اذا احد يلقى حل لمشكلتي انا في ورطة كبيرة

[سوسن الحربي]

اسمعي يا هيبة شمالية لا تردي علية ابدا هو ما يقدر يسوي شي صدقيني , لا تردي الا على الارقام المعروفة عندك هو دا الحل لا تسيبي واحد يتونس على راسك انتي وراك اختبارات لازم يكون بالك رايق هدا واحد سخيف وصايع .

[فااارس]

علمي واحد من اخوانك بالسالفة, وانتظري لما يتصل مره ثانيه و اعملي تحويل لمكالمته على جوال اخوك و هو يتفاهم معاه.

اول ما حيعرف انه وراكي رجال, راح يبطل من اذيتك على طول.

[نديم الماضي]

السلام عليكم ورحمه الله وبركاته
انا قريت الموضوع لفت نظري او احتضرت للفزعه بسبب كلمه(الشمال) هالكلمه متشبعه بكل قطره دم بوريدي فبكل الحالات مناصر ان كان ظالم او مظلوم....لفت انتباهي بعد الاسم (هيبه شماليه) يعني الاسم غني عن التفسيروكل اسم متوشح صاحبه.... الموضوع فعلا حساس ولاكن شبه مستهلك او متكرر بالمجتمع بس بختصر عليكي بقول لاتخاف على زجاج بيتك دام ماحذفت بالحجر الانسان يكون واثق من نفسه خوفك وتردد يجلب الشك لك انكي خايفه من شي ....فما بما انك الجوال جديد فخليك ياجبل صامت لايهزك ريح... احتمال يسمى الاسلوب الاستفزازي... عشان الللفات الانتباه اول غلط اتصالك عليه هذا رده فعلتوحي على التوتر من ناحيتك المفروض الشخص وبالذات عن طريق البنت الاتصال يايجي صريح معروف الشخص او تجي رساله واضحه الشرح والمضمون.. واجهي اخوانك بالموضوع او اقرب اخو لك ووريه الرساله لان احتمال سكوتك يجيب لك الشك والكتمان على الموضوع يثير حواليكي الاستفهمات اذا كان الاتصال من شخص يعرفك او قريب لك في هذي المواقف القوه والهيبه والثقه مطلوبه واجهي واشرحي الموضوع لان واثق الخطوه يمشي ملك بعدها تطرد كل شمس الظلام.... نصيحه اخويه والامور الشخصيه احتمال تنحل بالمشاوره او التفكير بس هذا موضوع يعتبر موضوع لايخصك فقط يخص من ينتمي لك بنفس الاسم لانه ورد اسمك كامل بالرساله وهذي النصيحه........خاتمه دعوه اللهم استر عوراتنا وعورات المسلمين وامن روعاتنا ورعات المسلمين ونعوذ بالله من جهد البلا ودرك الشقاء وسو القضاء و(شماته الاعداء)لنا وللمسلمين والمسلمات...خليك شماليه وكمليها بالهيبه بمواجهه الصعوبات للصعود على سفينه النجاه ... وشكرا

[مكسورة الحظ]

هيبة قلبي والله كلنا اخوانا نفس الاخلاق عصبيين ..وانا كمان اخواني رافضين شئ اسمه جوال بس اي شي يجي بجوالي ع طول اودي الجوال عندهم واقولهم السالفه مع الرغم تجريحهم لي بالكلام ,بس أحنا اذا سكتنا مو بصلحنا, طيب قلبي ..شوفي قد حصل مع اختي مثلك واحد دايم يدق عليها ويعرف كل شي عنها .مرة قلقنا حاولنا نعرف من هو بس ما عرفنا وكان يهديدها..بس تشجعة وقالت لخوي طبعا عصب وقاعد يخاصمها كانها الغلطانه بس المهم انها ارتاحت صار في رجال واقف معاها . وفي الاخير عرفنا انه واحد من اليمن محرضه واحد من أقربناء يكره اختي..مهما كان اخوانك لزم تعلميهم حبيبتي تشجعي والله والله انهم يحبونك اكثر من عيونهم علي شان كذا يخاصمون..أمكن في وحده من زميلتك ما تحبك تبي تخرب سمعتك بس انتي كوني شجاع وانا معاك وخليك دوم متواصله واعطيني أخبارك اول باول أوكيه

[LMoOo]

غربيه كيف يعرف عنك كل شي


اكيد احد قلو


ماتشكي فاحد ؟

[هيبه شماليه]

عاشقة الندى .نمر من النمور.فارس

نديم الماضي .مكسورة الحظ.سوسن الحربي

يارب مانسيت احد

الله لايحرمني منكم مشكورين

المشكلة صعب التفاهم مع اخواني

وربي لو درو بسون سالفة ويعلمون ابوي وانا ماابغى

الخبر يوصل ابوي لأنة مريض بعدين يروح فيها

ياربي وش اسوي طيب مافية طريقة اتدرج بالموضوع ؟

نديم اشكرك بس لو تعرف اخواني زين كان عذرتني

انا بخبركم اول باول اوكية بس لاتخلوني طلبتكم

امانة امانة امانة

[مكسورة الحظ]

أسمعي ياقلبي وانتي جايه من الجامعه ارمي جوالك في اي برميل حق الزباله..وارجع للبيت بلا وجع راس قولي جوالى أنسرق وانفكي منه..هذا حل لو كنت بمكانك طز طز في الجولات وبلا هم وجع لراسي ..وإن شاء الله يريح ربي قلبك.
الله يهديك بس لو تسمعي كلامنا..

[هيبه شماليه]

مكسورة الحظ ماراح استفيد شي بيقول لأخواني

كل شي وربي اني ما اعرفة

ومستغربة من وين جاب اسمي والمعلومات عني

انا ما عندي عدوات طيب ابغى حل يفكني

من المصيبة اللي ما ادري

من وين طلعت لي

الله يستر بس ادعو لي افتك من المصيبة

[شكلين مابحكي]

اصلا هم لو فيه ذرة رجوله ماسوا كذا .. طنشيه وحطي في بالك الكلاب تنبح والقافله تسير
طنشيه .. هذا النوع مثل الكلاب اكرمكم الله اذا طنشتيه خلاص ماعاد يتصل ..
وغير كذا خليه يقول لأخوك .. اقعدي مع اخوك جلسة مصارحه وفهميه بهدوء ..
مافي شي اسمه غيور.. اكيد مافي احد مايغار على اخته .. وكلنا عندنا اخوان يغارون علينا ..

ومالك الا الدعاء

تقبلي مروري ..

[هيبه شماليه]

ربي يسلمك ويحفظك [شكلين مابحكي]

قبل شوي ارسل مسج يقول انا بزوركم بالبيت بعد كم يوم

وش اسوي يمكن يقول لأخوي السالفة ويصدقة

يارب وش اسوي يارب ساعدني