برفسورة في جامعة الملك عبدالعزيز تدعو الطالبات لنزع الحجاب والسباحه !!

[تروبيكان]

اولا مرحبا
انا بس حابة اوضح نقطة
مس ان كنزي موجودة بالفرع...والحين تم فصلها ادا ماخاب ضني
درست عندها لمدة اسبوع كامل
كانت مثال للاخلاق الي عمري ماشوفتها لدرجة انو اول يوم داومت فيه عندها لمن تجي تنادي اسمي مو من بعيد تجي لمن عندي وتقولي ممكن تجي معايا,,بس عشان اكتب الرقم الجامعي تبعي..كان يمديها تكلمني وهيا مكانها واقولها الرقم الجامعي تبعي
تاني موقف..سوتنا مجموعات عشان نتكتب شي وكانت فيه بنت جالسة لوحدها قامت غيرت مكانها وهيا شالت اغراضها ماخلت البنت تشيلها ,,,
ولمن تلاقي شي مرمي ع الارض تجي بنفسها وتشيلوا حتى لو البنت رمتوا قدامها
وطبعا هيا مررررة كبيرة في السن
وبالنسبة لديانتها هيا ديانتها كاتلوكية ....
وطبعا لمن اتكلمت عن الديانة انا غيرت الليفل تبعي
هيا مااعطت كتب....هدا بهارات في نقل الكلام
هيا قالت كل من يلبس الحجاب مجنون وجلست تشرح وجهة نظرها

وطبعا البنات ردوا عليها

وقالت انو ليش مافي كنايس وانتو ماتحترموا الديانة تبعنا وهكذا..
بس ماوصل الامر انها تعطي كتب
الرجاء التاكد من مصدر الكلام... لانو في كلام زايد
كان المفروض حثها على الاسلام
لانوا كدا بدل ماتخلوها تفكر بالاسلام ....حيسير العكس تماما
وجهة نظري
اخلاقها اخلاق انسانة مسلمة ياريت كل المسلمات زيها بس الله يهديها ويهدينا ويهدي الجميع الى مايحبه ويرضاه

[تروبيكان]

المشاركة الأصلية كتبت بواسطة dr.candy حبيت اكد بالنسبة للموضوع برفسور آن هيا درستني وانا كنت من طالباتها وتدرس بالفرع الي صار انو تعرفو البنات دائما لمن يلاقو عجوزة جاية وبالقوة تشرح عااد يمسكو تعليقات مالها داعي وكل ماكانت تسأل عن شي لانها غريبة عن بلدنا .. البنات يردو عليها بطريقة استفزازية هيا ماتعرف بلدنا ولا شي ... هيا بس كانت تقول نحترم الاديان وزي كده ولمن كانت تسأل على موضوعات الدرس وتستفسر البنات بيعطو اشياء غلط شوفو هيا غلطت صح وقالت ليش مافي تماثيل في الشوارع وبوذية وكلالالام كثير والاعلانات بالعباية يغطو الحريم راسهم بس لاتنسو البنات يستفزو ... ويتريقو فا في النهاية البنات عملو نفسهم على حق وهمن مابيحضرو الانجليش من اصلو وكتبو خطاب للعميد وخرجت من عندنا ولا ندري عنها بس اخر مرة سمعنا انها قالت انها طلعت مظلومة وكل دا الكلام كذب حبيت بس اوضح ..

بالزبط ...كلامك من غير اي زيادة
ياشيخة تسلمي

[sho0ory]

