضوع لآن حرام واحد زي هذا المتجنس يقعد يتحكم فينا
المهم أنا سويت اتصالات مع واحد من جيراني اخوه مدير الإدارة في الجامعة وماقصل قالي رحله وقله جايك عن طريق فلان وهو بيهتم بالموضوع وقال لو مالقيته في واحد ثاني بعد يمون عليه قالي ابد روحوا لأي واحد وأنا بعطيهم خبر بالموضوع
المهم الحين لازم واحد في جده يفزعلنا ويروح الجامعة في جده ويروح للرجال ويتفاهم معه بس المهم أول خطوه لازم ناخذ كشف الجماعة إلى حملوا المادة

أنا كلمت ابو سيف قبل شوي وتفاهمت معه

[غامد والقلب جامد]

انا ماشفت نتيجتي وتوقع حالي من حالكم وانا معكم
اعتقد ان السبب في كمية هاذا الرسوب الجماعي حسب ماوصلني هو ان الاسئله تسربة عشان كذا الدكتور رسب الطلاب حسبي الله عليه

[Tamim]

انا معكم ، مع اني ناجح الحمد لله لكن الدرجه سيئه وغير متوقعه ابدآ ...

صار عندي اقتناع ان الدكتور عدنان بالخيور ما اكتفى بتغيير الاسئله وتحريف الاجابات ، لكن اتوقع والعلم عند الله انه تعمد خصم درجات على اغلب الطلاب بطريقه معينه بحيث اعلى درجه ماتتعدى 68 في حال النجاح ...

اذا كانت الاسئله تسربت فله حق يغيرها ، لكن ماله حق يعاقب الطلاب على شيء اغلبهم مالهم ذنب فيه ، فيه طلاب كثيرين مذاكرين الماده و فاهمينها وهي اصلا ماده ليست بتلك الصعوبه والاسئله حتى بعد ماتغيرت وتم تحريف في الاختيارات ما توصل لدرجة الرسوب الجماعي والدرجات الضعيفه ، يعني مو معقول مافي طالب ماجاب درجه في الثمانينات او السبعينات ...

طبعآ انا ملاحظ في اكثر من موضوع انه في شباب يقولون انهم دخلوا بورقة الاسئله المسربه الى الاختبار وانهم حلوا نفس الحل تقريبآ ويستغربون الدرجات الضعيفه لكن يمكن ماركزوا في الاختيارات وبعض الاسئله الدكتور تعمد يغير كلمه او حرف تغير من معنى السؤال او الاجابه ...

على العموم انا معكم ولابد من تنظيم احتجاج جماعي مرتب ، يعني تبون نكتب معروض باسماء جميع الطلاب المعترضين و بلغه واضحه و قويه ونقدمه لعميد الكليه ونطالب باعادة التصحيح مره اخرى تحت لجنه مستقله وكل واحد ياخذ حقه باذن الله ، وما يمنع اننا نكثف اتصالتنا بوكيل العميد ورئيس القسم ولعى قولتهم : (العيار اللي مايصيب يدوش ) ...

[مستشفى]

اتكلم عن نفسي اول ما استلمت النموذج ولقيت التغيير و اللفات ولاحظتها وعندي ماشاء الله ناس حاضرين الدورة و مذاكرين من مذكرة المعتمد ماهي تبع الدكتور و راجعوا من مذكرة الدكتور واخذوا الاسئلة من فترة وحلوها بانفسهم ولا حظوا اللي انا لاحظته من التغيير و اللفات
وفي النهاية 60 و رسوب.......
والاخ تميم عز الله انك صادق بخصوص الطلبة اللي دخلين بالاسئلة عيني عينك وقدام الدكتور و المراقبين وانا اخوك في الله ماخذ زواية وحاطها بوسط المذكرة وماغير اتلفت يمين و يسار كني اسرق ههههههههه

[المهتدي]

انا معكم ... الله ينتقم منه

[Abo staem]

أنا معكم

[ابو سيف 11]

المشاركة الأصلية كتبت بواسطة حامد 55 انا معاكم واي شي تحت امركم وبكره طالع الجامعه وراح اقابل اي واحد يشووف لنا حل بالموضوع

ياخي خل نتواصل معاك دق علي عشان اوجهك للدكتور عدنان وتاخذ ارقامنا الجامعية

عشان ممكن نكتب شكوى جماعية باسماء كل الموجودين وارقامهم الجامعية 0545797795

[ابو سيف 11]

اللي يروح الجامعه يرد لنا خبر وش يصير معه

بالتوفيق

[طقطقه]

فأقترح احدى الطريقتين :
1/ نتفق على صيغة معينة للخطاب ونقوم بإرسالها لك عن طريق الإيميل أو عن طريق الفاكس موقعه من كل طالب .
2/ أو نكتفي بطرح رقمنا الجامعي في المنتدي كرغبة منا في إعادة التصحيح .
واذا تم الاتفاق على الطريقة الاولى فهذه صيغة الخطاب المقترحة .. ولامانع من التعديل عليها

سعادة رئيس قسم الإدارة العامة الموقر
السلام عليكم ورحمة الله وبركاته ...
نفيد سعادتكم نحن الموقعين ادناه باننا طلاب قسم الادارة العامة نظام الانتساب ولا يخفى على سعادتكم مدى معاناتنا في السفر والمذاكرة وترك مقرنا المعيشي وترك مصالحنا من اجل الحصول على العلم وعلى الدرجة الجامعية ، وفوجئنا جميعاً بل ذهلنا في نتيجة مادة التخطيط الاستراتيجي للفصل الدراسي الاول من العام 1432هـ التي يتوقع أقل المتشائمين منا بأنها لن تنزل عن الــ 80 درجة فما بالك بالمتفائلين ، علماً بأن درجاتنا تتراوح مابين 60/62/64/f رغم اننا متأكدين جميعاً من حلنا لأن غالبيتنا حمل المادة مرتين على أقل تقدير . ونتوقع سبب تدني الدرجات هو حسم درجات من كل طالب من قبل الدكتور عدنان بالخيور بسبب ظهور اسئلة مشابهه في المنتديات ، ونرغب جميعاً بإعادة تصحيح الدرجات وإعطاء كل ذي حقٍ حقه .
لذا نأمل من سعادتكم التفضل بالإطلاع وتعميد من يلزم بمراجعة إجاباتنا بدقه .
ولسعادكتم فائق التقدير والاحترام ،،،

أبنائك الطلاب
الاسم / الرقم الجامعي