فعاليات اليوم الهندسي >> يوم الثلاثاء والأربعاء <<

[mr increase]

علما انني حضرت في الصباح وكان الحضور اكثر من رائع من جانب الطلاب والمحاضرين والاداريين

[صقرر]

يعطيك العافية اخوي والمعرض كان جدا ممتاز والفرص الوظيفية جيدة جدا

بالتوفيق

[الكريم ابن الكرام]

المعرض تمام والحضور أكثر من جيد

لكن قابلت حماقات حبيت أذكرها

ا) وأنا قاعد أمر على الشركات مريت على شركة أظن اسمها شنايدر

المهم سألته عن إجراءات التوظيف وزي كذا

قام فتح موضوع والله ماحد جاب سيرته وقال " طبعاً الدراسة هنا عندكم في جامعة الملك عبدالعزيز سهلة مو زي جامعة البترول، هناك الدراسة صعبة والطلاب يجونا فاهمين مو زي اللي هنا يتخرجون بمعدلات عالية لكن ما يعرفون شيء، هناك ما تجيب الثلاثة إلا بالقوة"

والله من يوم ماقالها غسلت يدي منه وطااااح من عيني، ما يدري إن مستويات الطلاب هنا أعلى من شركتهم الموقرة وإن الجامعة هذي أفضل من الجامعة اللي أطراها، الشركة المفروض ما ترسل إلا واحد فاهم مو يسوي مقارنة بين جامعة وجامعة

2) شركة منار العمران الشركة المعروفة في المقاولات ما تقبل إلا مهندس ميكانيكي، ما أدري فين المدني منهم

وأخيراً كنت أتمنى ( أرامكو ، الخطوط ، التحلية ، الكهرباء ) يكونوا من الحاضرين

لي عودة

[الكريم ابن الكرام]

^ ^

هذا كان عن اليوم الأول

[مهنـ(engineer)ـدس]

^^^
يعطيك العافية مراسلنا من ارض الحدث ^^
انتا و mr increase
بخصوص الي جا من شركة شنايدر اللي اول مرة اسمع عنها
من جد مدري ايش يبغى
يعني جاي لجامعة الملك عبد العزيز يمدح البترول !!!
اصلا ايش دخل المقارنة بالموضوع اذا ماهو عاجبينه طلاب الملك عبد العزيز من الاساس ليش يجي!!

يعطيك العافية
واتمنى ان تتحفنا باخر الاخبار ^^

[السمكري]

المشاركة الأصلية كتبت بواسطة الكريم ابن الكرام المعرض تمام والحضور أكثر من جيد لكن قابلت حماقات حبيت أذكرها ا) وأنا قاعد أمر على الشركات مريت على شركة أظن اسمها شنايدر المهم سألته عن إجراءات التوظيف وزي كذا قام فتح موضوع والله ماحد جاب سيرته وقال " طبعاً الدراسة هنا عندكم في جامعة الملك عبدالعزيز سهلة مو زي جامعة البترول، هناك الدراسة صعبة والطلاب يجونا فاهمين مو زي اللي هنا يتخرجون بمعدلات عالية لكن ما يعرفون شيء، هناك ما تجيب الثلاثة إلا بالقوة" والله من يوم ماقالها غسلت يدي منه وطااااح من عيني، ما يدري إن مستويات الطلاب هنا أعلى من شركتهم الموقرة وإن الجامعة هذي أفضل من الجامعة اللي أطراها، الشركة المفروض ما ترسل إلا واحد فاهم مو يسوي مقارنة بين جامعة وجامعة 2) شركة منار العمران الشركة المعروفة في المقاولات ما تقبل إلا مهندس ميكانيكي، ما أدري فين المدني منهم وأخيراً كنت أتمنى ( أرامكو ، الخطوط ، التحلية ، الكهرباء ) يكونوا من الحاضرين لي عودة

ليش زعلان اخوي الكريم ابن الكرام من الاخ اللي من طرف شركة شنايدر هو كلمك عن واقع مو عن رأيه الشخصي و على فكرة شركة شنايدر شركة فرنسية دخلت السعودية على ما اظن في 2008 و اخذت مشاريع جيدة في فروع الكهرباء زي ما هو مكتوب في الاوراق اللي عندهم تمام

