كــم ســؤال عــن الـصــيدلــة . | . عــن سـنـة ثــانـي .. ~

[sniper-1100]

للامانه كلام زي العسل ويثلج الصدر


بس عندي كم استفسار اذاسمحتوا ...


اتمنى لوكل وحده تقولنا الوضع من اول مادخلت الكلية
يعني من الساعه كم الى كم الدوام؟ هل الجدول موحد لجميع الطلاب؟ وهل الشعب موحده؟ وهل اختلفت ساعات الدوام الترم الاول عن الثاني؟
وكيف طريقة الاختبارات هل هي زي السنه التحضيرية دوري 1,2ونهائي ؟ ولا اكثر من كذا ..
*ومن فين تذاكرو وكيف تذاكروا ا؟

هل زي التحضيريه ملخصات وكذا ولا كل دكتور له ملخص ولا انتم ماتذاكروا من الملخصات حتى وان كانت موجوده ؟
اخيرا..هل تيدوني اخذ اللغه العربيه والثقافه الاسلاميه صيفي عشان اخفف على نفسي الضغط ولاماتؤيدوني؟
هل الصيدله اقسام لازم احدد من البدايه ولاكيف لانه موقع الجامعه مكتوب صيدله كيميائيه, .طب البديل....



اخيرا اسال الله ان يوفقكم دنيا واخره قولوا امين

وسامحوني تعبتكم

[drug]

للامانه كلام زي العسل ويثلج الصدر بس عندي كم استفسار اذاسمحتوا ...

تفضل خد راحتك :)

اتمنى لوكل وحده تقولنا الوضع من اول مادخلت الكلية يعني من الساعه كم الى كم الدوام؟ هل الجدول موحد لجميع الطلاب؟ وهل الشعب موحده؟ وهل اختلفت ساعات الدوام الترم الاول عن الثاني؟

الدوام يومياً من 8 و ينتهي على حسب أحياناً 3 أو 4 أو 5 و أحياناً على حسب شغلك في المعمل يعني لو زبطت التجربه بسرعه تخرج بدري و هكذا
و الحمدلله بالنسبه ليا يمكن مره وحده بس خرجت 5 يعني لحد ينفجع ^ــ^

الشعب تكون موحده يعني شعبه للأولاد و شعبه للبنات و طبعاً الجدول للأولاد موحد و للبنات موحد

بالنسبه لساعات الدوام في الترم الأول في ماده ما نأخدها الترم التاني
و في الترم التاني في معمل ما نأخده في الترم الأول
بقية المواد نفسها بالزبط يعني مافي اختلاف يذكر بين الترمين

وكيف طريقة الاختبارات هل هي زي السنه التحضيرية دوري 1,2ونهائي ؟ ولا اكثر من كذا .. *ومن فين تذاكرو وكيف تذاكروا ا؟ هل زي التحضيريه ملخصات وكذا ولا كل دكتور له ملخص ولا انتم ماتذاكروا من الملخصات حتى وان كانت موجوده ؟

الإختبارات حسب الماده
مواد التخصص ميد تيرم و فاينل بس
و المواد التانيه :
الفسيولوجي كويزات و في النهايه فاينل
البايو كمستري كويزات و ميد تيرم و فاينل
الأناتومي و الهستولوجي ميد تيرم و فاينل

بالنسبه للمذاكره نذاكر من الشيتات إلي يعطونا هيا الدكاتره
و أحياناً إحنا نسوي ملخصات لنفسنا

اخيرا..هل تيدوني اخذ اللغه العربيه والثقافه الاسلاميه صيفي عشان اخفف على نفسي الضغط ولاماتؤيدوني؟

أنا عن نفسي أشوف الموضوع ما يحوج أضرب مشوار كل يوم في عز الحر على عربي و ثقافه
يعني هيا مجرد حتذاكرها يوم الإختبار و خلاص
بس طبعاً القرار لك

هل الصيدله اقسام لازم احدد من البدايه ولاكيف لانه موقع الجامعه مكتوب صيدله كيميائيه, .طب البديل....

لالالا إنتا مالك في دي الأشياء دي للي تخرجوا من الكليه دحين إنتا بس تدخل صيدله و بعدها يحلها ربنا

اخيرا اسال الله ان يوفقكم دنيا واخره قولوا امين وسامحوني تعبتكم

آميييييييين يارب جميعاً
خذ راحتك ^ــ^

[ميعاد]

ماشاءالله دررق مااقصرت في اي حااجه ..

خلينا نخلص من الاختبار على خيير ان شاءالله وتطلع نتايجكم , ان شاءالله محنقصرمعاااكم..

