تقديم بريزينتيشن

حنين الود · 28-10-2009, 04:40 PM

الرد في الخاص يا أمواج وحجيبلك اذا كنتي تبغي حجه عن قصه او فكشن وزي كذا بس شوفي فكرتو في الأول وكمان اذا تبغي شي يكون فلم وباللغه الانجليزيه بس يكون فكرته حلوه ومو طويل وفيه كتير زي كدا شوفي ان شاء الله تعجبكي الفكره او ندور فكره تانيه عادي

stay away · 28-10-2009, 08:31 PM

انا كمان عند مس ريم يعني هي حددت البريزنتيشن يكون عن فيلم ؟؟

لانه في شعب قالوا تتكلمي عن اي شي

white rose · 28-10-2009, 11:40 PM

أنا معاكم عند ريم سائحي وبرضه نفس الشي ماني عارفه ايش اسوي لها بريزنتيشن عن فيلم أوقصه أو كتاب صراحة نفسي في قصه بوليسية مشوقة زي ذا سيكريت حقت دفنشي بس ياريت أحد يساعدنا بليز help us?

حنين الود · 29-10-2009, 12:23 AM

يابنات ايش رايكم تاخدوا من اليوتيوب مقاطع صغيره كتييييييير موجود يعني تكون هادفه مو شرط تكون فيلم طويل مدته ساعه او شي زي كدا فيه اشياء مسليه ومفيده وفيها فكره حلوه هيا ايش قالت لكم بالزبط يعني اشترطت حاجه ؟؟
وكمان يا أمواج ياليت ترديلي لو كان الي ارسلت لك اياه على الخاص عجبك او اجيبلك حاجه تانيه وكمان ياليت تساعدونا وتحددولنا ايش قالت اقل حاجه كم صفحه القصه مثلا عادي شورت ستوري؟

ام ريتال الحربى · 29-10-2009, 01:15 AM

اختي انا معاك عند نفس الاستاذة بس حابه اسال عن الكتاب اي طبعة طلبت الاستاذة لانو في المكتبه قالو في طبعتين
ذهبيه وعاديه وارجو الرد باسرع وقت
وبالنسبه للبرزنتيشن لازم عن فيلم وهل نعرضوا في سي دي ولا بدون سي دي
تسلمي ومشكورة على المعلومات والله يوفقك
وارجو اذا في امكانيه نتواصل على البريد لانو امكن تكوني معى في نفس المواد التانيه وانا من برى جدة

الأمواج · 29-10-2009, 01:15 AM

ياقلبي ياحنين الود يعطيك ألف عافية ماني عارفة كيف أشكرك ..
بس الله يحقق لك كل ماتتمنين..
ويزقك باللي تبين..
ويوفقك دنيا وآخرة.
زي ماقلت هي إذا كانت مثلا قصة الفيلم مكتوبة تكون أحلى وأحلى اليوم سألت بس ممكن فيلم قالت عادي وإذا تبغون novelرواية عادي كمان..
تتحدثون عنها..

...........................................
بانسية..
قالت لنا اليوم في البريزينتيشن..
في لها خمس درجات..
2 عن الثقة..
4,50 vocablary
4,50subject
4.50النطق..
4,50 الترابط في الموضوع بصفة عامة..
أتمنى أكون أفدتك..

بانسيه · 29-10-2009, 01:37 AM

الله يسعدك ياامواج ويحقق لكي ماتتمنيه ويفتح لك ابواب الخير ,,,ماقصرتي

يابنات ايش رايكم نفتح ملف خاص بمستوى رابع نتناقش فيه عن موادنا او نكتب جميع ماحصل بالدورة التاهليه

بالموضوع المثبت بالقسم ؟؟؟

الإمبراطورة · 29-10-2009, 03:20 AM

^
Go ahead

نص دافوره · 29-10-2009, 03:55 AM

بالتووفيق حاولو تكونوا هااادئين وانتوا تعرضوا

خذوا نفس عميق قبل تبدوا العرض

كمااان اتدربوا عليه بالبيت مزبوط جلسي العايله كلهم قدامك واعرضيه عليهم

ولو انكم بتفطسوون ضحك في البدايه من اشكالهم

ههههههههههههههههههههههه

ترا سويتها وجابت نتيجه

ام ريتال الحربى · 29-10-2009, 11:09 AM

good idea اننا سوي ملف للمستوى الرابع

تقديم بريزينتيشن

قسم اللغات الأوروبية و آدابها