بالنسبة للواقع اللي ذكره انه خريجنا بمعدلات عالية و لكن ما يعرفون فهذا راجع جزء منه للكلية و جزء للطالب نفسه فالكلية بتعلمك العلم لكن ما بتقولك انت لما تتخرج ايش المفروض تسوي يعني ما بتعدك كمهندس فتخرج ابيض يعني كورس زي ie201 المفروض انه يعلمك كيف تكون مهندس لكن الطلاب (وهذا الجزء الخاص بطلاب) يهتم كيف اجيب درجات يروح يشتري ملخصات و يروح يدفع علشان يجيب بروجيكت جاهز و ما يهتم بالفايدة الاساسية من المادة (مع بعض الاستثناءات ) و بعد كده اللغة الانجليزية و ضعفها عند طلابنا .......
علشان كده لما كنا نسال الشركات عن التوظيف ايش اللي يهتموا فيه اكثر اغلب الشركات قالت نهتم بالفكر و الشخصية اما المعدل فيكون مو شرط اساسي ......
اتنمى انه احد قلك عيوب عندنا نعترف بها و نسعى لاصلاحها مو نكابر و نعاند و نقول الكلام ده مو صحيح هذا للاسف واقع شئنا ام ابينا ........

[الكريم ابن الكرام]

المشاركة الأصلية كتبت بواسطة السمكري اتنمى انه احد قلك عيوب عندنا نعترف بها و نسعى لاصلاحها مو نكابر و نعاند و نقول الكلام ده مو صحيح هذا للاسف واقع شئنا ام ابينا ........

أحترم رأيك وأتحفظ على هذه الجملة

المشاركة الأصلية كتبت بواسطة السمكري علشان كده لما كنا نسال الشركات عن التوظيف ايش اللي يهتموا فيه اكثر اغلب الشركات قالت نهتم بالفكر و الشخصية اما المعدل فيكون مو شرط اساسي ........

وهذا اللي استغربت منه

كلهم كانوا يقولون المعدل ما يهم بقدر المقابلة الشخصية

لأن من واقع تجربتهم برأيهم أن بعض الطلاب يكون معدلاتهم أفضل من غيرهم لكنهم يفتقرون لروح العمل الجماعي أو قد تنقصهم بعض المهارات اللازمة للتواصل

لكذا كانت المقابلة تحدد بها اللي يصلح للعمل في هذا المجال أم لا

[الكريم ابن الكرام]

الحضور في اليوم الثاني كان ضعيف لا يقارن باليوم الأول

تم السحب على الجوائز ومبروك للفائزين

[عوكل المبي]

هههههههه
زي انا رحت لشركه بن لادن اسالهم عن الفرص الوظيفيه للمهدس الصناعي عندهم يقووم يقووولي يحنا شرركه تهتم بالكونكريت وقعد يشررح بعدين قلتله ترا انا بسالك عن الفرص الوظيفيه قااام قال انت تبا تقدم علي وظيفيه رووح شررق الخط السريع مقر الشرركه وقدم هناك اوراقك -_-!!!!

[* تركي *]

/

أرجو أن يُسمح لِي ، الحضور كَآن غير المتوقع أبداً ،’

كُبرى الشركآت لَم تُكلف نَفسهآ عَنآء سَآعتين أو ثلآث لـِ إِحتضآن هـَ الموآرد البَشرية الشَآبة ،’

أرآمكو عَلى ورق فَقط وَ لَم نرى أي أحد منهم ، شَركة الكَهربآء جَآت وَ رَمت أورآقهآ وتوكلت بـِ الله ،’

مَآ عدآ سَآبك ، فعلاً شَركة جَبآرة وَ كآن لهآ حضور مُلفت خِلآل اليومين ، مَسؤول التَوظيف فِي المنطقة الغربية قَدم بريزنتيشن جيد نوعا مآ ، وَ مَزآيآ الشركة رآئِعة مِن كل النوآحي ( رآتب ، بَدلآت ، تأمينآت ..الخ ) لَكن لـِ الأسف نَآدراً مآ يبتعثون المهندسين إلآ فِي حآلة إِحتيآج العمل لـِ ذلك ، زود عَن كذآ مآ يعطون تَفرغ لو الخريج فَكر مثلا يِكمل مآستر ، وَ الطريقة الوحيدة هِي الدرآسة خِلآل العَمل ( part time ) على مآ أعتقد كذا اسمه ..




::