[sniper-1100]

الله يوفقكم وييسر اموركم قولوا امين[/color]

بس اذا كل الطلاب مع بعض احس ان هذا كثير ...اصلا كم طالب يكونوا [العدد]؟؟

دمتم بود

[مشمشانا]

ما شاء الله درق ما قصرت ..
و ميعاد كمان ...
اعذرونا بكرة اخر اختبار لنا ادعولنا و ان شاء الله بنكون هنا معاكم و نساعدكم على قد ما نقدر

====

شعبة البنات حوالي 70 بنت و الاولاد اعتقد 45 مو متاكدة
البنات في العملي ينقسمو قروبين و الاولاد قروب واحد

[Qotaiba HBK]

المشاركة الأصلية كتبت بواسطة مشمشانا ما شاء الله درق ما قصرت .. و ميعاد كمان ... اعذرونا بكرة اخر اختبار لنا ادعولنا و ان شاء الله بنكون هنا معاكم و نساعدكم على قد ما نقدر ==== شعبة البنات حوالي 70 بنت و الاولاد اعتقد 45 مو متاكدة البنات في العملي ينقسمو قروبين و الاولاد قروب واحد

الله يوفقكم إن شاء الله وتجيبوا أحسن الدرجات في الدنيا وفي الآخرة ^^

وبالنسبة لمقاعد الأولاد مادري أنا سمعت انو 60 مقعد كـ حد أقصى بس الـ 45 انتِ قصدك المتقديمن للكلية بس كانوا 45 طالب .. ؟

[sniper-1100]

[QUOTE=drug

الإختبارات حسب الماده
مواد التخصص ميد تيرم و فاينل بس
و المواد التانيه :
الفسيولوجي كويزات و في النهايه فاينل
البايو كمستري كويزات و ميد تيرم و فاينل


ايش قصدك بنواد تخصص ومالفرق بينهما اصلا كم ماده ناخذ اذا سمحتي تنزلي جدولك اطلع عليه

[sniper-1100]

[QUOTE=drug

الإختبارات حسب الماده
مواد التخصص ميد تيرم و فاينل بس
و المواد التانيه :
الفسيولوجي كويزات و في النهايه فاينل
البايو كمستري كويزات و ميد تيرم و فاينل


ايش قصدك بمواد تخصص ومالفرق بينهما ؟؟ اصلا كم ماده ناخذ اذا سمحتي تنزلي جدولك اطلع عليه...

[drug]

الله يوفقكم إن شاء الله وتجيبوا أحسن الدرجات في الدنيا وفي الآخرة ^^

آمين يارب :)

وبالنسبة لمقاعد الأولاد مادري أنا سمعت انو 60 مقعد كـ حد أقصى بس الـ 45 انتِ قصدك المتقديمن للكلية بس كانوا 45 طالب .. ؟

لا 45 دولا إلي انقبلوا صيدله بالإضافه إن بعض الطلاب يكونوا محولين من أقسام تانيه

ايش قصدك بمواد تخصص ومالفرق بينهما اصلا كم ماده ناخذ اذا سمحتي تنزلي جدولك اطلع عليه

أقصد المواد حقت الصيدله إلي عن الصيدله نفسها و هيا ( صيدلانيات - كيمياء عضويه صيدليه - كيمياء تحليليه صيدليه - مقدمه للصيدله )
لأننا نأخد مواد يأخدوها كل الكليات الصحيه و تعتبر مواد طب أو أقسام تانيه و هيا ( علم التشريح - على الأنسجه - علم وظائف الأعضاء - الكيمياء الحيويه )

عدد المواد إلي نأخدها الترم الأول 10 مواد مع العربي و الثقافه و الترم التاني نفس المواد بس تنقص ماده وحده إلي هيا مقدمة الصيدله


دا رابط تقدر تشوف فيه الجدول
http://pharmacy.kau.edu.sa/Pages-%d8...%8a%d8%a9.aspx

[Qotaiba HBK]

لا 45 دولا إلي انقبلوا صيدله بالإضافه إن بعض الطلاب يكونوا محولين من أقسام تانيه

النقطة هذي ما استوعبتها كويس .. الله يستر بس :)

حسب ما فهمت اللي انقبلوا دايركت بالصيدلة كانوا ضمن الـ 45 ومن الـ 45 في كذا واحد حول من كلية ثانية .. <- يعني اللي كانوا رغبتهم صيدلة كانوا أقل من 45 .. !، ليش القبول صعب يعني ولا بس هذي المقاعد المتاحة ولا مافي متقديمين كثير زي البنات .. ؟

سؤال آخر : إذا انقبلنا إن شاء الله .. مواد الثقافة واللغة ومدري إيش هي 14 ساعه كلها .. طيب أقدر آخذها ع ترمين صيفين يعني بعد سنة ثالث إن شاء الله ع أساس صيف ما بعد سنة ثالث أخذ 7 ساعات (ثقافتين ولغة) وصيف ما بعد سنة رابع برضو 7 ساعات (نفس الخطة) ولا صعبة وإلزامي ناخدها لأني شوفت الجدول ومكتوب ثقافة ومدري ايه .. ؟