انصحوني بأفضل الدكتورات

soso139 · 05-02-2010, 12:34 PM

ثينكس يا أحلاهم
إنتي بجد أحلى من أحلاهم
مرررررررررة حست مع الجدول
كنت خايفة دمهم يكون ثقيل على قلبي
طيب معليه قوليلي يا أتحداهم أفضل الأستاذات في كل موادي
و كمان بأسألك م كذا مع بعض حيجيبولي معدل تمام ؟
و ألا برأيك أشيل مادة و أحط إقناع مع أنمار ؟
لأنلازم أرفع المعدل هذا الترم شوية
لأن زي ماانتي شايفة مع تقدم المسويات مو بسهولة يترفع
و بالنسبة للصيفي إيش حكايتها الجامعة مو ناويين ينزلوا و ألا كيف؟
أدري أسئلة فوق سلطتك ^_^ بس أديني توقعاتك
و آلآف التشكرات
و الله حببتوني فالقسم

lollao0oworld · 05-02-2010, 12:45 PM

بالنسبة لمحاسبة 2
ريم صقر جيده مرررررررره بس دقيقه جدا في مسألة الحضور لو قالت اسمك وما قلتي نعم خلاص انت غايبه ولو دخلتي وهيا تحضر ونادت اسمك وما كنت موجوده فانت غايبه بدون نقاش
بس مرره تفهم المنهج مزبوط أنا أخدت معاها 99

تحليل كمي 2
مع د.عفاف عايد
مرررررره طيوبه و شرحها خطير والماده بسيطه جدا
بس أسئلة الإختبارات نوعا ما طويله بس كولها سهلة ومن المحاضرات
تضمني تجيبي بالراحه a
وفي كمان دوره مايبل دورة الزاميه مع الماده عليها 10 درجات
اول ما تنزل الشعب سجلي مع أستاذه زبيد مليباري مرره كويسه

ماليه عامه
عندك خيارين :
إما د.البحطيطي ما أعرف كيف شرحوا بس يقولوا يحدد لك صفحات تذاكري منها والإختبار 5 اسئلة مقالي
أو د.البسام تذاكري كل الكتاب والأسئلة إختياري وصح وخطأ
أنا اخدت الماده مع البسام دا السمستر
مرررررره طويله ودش كلها تحتاج استيعاب وعدد المحاضرات قليل ما يمدي الدكتور يغطي المنهج فيه

وبالنسبة لمالية وإقتصاد كلي تقدري تنزليهم الإتنين في نفس السمستر
وإن شاء الله أكون افدتك

احلاهم واتحداهم · 05-02-2010, 01:57 PM

8
8

لاماتقدر لانها متطلب اقتصاد كلي متطلب لماليه عامه

اسمعي
شووفي مااقدر افيدك كثير بالدكتورات لان تغيرو او جو جدد افضل من القداما
اقتصاد كلي
ماعرف احسن مين بس ناس يقولون ايمان وماجربتها

تحليل احصائي 2
انا اخذته مع طاهره وكانت تمام وطيوبه بس خلاص راحت هذا اخر سمستر
بس عموما المنهج سهل

محاسبه2
انا اخذتها مع سارا بكرا مرره طيوبه وتراعي بدرجات وحبوبه وشرحهاا جدا ممتاز لو منزلين معاها نزليه عندها
ريم صقر كمان يمدحونها
وفي رغداء الرملي صاحبتي اخذت عندها وتمدحها
عيشه السيد ماتشرح وماتعرف تسيطر على المحاضره لو اضطريتي تنزلين معاها اخذي محاضرات ريم صقر او رغدا لانها مبسطه وشامله

تحليل اقتصاد جزئي
مافيه الاكوثر تدرسه وترى اسئلتها بدوريات مرره صعبه بنسبه لي والنهائي جابته سهل بس هي سمستر صعب وسمستر سهله اسئلتها السمستر ذا ترى سهله عشان كذا بنزل صناعي معاه

واذا تبين ترفعين معدلك ينط فوووووق

نزلي بس اقتصاد كلي ومعاها تحليل كمي 2 والمواد الباقي حر واختياري
بس نقيهم كويس لاتتورطين في ماده تطلع صعبه والا الدكتور سهل
واذا عرفتي ماده حرره حلووه غير اقنااع قولي لنا

وعلى الصيفي ايش تسوين جاامعه لازم تعقد المواضيع
ودي انزل صيفي وكل سمستر قبل الصيف يقول جمعو تواقيع عشان نتفتح وجمع تواقيع ولا يفتحون صيفي بس يسكتونا

الله يعين ونتخرج بمعدل حلو ونفتك

joOoSsy · 05-02-2010, 05:15 PM

ماتكلمتو على مبادء ادراه اعمال
اباكم تقولولي ايش احسن شي

ودول الموجودين الترم ال 2 بس

><

امل محمدشيخ حسين دمنهورى
منى محمد محمد بادكوك
صافيناز حسن عبدالله ابوركبه

soso139 · 05-02-2010, 05:24 PM

سمعت يقولوا صافيناز مو تمام
بس أنا أخذت مع أمل دمنهوري
ممتازة و شرحها سلس
تذاكري بس من السلايدات حقتها
اللهم عندها حاجة صغيرووووونة
فالإختبارات الدورية تحط جزء منها مقالي بس جزء بسيييييييييييييط
و سهل كمان يعني مو شرح تعاريف و تعدادات و إن طلبت شرح يكون بس توضيح بسيط
محاضراتها خفيفة عالقلب