راح علي الاختبار .. كلكم فزعتي .. تكفون !

[عالم نفس]

طيب زيرو انت وش راح تسوي ؟؟

راسلتهم ولا لا ؟

[زيرو]

عالم نفس

ظنك لو اراسلهم و اقولهم راحت علي نومه

راح يوافقون ؟؟

اكيد لاااا ماراح يوافقون

بس انا كلمت شخص يدبر لي تقرير طبي <<

يااااااااااااااارب انه يقدر يجيبه

علشان اراسلهم واتفاهم معهم زين

ع العموم انا لو منك وعندي تقرير طبي ع طول اراسلهم

لان التاخير مو في صالحك


لان التاخير مو في صالحك

[عالم نفس]

يابن الحلال مو تقرير طبي مثل ماانت متصور

مشهد طبي من مستوصف قريب بأسمي وبتارخ اليوم وفيه تقرير عن حالتي اني تعبان

بس ما أتوقع انهم يقبلونه

لاني سمعت لازم يكون من مستشفى حكومي او مختوم من جهه حكوميه على كلام أحد الاعضاء وما أدري عن صحته

وقدت معامله عن طريق نظام الاوديوس للمعاملات شرحت فيه حالتي وجاني رد كالتالي :

يمكنك التقدم بطلب اختبار بديل عن طريق الشؤون التعليمية بالكلية أرسل فاكس على الرقم 6951672 موضحا فيه الاسم والرقم الجامعي ورقم الجوال ومايثبت العذر والمادة التي لم تختبرها وبالتوفيق .



هذا رده .. وعلما النص اللي موجود بـ الانظمه واللوائح عن الاختبار البديل كالتالي :

إذا لم تستطع أداء الاختبارات النهائية لعذر قهري عليك تقديم ذلك العذر لوكيل الكلية خلال أربعة أسابيع من نهاية الاختبارات علما بأنه لا يعطى للطالب المنتسب تقدير غير مكتمل. وستنظر الكلية في إمكانية إعطائك اختبارا نهائياً بديلاً.


هذا كل اللي عندي .. بس ياااااااااارب نلقى احد قد أختبر اختبار بديل عشان نعرف الوضع كامل من عنده .. وأنت يازيرو أكتب اللي عندك وأرسلهم عالفاكس وربك كريم




أنا عندي استفسار .. لاسمح الله ماحصل لي اختبار بديل وش راح يكون وضعي ؟ .. هل أحمل الماده ولا اعتبر راسب فيها

هل على المدى الجامعي أتأثر من جراء عدم حضور اختبار احد المواد ؟
هل سأحملها ؟ هل ستأثر بالمعدل ؟ ماذا سيحصل بالضبط ؟


شفتوا كيف انا ضايع في بحر ماله شط :)

[زيرو]

اخوي

تقرير طبي مشهد طبي كلها تصب في بوتقه وحده

يعني عندك شيء يثبت انك كنت تعبان وقت الاختبار

اهم شيء لا تكدر خاطر ولا شيء

اما بالنسبه لو قدر الله وماوافقوا تعيد الاختبار

اتوقع راح تحمل الماده

واكيد انها راح تاثر ع المعدل


وياليت اي واحد عنده خبره في هالامور يقولنا

هذا والله اعلم

[العصفورة]

اولا الله يكون بعونكم..
بس اخواني ولاسف راح يأثر ع المعدل

[رامي الورود]

تكفون ان حصّلتوا حل اهه منّا ولامنّا خبرونا


ولاتقارير

لازم ندور حل حنا بلشانين رسوم ومذكرات وسهر وتعب وانتساب وبعد مايعيدون الاختبار؟؟

[عالم نفس]

والله تعب تعب

انا ارسلت لهم عذري وان شاءالله يقبلونه

بس معقوله مافي أحد هنا من الاعضاء اختبر اختبار بديل ؟

[عالم نفس]

محد عنده جديد بالموضوع ؟

[=--> (أخـــر همـــي) <--=]

اوووهـ وربي تعبت نفسيا من اللي صار لكم

الله يكون بعونكم

احمد ربي اني تزحلقت من بدري وعديت الانجليزي هذا الجديد

بس انا سمعت ان فيه اختبار اسمه بديل التوفل يقدر تعادل فيها الانجليزي المستويين

بس مدري هو بس لطلاب العلوم او غيرهم كمان

وبالنسبه لمشكلتكم والله ماعندي فكره والا كان ودي اخدمكم

الله يوفقكم ويسهل لكم

وان شاء الله تختبرون وتجيبون معدلات حلوه

[عالم نفس]

جاني بالانقلش Dn علما اني منتسب ومقدم عذر

وش معناتها ؟

علما ان في حالة عدم قبول عذري المفروض يأتيني الرمز Af
وفي حالة قبوله يأتيني الرمز W

والرمز Dn خاص بطلاب الانتظام