اتمنى من الكل يشاركني بخصوص هالموضوع وخصوصا "البنات"

[whisper girl]

نصيحة مني
سوي استطلاع وبحث في عيوب الشركات التانية
زي المطرف والخالد
شوف احسن شي عندهم وحسنه
واعطيهم خدمة جديدة
عشان تجيب زباين وتجذبهم
تانيا شوف المساوئ
وطبعا اتجنبها بقوة

بالنسبة ليا
انا اهلي ما راح يخلوني اروح اسسا مع اي جنسية
الا لو كان موثوق ومجرب
انت ابدأ بالمشروع
وخلي سمعتك كويسه
والله حتى اللي دماغو جزمة قديمة راح يغير رايو

والله يوفقك

اوووووووه
كمان السعر ادرسوا كويس
لا تسوي زي المطرف الحراميه

[][_ غــــــيــــــر _ ][]

السلام عليكم ورحمة الله وبركاته ..
اقسام الملتقيات والكليات الجامعية مخصصة للاستفسارات والمواضيع الاكاديمية فقط .. وتوجد اقسام اخرى في المنتدى للمواضيع العامة ..

لذا سيتم نقل موضوعك _ تلقائياً _لـلـ قــســم الـمـناسـب ..

.. بالتوفيق للجميع..

[لندنية]

بالعكس مرة حلوة الفكرة
بس محاضراتك واوقاتها ماراح تكون عقبة لك
بالتوفيق

[أحلى دنيا]

الباااااااااص .. اسوأ تجربة تخليك تكره حياتك

المشكلة اني من مكة والمشوار بالنسبة لي متعب اكتر

يعني اكيد الفكرة موافقة عليها وبقوووة لاني عارفة المعاناة

بس انت الله يوفقك وان شاء الله ينجح معاك المشروع

نصيحة : راعي المواعيد لانه الشركات ليها مواعيد منظمة كل ساعة عشان كدا الطلب عليها

[never hide]

و الله يا سيدي تبغى نصيحتي ...

أنصحك بمشروع تاني ...

[.,.نيــــــــــــــــــــران.,.]

عمل رائع منك ومحاولة ممتازة في الكسب

عن نفسي انا مع باص وبابا كل مايجي سواق باص جديد يسألني ايش جنسيته ؟>مايبغه واحد عربي سواء سعودي وللا مو سعودي ، يبغاه هندي
ويتضايق اذا مو هندي

لكن مو مهم مثل ماتلاقي ناس ماتبغه سعودي في ناس تقول ولد البلد يخاف على بنت بلده أكثر من الاجنبي>>اسمعها دايما


وقبل كل شي رزقك بيد الله عز وجل

لو انت جاد في المشروع قوي ثقتك بالله واتوكل على الله وصلي استخارة وإبدأ

الله يسهلك ويرزقك من حيث لاتحتسب

[شرووق]

الله يوفقك ان شاءالله ...

انا عن نفسي ماعندي مانع ...

اصلا الباص اللي انا فيه يسوقه شاب سعودي ...

وصغير في السن ...

والحمدلله الوضع ماشي تمام ..عالاقل نفهم ايش يقول ...

ويخاف علينا كمان...برأي انا احسن من الهندي اللي يجيك مو فاهم شي ...

[لولو كاتي]

مايهم مين يوصلني
اقصد جنسيته
وضعه المادي
مستواه الاجتماعي
ديانته
ماتفرق
اهم شي اخلاقه ماتكون عيونه طويلة
ياخي المهم اوصل وخلاااااص
هههههههههه

[XxX..sMHr..XxX]

اولا شي حلوو تفكر تفييد نفسك ..
ثانين بالنسبه للموضوع امممممممممممــ بصراااحه مدري..
بس يعني لو بتكون تاابع تحت شركة مش فرري جوب فـ مااعتقد في مشكله

بالتوووفيق

[مافهمت الناس]

أنا من يوم أنا في الروضة كنت أروح مع باص لين ما خلصت الثانوي بس كولوهم كبار في السن

ودحين في الجامعة بابا هو اللي يوديني ويجيبني الله يخليه ليه بس عندو شوية ضغط وكل مستوى يفكر يخليني اروح مع باص فمرة شفتو يتكلم مع واحد مااااارة شايب فقالي انو دا الباص راح اركبك معاه المستوى الجاي
يعني اذا المشوار ياخذ 10 دقايق اتوقع مع دا ممكن نص ساعة
ولا المشكلة راعي الباص دا ما عندو الا بنت وحدة وكمان شكلوا طفشان منها

معليه طولت عليك... يعني لو البنات عادي ممكن اهلهم ما يرضوا

بس... أن شاء الله ييسر لك اللي فيه الخير

^_^