تنبيهات أستااذة سمر على اختبار البرمجة الدوري الثاني .. أرجو الاطلاع للأهمية ..

[asma'a]

السلام عليكم ورحمة الله وبركاته ..

صباح/مساء الرضا

طبعن بدوون مقدمات لأني حايسة قد شعر رااااسي

بس حبيت اقوولكم الملاحظات اللي جاتني من بنات شعبتي اللي حضروو عند دكتورة سمر اليوم ^^..

1- ماحيجي سؤاال اكتبي ميثوود .. لكن حتيجي الميثود بطريقة ثانية.. ممكن تيجي في سؤال الميموري .. ونبهت الاستاذة على انوو في الميموري حتكتبوو الاوت بووت حق المين اول .. بعدين تروحو تشووفوو الميثوود لو فيه كول ميثوود وبعدين ترجعو ع المين لوو فيه اوت بووت عشان تطبعووها ^^.. وكمان الميثوود ممكن تيجي زي الايرور .. انوو ايش الغلط الموجود فيها ^^..

2- قالت الاستاذة انوو ممكن يجيكم سؤال ينحل بسويتش داخل سويتش وممكن تحتاجوو الـ break .. طبعن مااعرف اسوي سويتش داخل سويتش .. لكن ححاول اتعلمها

3- ركزوو على جزئية الميمووري مرررة كثير .. عشان ماتنفجعوو زي الدوري الأول ^^.. وكمان الاوووت بوووت ركزوو عليه ^^..

4- قالت الاستاذة ركزوو على اللاب شيت وتمارين السيكشن .. لأنكم ممكن تحتاجوو أو تستفيدو من دي الافكار في الاختبار ..

5- قالت الاستاذة بما انوو ماحنجيب برنامج وطالبين فيه الميثوود .. حنتفنن لكم في الفوور والاف والوايل والدو وايل والسويتش

6- قالت الاستاذة بما انوو جبنالكم في اللاب سؤال الفيكتوريال والاديشين ودي الاشياء ماحنجيبها في الاكزام ^^..


وكمان ي ليت بنات أستاذة سمر يفيدوونا لوو فيه اي ملاحظة ع الكلام اللي كتبتوو او فيه اي تعديل ^^..

لأن دا الكلام وحدة من البنات قالتلي هوا .. ويمكن اكون نسيت شيء

دعواتكم

بالتوفيق حبايب قلبي


* معليش ممكن أتأخر بالرد أو ممكن ماارد من اساسوو بسبة الضغط اللي حاسة فيه ^^..
فاعذرووني لوو شفتووني منوورة ومارديت .. لأني فاتحة المنتدى ع موضووع أخونا عبدالكريم واشووف التمارين والحركتات الخطيرة ^^.. بجــــد يعطيه العافية هوا والاشخاص اللي ساعدوو في الموضوع وربي يجعلوو في موازين حسناتهم ^^..

دمتم بخير