نزل الجدول الخاص بالمحاسبة المهنية

[ابو احمد999]

اختي محاسبه 88 حقيقه انا استغرب انه مانزل جدولك لما تدخلي على الخدمات الاكترونيه يجي على اليمين تقارير استعلامات ثاني وحده فيها الجدول الدراسي اختاريه باذن الله يطلع معاكي الجدول واذا لم يظهر اتصلي على الاخوات في قسم المحاسبه او سجلي انتي المواد بس لما اشوف العدد المسجل للطلاب المستجدين اشوف عددهم 44 كل دكتور 15 طالب في الماده الا دكتور 14 طالب واذا تبين اي مساعده من ناحية شرح كيف التسجيل المواد تري عايدي تقدرين انتي تسجلي المواد وتختاري الدكاتره قبل ماتقفل الشعب وانا مستعد في خدمتكم رغم ان دخولي قليل للمنتدى وبالتوفيق لكم ولاتنسونا من دعائكم .........

[عيون الكون]

مرحبا بالجميع

الظاهر أن الطالبات مانزلت جداولهم لحد الآن

لأنه حتى أنا ما نزل لي الجدول

بس تتوقعوا لازم نروح الجامعة ولا ننتظر ؟؟؟

[محاسبة88]

شكرا اخي احمد والله يوفقك ..
طيب ممكن رقم اي استاذه من قسم المحاسبه استفسر منها بكره ..
واريد ايضا الخطه الدراسيه حتى استطيع اضافة المواد وكيفية طريقة الحذف والأضافة ..

[عيون الكون]

هلا محاسبة 88

الظاهر انا وانتي في الهوى سوا هههههه

توي دخلت على رابط الحذف والاضافة يعني احنا راح نسوي جداولنا بنفسنا عن طريق الحذف والاضافة

بس الشي الغريب انه لما اختار اي مادة عشان اشوف الشعب اللي فيها أتفاجأ انه يظهر لي اسم الشعبة وايام المحاضرات لكن من غير توضيح وقت بدء المحاضرة واستغربت مره كثير كيف اقدر اضيف اكثر من مادة وانا ما اعرف ايش وقتها عشان مايصير فيها تعارض بعدين


وعندي استفسار للاخوان اللي سبقونا بالدراسة ايش تنصحوني اضيف مواد 3 او 4 كأول ترم لي وياليت لو تفيدوني من واقع تجاربكم ايش المواد اللي ابدأ فيها أول ترم ومع مين آخذها ،،،،


الله يسعدكم ويوفقكم جميعا يارب

[محاسبة88]

هلا وسهلا عيون الكون
ايه والله حتى انا فتحت ولاعرفت شي وسكرت بس ان شاء الله بكره الصباح بكلم احد في القسم بس ان شاء الله يردون علي ...
والشباب هنا راح يساعدونا الله يسعدهم ويوفقهم ..
تعرفين متى اخر يوم حذف واضافه ؟؟؟
ربي ييسرها ان شاء الله ويمكن بكره تنزل الجداول حقتنا ...

[عيون الكون]

تصدقي نفس السؤال يدور في بالي

متى اخر يوم حذف واضافة ؟؟؟؟

ياليت اللي عنده خبر يبلغنا

[عيون الكون]

معليش نسيت احط لك رابط الخطة الدراسية

http://economics.kau.edu.sa/content....www.kau.edu.sa


موجودة فيه الخطة الدراسية لقسم محاسبة مهنية

[محاسبة88]

مشكوره اختي عيون الكون بس انا ابغا الخطة الدراسيه تكون محددين الترم الاول ايش المواد الي لازم تاخذينها والترم الثاني وهكذا...
عرفتي وش قصدي..

[هادي أحمد]

المشاركة الأصلية كتبت بواسطة محاسبة88 مشكوره اختي عيون الكون بس انا ابغا الخطة الدراسيه تكون محددين الترم الاول ايش المواد الي لازم تاخذينها والترم الثاني وهكذا... عرفتي وش قصدي..

حسب معلوماتي أو حسب الجدول اللي نزل لي

محاسبة مالية 611
نظم معلومات محاسبية 613
أنظمة تجارية 614

وأضفت مادة عن طريق الحذف والإضافة بتوصية الأخ ابو احمد
مناهج البحث والتحليل الكمي في المحاسبة 617


وبما أن هاذي أول سنة لي يعني المفترض المواد هاذي اللي المفترض تكون بالترم الأول

بالتوفيق للجميع

[محاسبة88]

السلام عليكم
اليوم دقيت على الأرقام الي عندي وردت علي وحده قالت احنا مالنا علاقة بجداول دقي على كلية الأقتصاد والأداره
في احد يعرف رقم التحويله ؟؟؟
او اسوي انا اضافه على جدولي وخلاص ؟؟؟