مبادئ الأدارة العامة ( 101 )

[mbc2]

مع الشكر للجميع على المشاركه ,,

هلابك اخوي زكريا أنا دفعه 09 بس من يوم شفت نتائج هذي المادة بالذات تأخرت حسيت أن بيصير لخبطه لكن لابد مانسكت على حقنا خصوصآ أننا واثقين من حلنا

تعال شفهم اذا جاء موعد سداد الرسوم يشغلونك بالرسائل ( عزيزي الطالب سارع بالسداد )

واذا أنت طالبت بحق من حقوقك كطالب يطلب اعاده تصحيح ماأحد يرد عليك وتقدم اعتراض عن طريق نظام المعاملات الألكترونية يجيك الرد جاهز على طووول

( أخي الطالب ينبغي عليك ارسال فاكس الى سعادة رئيس قسم ....الأستاذ الدكتور ....على الرقم .....موضحا فيها اسمك ورقمك الجامعي ورقم جوالك وتطلب منه مراجعة ورقة الاختبار وسيتم مراجعة ورقتك بالكامل للتأكد من صحة الدرجة. وشكرا )

المشكلة انك ترسل فاكس محد يرد عليك ترسل ايميل محد يرد عليك تتصل محد يرد عليك حتى عميد الكلية ومدير الجامعة مايعطونك وجه

( معقوله كلهم مشغولين )

يعني لازم الطالب يسافر جدة عشان يكلمهم , هذا اذا مازحلقوه بتصريفه وقالوا بنتصل عليك .

(( اللهم ان الظالم مهما كان سلطانه لا يمتنع منك فسبحانك أنت مدركه أينما سلك، وقادر عليه أينما لجأ، فمعاذ المظلوم بك، وتوكّل المقهور عليك، اللهم أنى أستغيث بك بعدما خذلني كل مغيث من البشر، وأستصرخك إذا قعد عنى كل نصير من عبادك، وأطرق بابك بعد ما أغلقت الأبواب المرجوة، اللهم انك تعلم ما حلّ بي قبل أن أشكوه إليك، فلك الحمد سميعاً بصيراً لطيفاً قديرآ ))

[zakaria_asere]

اخوي انا باذن الله مسافر في اول اسبوع دراسة في الجامعة يوم الاربعاء 17/3/1431هـ باذن الله وماراح اطلع من عند اي دكتور الا بعد مااراجع ورقتي واشوف حلي ونتيجتي بعيني ياشيخ لو يقول لي السكرتير الدكتور ماهوفيه الا ادخل حتى لو اكسر الباب
والله ثم والله اني ندمان اشد الندم اني قدمت اعفاء ياخي المشكلة لانا جاني اعفاء ولاانا سلمت من الظلم
لكن الموعد يوم الاربعاء ان شاء الله

[mbc2]

أتمنى لك التوفيق وبلغنا بالجديد

ترا الجامعة ماينفع معهم الا هذا الأسلوب

[ebrahimo]

السلام عليكم ورحمة الله وبركاتة,,
والله ياشباب تعبنا في الي قاعد يصير ,, معقوله مافي احد مر بهذا الموقف وطلع بنتيجة وتعدلت درجته ويعطنا الطريقة عشان نتبعها لأنه بصراحة مافي نظام في الجامعة نقدر نمشي عليه ,, مره أرفع معامله الكترونية ومره يجيك رئيس القسم ويقوللك أكتب خطاب ومره ارسل فاكس ,, يعني للأسف مافي نظام تقدر تطالب فيه بمراجعة درجتك ,, وأرجو من الي مر بظروف مثل هذي يليت يعطينا طريقة نقدر نطلع بنتيجة أستفاد منها ,,


وأسأل الله العظيم أن يوفقنا في الحصول على مبتغانا.

[بلوي الرياض]

المشاركة الأصلية كتبت بواسطة ebrahimo السلام عليكم ورحمة الله وبركاتة,, والله ياشباب تعبنا في الي قاعد يصير ,, معقوله مافي احد مر بهذا الموقف وطلع بنتيجة وتعدلت درجته ويعطنا الطريقة عشان نتبعها لأنه بصراحة مافي نظام في الجامعة نقدر نمشي عليه ,, مره أرفع معامله الكترونية ومره يجيك رئيس القسم ويقوللك أكتب خطاب ومره ارسل فاكس ,, يعني للأسف مافي نظام تقدر تطالب فيه بمراجعة درجتك ,, وأرجو من الي مر بظروف مثل هذي يليت يعطينا طريقة نقدر نطلع بنتيجة أستفاد منها ,, وأسأل الله العظيم أن يوفقنا في الحصول على مبتغانا.

: 5:

[موفنبيك]

وأنا والله مثلك أخوي أنظلمت في القانون والمحاسبة والحين كملتها الادارة العامة

انا قدمت معروض لرئيس قسم القانون لمن كنت في جدة وارسلت ايميل لدكتور عبدالعال أبو خشبه اليوم


لكن حاب أعرف من هو رئيس قسم الادارة العامة علشان نرسله ايميل او فاكس


أخواني أنا كلمة الدكتور عبدالله العطاس وبلغته عن أعتراضي على درجة القانون قالي راح يكون فيه لجنة راح تعقد بعد الاجازة القصيرة هذي ويشوفون اعتراضات الطلاب


ياليت أحد يفيدني من هو رئيس قسم الادارة العامة وش اسمه عشان نراسله


والله يكتب اللي فيه خير وراهم وراهم حتى نحصل على حقنا اما ننجح ونتخرج بتقدير مقبول والله فضيحة ومو طموحي هذا النجاح ..

[zakaria_asere]

موفنبيك حبيب البي صدقني نفس الوضع صار معاي تصور الادارة العامة نزلت المعدل 15 نقطة لكن مثل ماقلت إن شاء الله الوعد الاربعاء 18/3
للاسف ياحبيبي النظام ضد طالب الانتساب فقط صدقني
يعني لو طالب انتظام راح لدكتور او استاذ المادة اللي يدرسه راح يستقبله ويناقش معه
لكن الانتساب يحولك لرئيس القسم وطبعا صاحب السمو المعظم فخامة رئيس القسم او العميد مايقدر يستقبلك لانك اقل من مستواه فيستقبلك السكرتير ويقول لك سجل اعتراضك بورقة وراح نتصل فيك بعد عرضها على اللجنه
مايدري ان طالب الانتساب ذا جاه من اخر الدنيا بعد ان ذله مديره باجازة لمدة يوم واحد فقط وحجز طيران للمقتدر او مسكة بر للطفران وحجز شقق وفي الاخير يقولك السكرتير اكتب ورقة صاحب الفخامة مايقدر يقابلك او عنده اجتماع او عنده محاضرة يعني من انواع التصاريف القذره
يااخي مايدرون ان البعض خريج جامعة بكالوريس او كلية صحية متوسطة
مايدرون ان البعض داخل الجامعة للعلم الفقط والا لو على العمل تلقاه مدير ادارة وعنده سكرتارية وموظفين