وكيف العمل ؟ نبغى الماجستير وقالوا بعد سنتين!

[ابن الجنوب]

السلام عليكم ورحمة الله وبركاته اسعد الله مساكم بكل خير ورحمة وحمانا الله واياكم من كل شر وبلية وصلى الله على سيدنا محمد وعلى اله وصحبه الطيبين الطاهرين ثم اما بعد: المشكلة عندي اني اشعر اني خسرت من عمري سنة بدون ذنب كيف؟ انا خريج الترم هذا ان شاء الله قسم علم الاجتماع و على حسب التقويم سوف نستلم الوثايق في 16-8-1431هـ ان شاء الله طبعاَ وناوي على الماجستير ولقد ذهبت الى وكيل عمادة الدراسات العليا بنفسي وسألته عن موعد التقديم وما الشروط للماجستير ؟ فأجاب وقال: الشروط كما هو موضح في الموقع بالنت اما بالنسبة للموعد الان فلقد انتهى!!!!!!!!!!!!!!!!!! لاننا لا نقبل في السنه في قبول الماجستير الا في السنة مرة واحدة فقط كل شهر 3 هجري يعني ربيع اول واحياناً شهر 11 هجري يعني ذو القعدة للترم الثاني للمتاح فقط وعلية حاول تستعد للتسجيل السنه القادمة للقبول في الماجستير للسنة التي بعدها (ياسلام) هذا اذا انقبلت ! سؤالي الان : اخواني والله لو كنت اعلم بهذه السياسة لتخرجت الترم الاول ولقد كان بامكاني ذلك واكون خلصت البكلوريس في 3 سنوات ونصف لكن قلت خلك مع الناس ازحم نفسي على ايش؟ يا اخواني هل فية جامعة غير- الملك عبد العزيز- فيها ماجستير علم اجتماع واقدر الحق عليها بعد 16-8-1431هـ ونصيحه للي يبغى يكمل الماجستير بعد البكلوريس ينتبه ... كان بإمكانهم يحددون القبول للماجستير بعد ما يتخرجو الطلبة ليس قبل ما يتخرجون الله يهديهم ولكم خالص الشكر والمودة .