المشاركة الأصلية كتبت بواسطة تروبيكان اولا مرحبا انا بس حابة اوضح نقطة مس ان كنزي موجودة بالفرع...والحين تم فصلها ادا ماخاب ضني درست عندها لمدة اسبوع كامل كانت مثال للاخلاق الي عمري ماشوفتها لدرجة انو اول يوم داومت فيه عندها لمن تجي تنادي اسمي مو من بعيد تجي لمن عندي وتقولي ممكن تجي معايا,,بس عشان اكتب الرقم الجامعي تبعي..كان يمديها تكلمني وهيا مكانها واقولها الرقم الجامعي تبعي تاني موقف..سوتنا مجموعات عشان نتكتب شي وكانت فيه بنت جالسة لوحدها قامت غيرت مكانها وهيا شالت اغراضها ماخلت البنت تشيلها ,,, ولمن تلاقي شي مرمي ع الارض تجي بنفسها وتشيلوا حتى لو البنت رمتوا قدامها وطبعا هيا مررررة كبيرة في السن وبالنسبة لديانتها هيا ديانتها كاتلوكية .... وطبعا لمن اتكلمت عن الديانة انا غيرت الليفل تبعي هيا مااعطت كتب....هدا بهارات في نقل الكلام هيا قالت كل من يلبس الحجاب مجنون وجلست تشرح وجهة نظرها وطبعا البنات ردوا عليها وقالت انو ليش مافي كنايس وانتو ماتحترموا الديانة تبعنا وهكذا.. بس ماوصل الامر انها تعطي كتب الرجاء التاكد من مصدر الكلام... لانو في كلام زايد كان المفروض حثها على الاسلام لانوا كدا بدل ماتخلوها تفكر بالاسلام ....حيسير العكس تماما وجهة نظري اخلاقها اخلاق انسانة مسلمة ياريت كل المسلمات زيها بس الله يهديها ويهدينا ويهدي الجميع الى مايحبه ويرضاه

أنآ سمعت نفسسس الكلآم من لنتوركورنيآ 2

وكتير جلس يمدح اخلاقهآآ

واولهم تروبيكآنآ لمآ حكتني

روحت اجري اشووفهآ

ولمآ شفتهاااا اول مرا على طول ابتسمت لي

ويا كتر البنات اللي يطلعو اشاعات

انا بتدرسني اللحين مسس جاكي من جنوب افريفيا

وانا اتوقع انو البنات ح يطلعو اشاعات عنهآ

ومع انها ديانتهااا غير جلست تتكلم عن الاسلام بكل ادب واحترام

[ORO]

نحن المسؤولون عن فكرتهـــآ ..
لكن إن حصل وحرفت معتقد وحده من الطآلبآت ..فالجامعة تآخذ ذنبهآآ ..
الله يعيييين ..ويحفظ لنا عقلنا وديننا..
وعلى كل وحده تمثيل نفسها ودينها .. بأفضل صورة

[a7lagirl]

اقول
كانت تدرسني
نص الكلام غير صحيح بالمره وربعه صح
اضم صوتي مع توربيكانا

[ريم ღالفلا]

آآن كنزي وربي وحشتني
الله يوم كانت تحكينا عن قمة افرست راحت وجت وحده شريره بدالها

الظلم حرام وزي ما قالت تروبيكان

بس نوضح لاجل ما نظلمها مره ثانيه... لان احنا اللي كنا متعايشين معها وابد ما حصل شي من هالكلام
وشكرا لصاحب الموضوع تقبل مروري

[أبو عابد 2009]

أتوقع الموضوع في حشو زيادة .


ما أتوقع الدكتورة غبية لهذه الدرجة .


يا ريت يا صاحب الموضوع وضع مصدر الخبر

[نجم الجنوب-4]

آآآآآه شائعات من هنا وهناك وماتدري مين الصادق من الكاذب ، لكن من يعش رجبا يرى عجبا ، حنا علينا الظاهر
وشكريا(^_^)

[alghla]

يسعد مساء الجميع
اولا : البروفيسورة آن كينسي درستني لمدة 3 أسابيع
صحيح ديانتها غير عن ديانتنا بس انه محترمه الاسلام جدا
واذا ع سالفة الحجاب صدر منها هدا الكلام بسبب الطالبات الموجودات بالكلاس
وانواع التريقة والاستفزاز
وانا مع الحق انه بنات الكلاس غير محترمينها ابدا ولم يظهروا لها انطباع جيد عن الاسلام
وماانكر وجودي معاهم في الكلاس والتصرفات الطايشة بس ع الاقل كنت محترمة نفسي ومااحضر كلاساتها لاني مااحب اظلم احد او احد يظلمني
عذرا ع الرد ولكن الساكت عن الحق شيطان أخرس
واتمنى ذكر الحقيقة وعدم نسب اي شي لشخص بدون حق
تذكر ان هناك يوم سوف تقف ويحاسبك رب العباد والشخص نفسه
فأصدق القول

[روح طفولية]

المفرووض ما يوظفون الا المسسلمات

الله يهدي الجميع