صار السيل والطلاب والطالبات في الجامعه

[lolipop]

لا يا حلوه غلط انك تخرجي وقت السيل ما شوفتي اغلب اللي غرقو كانو بالسيارات
و الحل انك تطلعي اعلى دور في المبنى

الله يحمينا و يحفظنا

[فجرالوله]

الله يكتب لنا كل خير

ويبعدنا عن السيول وغيرها

تحياااااتي للجميع

[سواليف ليل]

أنا عن نفسي طبعا مستحيل أركب الياص وأروح البيت لأنه الافضل في نظري

انه نقعد بالجامعه ونطلع آخر دور في أي مبنى بس يكون مبنى جديد وكويس

[بنت العمودي]

الله يحفظنا بحفظه يارب ..

::

توكلت على الله ..

[CrAzY]

=)))
ياسلالالام ان سار دا الشي حيسير اكشن حقيقي .. بس بليز ما بدي اتخيل عفانة في الموضوع :@

والمفروض تسير خطة ونتدرب عليها شهريا او اسبوعيا تبعا للظروف اللي مرت فيها البلد اليومين دي .. بس فيييييين قابلووووني

والحل زي ما قالو الصبايا نطلع اخر دور ان حصل شي .. ونداوم ع الاستغفار والتحصينات وربكم كريم

[&جوري&]

والله انا انصدمت من استاذه عندنا قالت عارفين انو عندنا امر اذا نزل مطر نسوي اخلاء للجامعه

قلنالها فين نروح قالت اتصلو على اهلكم واخرجو من جد انصدمت هذا الي قدرو عليه حسبي الله ونعم الوكيل بس

[joony]

اووووووف ايش دا منجد شي يخووف


يارب تستر على طلاب وطالبات الجامعه

[salonas]

كل شي مكتوب توكلي على ربك

[طالبه مجده]

مدري احس اني صرت مطمئنه انه الخطر زال
ولا يتهيالي؟؟

[ms.tOoOt]

مافي لا خطة ولا بطيخ وازيدك من الشعر بيت جا رش خفيف السبت اللي فات او الاحد"مو متأكدة" المهم لما شافو الرش قالو للبنات اخرجوا من الجامعة مافي محاضرات طيب لا سمح الله خرجنا وجانا السيل فجأه ايش نسوي غير كذا لو جا السيل واحنا رايحين للجامعة او راجعين منها ايش نسوي114 الف طالب وطالبه ف الجامعة قد كذا مستهونين في العدد يعني والله لو واحد المفروض يعملوله اعتبار بس احنا هنا اهم شي عندهم ماينفضحون عند الدول الثانيه ولا تتاجل الدراسة ماادري يعني الدراسة اهم من الارواح وبعدين المفروض مالهم وجه بعد اللي سار مو بقوة عين يقولون "داومـــــــــــــــــــــــــــوا"؟؟؟؟؟؟؟؟؟؟؟؟؟؟؟؟ ؟