عذرًا ،، المنتدى مغلق للأبد !!

[بطووطه]

الله يسامحك انا انفجعت من الموضوع
بعدين ردة فعلي كذا
وبجلس كل يوم احاول فيه لين مايحن علي ويرجع
شكرررا على الموضوع

[hadeel a]

أنا بصراحه مره ما أحب المنتديات .. بس ده المنتدى غير ..
أحس كتير في أشياء مفيده و كل اللي في متعاونين و يحبو يساعدو بعض ..
مره قفل بس يوم واحد قبل اختبارات الفاينال بأسبوع ومره زعلت فكيف لو قفل للأبد ..
إن شاء الله ما يسير ده الشي ..
و شكرا A7la remo على الموضوع ..

[دافئ الإحساس]

المشاركة الأصلية كتبت بواسطة hadeel a أنا بصراحه مره ما أحب المنتديات .. بس ده المنتدى غير .. أحس كتير في أشياء مفيده و كل اللي في متعاونين و يحبو يساعدو بعض .. مره قفل بس يوم واحد قبل اختبارات الفاينال بأسبوع ومره زعلت فكيف لو قفل للأبد .. إن شاء الله ما يسير ده الشي .. و شكرا a7la remo على الموضوع ..

فعلا والله

انا كمان نفس الكلام

جميع المنتديات اكرهها مره ولا اطيق اقرا مواضيعهم بالمره

انا مشترك في منتديات كتيييرة

لكن ماعرف عن اسم ولا وحده فيهم

اشتركت عشين ابا اخد حاجه او انزل شي او احدد نص يعني زي كده بس

بالعربي >>مصلحة

وهادا المنتدى بالصدفة كده شاركت فيه

واول ما شاركت وقتها كنت تحضيري وطبعا كنا نساعد بعض

ولازم من المخاصمات في داكا الملتقى >>بس طيبين مره

صراحة كلي يوم باقعد في المنتدى وباكتشف اعضاء اكتر واكتر

فيهم الخير وعقولهم نضيفة >>يعني تعرف تفكر مزبوط وكلامها مقنع

وفي برضو اللي تفكيرها ما عجبني لكن ما علقت عليهم

واحترم ردود الجميع

واهم شي

الله

الاخلاق

حب الوطن

ههههههههههههه

[سكووت]

حترجاهم يقفلو كل شي الا الساحة العامة و الوناسة ..
الساحة العامة خصوصا احسها زي متنفس لغضبي , يوم اكون زعلانة من شي بس افتح الساحة العامة و ااشوف ليا موضوع يحمس و اتناقش , احس بدي الطريقة اني افرغ غضبي .. بجد دا المنتدى فيلو سحر عشان كتير قالو حنعتزل المنتدى و لكن بعد فترة بسيطة رجعو , ماحد يقدر يترك سكاااو ابدا ..

[tariq_101]

على طول أعرف أن الأخ ناصر هو السبب

[الوردة الموفية]

الموضوع بالنسبة لكـ عادي ؟!

طبعآآآ لا ...

هل باستطاعتك وصف شعورك لحظتها ؟!

بحس انو في شي نآآقص بحياتي لأنو المنتدى سار جزء منها ..
ما اقدر انو يمر يوم الا لما ادخل ..
انا اشتركت في منتديات قبل .. بس زي اعضاء المنتدى هنا ما حصلت
احس الكل زي اخواني و اخذ راحتي ع الأخر ..
اتمنى انو ما يجي هذا اليوم

ولو طلب منكـ إرسال رسالة سيقرؤها كل الأعضاء

ماذا ستكتب لهم ؟!

اتمنى انو ما يزعل مني اي احد او يشيل عليآآ


بكل صراحة كيف هي ردة فعلكم لحظتها؟؟

صدمه
ثم تقبل للواقع

شكرآآ

[صوت الفجر]

هو لما تقفل 3 ايام تعالي شوفي حالتنا فينا حزن موطبيعي ~

لا لا ما اتخيل يجي هذا اليوم ولو فعلآ جاء مالنا الا نوقف عند الجامعه ونسوي مظاهرات ونقول الشعب يُريد

وزي ما قالت سكووت فعلآ سكاو فيه سحر ~

’’

[A7la remo]

ماشاء الله عليـــكم ما قصرتوا

اسعدني تفاعليكم وارائكم القيمة

وان شاء الله ما يجي هذا اليوم لانه من جد راح نسوي زي ماقالت صوت الفجر مظاهرة عشان يرجعوا المنتدى :)

تسلمولي عالردود الحلوة ياحلوين

لا عدمت تواجدكم

[bint aboha]

السلام عليكم ورحمه الله وبركاته

جيت طيران مفجوعه ع بالي حقيقي والله الدموع ف عيوني

مااتخيل يومي من دون سكاو فديتكم نفر نفر

الموضوع بالنسبة لكـ عادي ؟!

طبعا لا اكيد نفسيتي تتعب

هل باستطاعتك وصف شعورك لحظتها ؟!

راح اكون ضايعه ماادري ليه اوقات لمن ينقفل المنتدى يوم أحس إني غريبه مااحد يعرفني هنا اهلي وناسي مااقدر اتركهم

ولو طلب منكـ إرسال رسالة سيقرؤها كل الأعضاء

ماذا ستكتب لهم ؟!

آآه بس ماادري ايش بكتب اصلا الموضوع بكبره صدمني ماني قادره اركز راح اكتب لاتنسوني من دعائكم أحبكم وأحترمكم واتمنى انكم تسامحوني للأني عصبيه ف بعض الأحيان وبعض الأحيان أتقصد أشخاص بمواضيعي

بكل صراحة كيف هي ردة فعلكم لحظتها؟؟


صدمه وماراح أصحى منها




مشكوره ياعسلز ع الموضوع المروع

تقبلي مروري

[A7la remo]

بنت ابوها

اسفه ياحلوة انتي وكل الاعضاء اللي خوفتهم بموضوعي بس حبيت اشوف ايش ممكن تكون ردة فعلكم

من جد اعضاء حلوين وطيوبين الله يسعدكم يارب ويرضى عليكم

وان شاء الله ما يجي هذا اليوم اللي يقفلوا المنتدى فيه

لا عدمت تواجدكم احبتي