شوفوا جامعتنا ايش سوت ؟؟

[روووني]

لايكون الصلاه حرام!!!

[XxX..sMHr..XxX]

من جدددد من جددد شي يقههههههههر :@
صح المصلى حق العلوم اللي تحت مقفل . بس اتوقع اللي فوق مفتووح ..

انا مو فاااهمه لذي الدرجه مسويلهم رجه راحو قفلوهـ ولا ايش بالضبط من جدد مو فاهمه ..
طيب قفلووه يعني عالاقل يعلقو ورقه يقولو ليش قفلوه ولا كم المدة اللي رااح يقعد مقفل فيهااا صررت اضطر قبل اطلع من الجامعه امر على مبنى 13 عشاان اصلي وانوااااع الزحمة هناااك >>>ماشالله البنات يوقفو سراا عشاان الصلاااة اكشششخ بس

ايوا صح وبعديين في شي تاااني مررره يقهههر ..المحاضراات اللي تبدا 12 ونص بالضبط يعني شوووي ويأذن خخخخخخــ جرربي تتأخري عن المحاضرة اللي كذا وقتها عااد وكولي على راااسك تأخيييير

المشاركة الأصلية كتبت بواسطة شواطئ البحر قفلوه وانا أقول يمكن عشان جيت بدري (ساعة 7 وشي) مقفل وطالعين مقفلين كلياً يمكن يسو صيانة شي

صيااانة ايييييه بس هوا في شي جوت المصلى عشان يعملو له صيااانه كلو على بعضو 6 في 4
من جددد كأنهم يقولو لا تصلو

شكرااا لاهتماامك وطرحك للموضوع

[همس الحزن]

اي والله من جد .. كأنهم ما يبغوا أحد يصلي ..
حتى في التاسع قفلوا المصلى اللي في النص تحت وحطوا فرشه للصلاة والله لا يوريكم كيف ريحتها ولونها والوساخه اللي عليها ..
وغير كدا مافي خشوع تقرأي وانتي مو فاهمه ايش بتقولي البنات حولك اللي تحكي واللي تشكي واللي تتكلم بالتلفون ..
حرام عليهم والله المفروض يكونوا مراعيين لهالشئ ..

اللي في الثامن فوق مفتوح للي بتغى تصلي ..

[LMoOo]

والله جامعه غبيه

بس فالحين يااخدو مننا رسوم ويعملو بيها بوابات وفضاوة

مابيعملو شي مفيد

لا فى مصلى كويس ولا استراحات ولا شي

ولو الوحده تقعد فى اي مبنى يطردوها يقولو مايصير تقعدوهنا -- عشان ازعاج فى ناس عندهم محاضارات
الى يسمعهم يقول انو قاعدين نطبل ونرقص
ولوخرجنا برا حر وقرف

يعني كفايه دافعين دم قلبنا

كمان يطردونا زي كلاب السكك

بس خلاص هاااااااااااااااااااانت

الله يصبرني على اخر ترم واتخرج وافتك منها

[wallo]

^^^

مشاءالله ااخر تررم :(

تيب اللي بقييلو سنتيين ونص اش يعمل :(

[يآرب مآخآب من ترجآك]

حسبي الله ونعم الوكيل

[E7sasBanota ~]

صح كلامكم شي غريب والله

حتى زمان كان في 420 تحت في مكان كبير للمصلى

قفلوه وخلوه مكاتب

ان شاءالله يجي اليوم اللي جامعتنا فيها تتغير بس

[شــ (م)ـــوخ انــ(ث)ــى]

ليش مانقدم طلب تعبنا واحنا نصلي على البلاط وفي مبنى 420 مافي الاسجاده صغيره وفوق في استراحه مالها داعي